MENU

जनसरोकार

Ncell Axiata
USAID

कक्षा ११ को परीक्षाको सबै तयारी पुरा

भक्तपुर, जेठ १ – उच्च माध्यामिक शिक्षा परिषदले आइतबारदेखि सुरु हुने कक्षा ११ को परीक्षाको सबै तयारी पूरा भएको जनाएको छ । परीक्षामा ३ लाख ६९ हजार ४२६ परीक्षार्थी सहभागि हुने छन् । परीक्षा १२ गतेसम्म संचालन हुनेछ ।

परीक्षाका लागि ९२१ केन्द्राध्यक्ष, २ हजार ५१२ सहायक केन्द्राध्यक्ष, १ हजार ९२१ पर्यवेक्षक, १३ हजार ४३० जना निरीक्षक, १ हजार ६४१ जना कर्मचारी, २ हजार ४७६ जना कार्यालय सहयोगी, ११ हजार ५२ जना सुरक्षाकर्मी गरि ३३ हजार ९५३ जना परिचालित हुने परीक्षा नियन्त्रक सन्तोष अर्यालले जानकारी दिनुभयो ।

परीक्षामा विभिन्न प्रकारका अपाङ्गता भएका व्यक्ति, कारागार र बालसुधार गृहमा रहेका परीक्षार्थीलाई पनि परीक्षा दिने व्यबस्था गरेको छ । परीक्षा संचालन अबधीभर परीक्षा समन्वय समिति, केन्द्राध्यक्ष, सहायक केन्द्राध्यक्ष, पर्यवेक्षक र परिषद्बाट खटिएका जिम्मेवार व्यक्ति बाहेकका व्यक्तिलाई परीक्षा केन्द्रमा मोवाईल फोन लैजान पूर्ण रुपमा निषेध गरिएको छ । 

परीक्षामा अमर्यादित काम गर्ने व्यक्तिलाई ६ महिना कैद र १ लाख रुपैयासम्मको जरिवानाको व्यबस्था गरिएको छ भने परीक्षा मर्यादा विपरित सामुहिक रुपमा चोरी भएको पाईएमा त्यस्तो परीक्षा केन्द्र नै खारेज गर्ने व्यबस्था गरिएको छ । 

परिषद्का उपाध्यक्ष डा. चैतन्य शर्माले परीक्षा अनगमनका लागि शिक्षा मन्त्रालयका सहसचिव, क्षेत्रीय उपनिर्देशक, क्षेत्रीय प्रशासक, जिल्ला शिक्षा अधिकारी लगायत मन्त्रालय मातहतका बिभिन्न व्यक्तिको नेतृत्वमा ३१ वटा अनुगमन टोली बनाएर परीक्षाको अवलोकन गर्ने व्यबस्था गरिएको जानकारी दिनुभयो । 

उहाँले भन्नुभयो ‘परीक्षाको कडाईका साथ अनुगमन गरिन्छ, कुनैपनि परीक्षा केन्द्रमा सामुहिक चोरी भए नभएको परीक्षा सकिए पछि छानबिन गरिन्छ, अधिकांश परीक्षार्थीको हुबहु उत्तर पाईएमा त्यस्तो परीक्षार्थीको परीक्षा रद्ध गरि सबैलाई कारबाहीको दायरामा ल्याईन्छ ।’ 

कक्षा १२ को परीक्षा सम्पन्न

वैशाख २० गतेबाट देशभर सुरु भएको कक्षा १२ को परीक्षा भने सम्पन्न भएको छ । उच्च माध्यामिक शिक्षा परिषद् सानोठिमीले देशभर कूल ९२१ परीक्षा केन्द्र मार्फत बैशाख ३१ गतेसम्म कूल ८२ वटा विषयको परीक्षा संचालन गरेको थियो । 

परीक्षामा ३ लाख ४६ हजार ४२७ जना परीक्षार्थी सहभागि भएको परिषद्का परीक्षा नियन्त्रक सन्तोष अर्यालले जानकारी दिनुभयो । 

प्रतिक्रिया दिनुहोस

Foreign Employment
Job Vacancy
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया