MENU

जनसरोकार

Ncell Axiata
chhaka panja

पोखरामा फेवा–बेगनासताल सिधा बससेवा सुरु

पोखरा, जेठ ३ – कास्कीको दुई मुख्य पर्यटकीय क्षेत्र जोड्ने गरी सिधा बस सेवा सुरु भएको छ । पोखराको फेवाताल र लेखनाथको वेगनासताल जोड्ने गरी पर्यटन सेवाको नाममा सोमबारदेखि सिधा बस सेवा सुरु गरिएको हो । 

पोखरा बस व्यवसायी समिति र वेगनास बस ब्यवसायी समितिको समन्वयमा सिधा बस सेवा सुरु गरिएको पोखरा बस ब्यवसायी समितिका सचिव अमृत शर्मा तिमल्सिनाले जानकारी दिनुभयो । उहाँका अनुसार तत्कालको लागि दुई वटा समितिका चारर चार गरी दैनिक ८ वटा गाडी सञ्चालन हुनेछन् । 

फेवातालबाट वेगनासताल र वेगनासबाट फेवातालको लागि आधा घण्टाको फरकमा गाडी छुट्नेछन् । विहान साढे ६ बजेदेखि साझ ६ बजेसम्म दैनिक ८ वटा बस आधा घण्टाको फरकमा २४ क्यु मा सेवा दिने गरी ब्यवस्था मिलाइएको तिमल्सिनाले बताउनुभयो । यसको भाडादर भने ५० रुपैया कायम गरिएको छ । 

फेवाताल र बेगनासताल जोड्ने गरेर सिधा बस सेवा नहुँदा यात्रु तथा पर्यटकहरूलाई विभिन्न स्थानबाट गाडी फेर्दै जानुपर्ने बाध्यता थियो । अब फेवाताल अवलोकन गरेर वेगनास जान चाहनेले सिधा बस सेवा पाउनेछन् । 

तिमल्सिनाले पर्यटकीय नगरी पोखराका मुख्य पर्यटकिय क्षेत्रहरु जोड्नेगरी बस सेवा सञ्चालन गरिने समितिको योजना अनुसार तत्कालको लागि फेवा वेगनासताल बस सेवा सुरु गरिएको बताउनुभयो ।

‘भविश्यमा अन्य पर्यटकिय क्षेत्रलाई पनि जोड्ने गरी सेवा विस्तार गरिनेछ’ उहाँले भन्नुभयो । समितिले पोखराका अन्य पर्यटकिय क्षेत्रहरू डेभिडफल्स, महेन्द्रगुफा, फेवाताल, पर्वतीय संग्रालय लगायतका क्षेत्र जोड्ने गरी अरू पर्यटक बस सेवा सुरु गर्ने तयारी गरिरहेको हो । 

प्रतिक्रिया दिनुहोस

western union
nepali women
पछिल्ला समाचारहरु

सोसल मिडिया