MENU

खेल

Ncell Axiata
USAID

​अजहर अली पाकिस्तानको नयाँ कप्तान

काठमाडौं, चैत १५ - अजहर अली पाकिस्तानी क्रिकेट टिमको कप्तान हुने भएका छन् । पाकिस्तान क्रिकेट बोर्ड पिसिबीका अध्यक्ष शहरयार खानले अलीलाई एक दिवसीय क्रिकेट टिमको कप्तान बनाउने निर्णय गरेका हुन् । अली कप्तान भएका घोषणा भने सोमबारसम्ममा हुने छ । 

पाकिस्तान विश्वकपको क्वाटर फाइनलबाटै घर फर्किएपछि कप्तान मिसवाह उल हकले सन्यासको घोषणा गरेका थिए । कप्तान उल हकले सन्यास घोषणा गरेपछि पिसिबी नयाँ कप्तानको खोजीमा छ । उल हक र प्रशिक्षक वकार युनिसको सिफारिसमा खानले अलीलाई कप्तान बनाउने निर्णय गरेका हुन् । अध्यक्ष खानले कप्तान बनाउने निर्णय गरेका अली जारी विश्वपकमा पाकिस्तानी टिममा थिएनन् र उनले पछिल्लो २ वर्षदेखि एक दिवसीय क्रिकेट पनि खेलेका छैनन् । उनले सन् २०१३ मा भारतविरुद्ध अन्तिम एक दिवसीय खेलेका थिए । ३० वर्षका अलीले जम्मा १४ वटा मात्र एक दिवसीय क्रिकेट खेलेका छन् । ३९ टेष्ट खेलेका उनी पहिलो श्रेणीको र घरेलु क्रिकेटको भने अनुभवी खेलाडी हुन् । 

तर पनि अली अकस्मात कप्तानको रुपमा पाकिस्तानी टिममा आउन लागेका होइनन् । यसअघि सन् २०१० मा अल पाकिस्तानको संभावित कप्तानको प्रतिस्पर्धामा थिए । तर अनुभवी भएको भन्दै त्यतिबेला पिसिबीलाई उल हकलाई कप्तान बनाएको थियो । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
पछिल्ला समाचारहरु

सोसल मिडिया