MENU

अन्तर्वार्ता

Ncell Axiata
USAID

टेरिया भन्छिन् ‘हिम्मत नहार्नु, एकदिन सफल भइन्छ’

भारतको टेलिभिजन च्यानल जीटिभीको रियालिटी शो डान्स इन्डिया डान्स (डिआइडी) लिटिल मास्टर्सको उपाधी जित्न सफल नेपाली बालिका टेरिया मगरलाई बधाई र शुभकामना थाप्न भ्याईनभ्याई छ ।

११ वर्षकी टेरिया शनिबार काठमाडौं फर्किंएकी छिन् । काठमाडौंमा उनलाई विशेष सम्मान गरिएको छ । पाल अाउनुअघि मुम्बर्इमा रहेकी टेरियासँग उज्यालो अनलाइनका लागि मिलन तिमिल्सिनाले टेलिफोनमा गरेको कुराकानी:

सबैभन्दा पहिले त टेरियालाई धेरै धेरै बधाई

धन्यवाद । तपाईंहरु सबैको सहयोगले म यहाँसम्म पुग्न सफल भएँ । मलाई भोट दिने, माया गर्ने, साथ दिने सबैलाई धेरै धेरै धन्यवाद छ । फाइनल हुनु पहिले काठमाडौं आएर फर्कंदा पनि मैले भनेको थिएँ–मलाई भोट दिनुहोस्, देशको नाम चिनाउने छु भनेर । तपाईंहरुले भोट दिनु भो । मैले देशको नाम रोशन गरेजस्तै लागेको छ ।

भारतमा यति ठूलो उपाधी हात पार्न सफल भएकोमा कस्तो लागिरहेको छ ?

निकै खुशी लागेको छ । अडिसन दिन आएदेखि नै मलाई टप टेनसम्म पुग्छु भन्ने लागेको थियो । टपटेनमा पनि पुगें । टप फाइभमा पुगें । अनि फाइनमा पुगें । त्यति मात्र होइन, उपाधी नै जितें । निकै खुशी लागेको छ । सोचेको जस्तै भयो ।

उपाधीको अन्तिम घोषणा हुने बेला कस्तो लागेको थियो ?

निकै डर लागेको थियो । पक्कै मैले नै उपाधी जित्छु भन्ने त पहिले पनि लागेको थियो । तर उपाधी कसले जित्छ भनेर घोषणा भैरहँदा, पर्खिरहँदा निकै छटपटी भयो । उकुसमुकुस भयो । जब उपाधीको घोषणा भयो, अनि त खुशीको सीमा नै रहेन ।

उपाधी जितेपछि प्रतिष्पर्धी साथीहरु, अनि निर्णायकहरुले के भने ?

 

सबैले बधाई दिए । नेपाल पनि राम्रो, नेपाली पनि राम्रा, नेपालकी छोरी पनि राम्रो भने ।

उपाधीसँगै जितेको १० लाख रुपैया के गर्छौ ?

खै के गर्छु के थाहै छैन ।

अब त सबैले चिने । सांगीतिक कार्यक्रममा बोलाउलान् । सबैतिर समय दिन भ्याइन्छ ?

भ्याएसम्म जान्छु । तर पहिले त मैले पढाई पूरा गर्नुपर्छ ।

 

तिमीजस्तै प्रतिभाहरु गाउँठाउँमा अरु पनि होलान् । जसले अवसर पाउन सकेका छैनन् । उनीहरुलाई के भन्छौ ?

मजस्तै साथीहरु पक्कै पनि हुनुहुन्छ । उहाँहरुलाई भन्छु कि कहिल्यै हिम्मत नहार्नु । नडराउनु । यस्तै कार्यक्रम भएको ठाउँमा जानु । भाग लिनु । हिम्मत नहारे, नडराए सफलता पक्कै हात लाग्छ । अनि अभिभावकहरुले पनि आफ्ना छोराछोरीलाई यस्ता कार्यक्रममा लगेर प्रतिभा देखाउने अवसर दिनुपर्छ ।

प्रतिक्रिया दिनुहोस

सम्बन्धित सामग्रीहरु

  • फ्रान्स राष्ट्रपतीय चुनावः पहिलो चरणमा म्याकरोन र पेन अघि

    वैशाख ११ – फ्रान्सको राष्ट्रपतिय चुनावको पहिलो चरणमा मध्यपन्थी इम्यानुएल म्याकरोन चुनावमा अगाडि रहेको देखाएको छ । यस्तै पूर्व प्रधानमन्त्री फ्रास्वाँ फिलोंलाई पछाडि पार्दै नेशनल फ्रन्टकी मारिन ल पेन दोश्रो स्थानमा रहेको बिबिसीले जनाएको छ ।

सबै हेर्नुहोस
Foreign Employment
Job Vacancy
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया