MENU

जनसरोकार

Ncell Axiata
USAID

डेढ महिनादेखि शिक्षा कार्यालयको काम प्रभावित

सर्लाही, जेठ २ - डेढ महिनादेखि जिल्ला शिक्षा कार्यालय सर्लाहीको कामकाज प्रभावित भएको छ । मधेसी मोर्चाका एक जना जिल्लास्तरका नेताले सर्लाहीका जिल्ला शिक्षा अधिकारी बद्रीनारायण शर्मामाथि हातपात गरेको विरोधमा कर्मचारीहरुले डेढ महिनादेखि सेवाग्राहीहरुको महत्वपूर्ण बाहेक अन्य कामकाज ठप्प पारेका छन् ।

हातपातको घटनापछि सर्लाहीका जिल्ला शिक्षा अधिकारी, सहायक जिल्ला शिक्षा अधिकारी लगायत अन्य जिम्मेवार कर्मचारी डेढ महिनादेखि कार्यालय गएका छैनन् । सुरक्षाको ग्यारेन्टी नभएसम्म कार्यालयमा गएर काम गर्न नसक्ने सर्लाहीका सहायक जिल्ला शिक्षा अधिकारी रामहरि रिजालले बताउनुभयो ।

जिल्ला शिक्षा अधिकारी र सहायक जिल्ला शिक्षा अधिकारी सदरमुकाम बाहिर बस्न थालेपछि घन्टौं लगाएर सदरमुकाम मलंगवामा रहेको जिल्ला शिक्षा कार्यालयमा सेवा लिन पुग्ने सेवाग्राहीले सास्ती खेप्नु परेको छ । 

आफूहरु बसेकै ठाउँमा आउने सेवाग्राहीहरुलाई भनेसेवा प्रदान गरिरहेको सहायक जिल्ला शिक्षा अधिकारी रिजालले दावी गर्नुभयो । जिल्ला शिक्षा अधिकारीलाई हातपात गर्ने मोर्चाका नेतालाई प्रशासनले कुनै किसिमको कारवाही गर्न सकेको छैन् । 

प्रतिक्रिया दिनुहोस

Nepal Life Insurance
Job Vacancy
पछिल्ला समाचारहरु

सोसल मिडिया