MENU

जनसरोकार

Ncell Axiata
USAID

बेलायतको संस्थाले नेपालमा बाघ संरक्षणमा सघाउने

काठमाडौं, जेठ ५ – राष्ट्रिय प्रकृति संरक्षण कोष र जियोलोजिकल सोसाइटी अफ लण्डन (जेडएसएल) बिच बाघ संरक्षणका लागि सम्झौता भएको छ । 

अन्तर्राष्ट्रिय प्रकृति संरक्षण सङ्घ (आइयुसिएन) ले आयोजना गरेको बाघको बासस्थान संरक्षणसम्बन्धी कार्यक्रममा भारतीय सिमावर्ती क्षेत्रमा पर्ने राष्ट्रिय निकुञ्ज तथा वन्यजन्तु आरक्षमा बाघ संरक्षणका क्रियाकलाप सञ्चालन गर्न सहमति भएको हो । 

बाघको सङ्ख्या घट्दै गएको अवस्थामा सन् २०२२ सम्ममा बाघको सङ्ख्या दोब्बर गर्ने विश्वव्यापी लक्ष्य एवं पछिल्लो एक वर्षमा पश्चिम तराईमा बाघ तस्करी बढेको भन्ने नेपाल प्रहरीको केन्द्रीय अनुसन्धान ब्युरोको प्रतिवेदन समेतलाई मध्यनजर गरी बाघ संरक्षणको कार्यक्रम अघि बढाउन लागिएको कोषले जनाएको छ ।    

पर्सा वन्यजन्तु आरक्ष, बाँके राष्ट्रिय निकुञ्ज, बर्दिया राष्ट्रिय निकुञ्ज र शुक्लाफाँटा वन्यजन्तु आरक्ष तथा आसपासको मध्यवर्ती क्षेत्रमा बाघ संरक्षणका क्रियाकलाप सञ्चालन गर्न कोषका सदस्यसचिव गोविन्द गजुरेल र जेडएसएलका राष्ट्रिय प्रबन्धक डाक्टर हेमसागर बरालले सम्झौता पत्रमा हस्ताक्षर गर्नुभएको हो । 

यसको लागि आइयुसिएनको बाघको बासस्थान संरक्षणसम्बन्धी कार्यक्रम र केएफडब्लुले जेडएसएलमार्फत रकम उपलब्ध गराएको र कोषले राष्ट्रिय निकुञ्ज तथा वन्यजन्तु संरक्षण विभाग, जेडएसएल तथा स्थानीय समुदायसँगको सहकार्यमा कार्यक्रम सञ्चालन गर्ने सदस्यसचिव गजुरेलले बताउनुभयो । 

प्रतिक्रिया दिनुहोस

Foreign Employment
पछिल्ला समाचारहरु

मेरो पनि भन्नु छ

  • नेताहरुको चाला हेर्दा स्थानिय तहको चुनाव गर्ने कुरा नाटक मात्रै हो कि जस्तो लागेको छ । हामी कहिलेसम्म जनप्रतिनिधी विहिन हुनुपर्ने हो कुन्नी ?

    ​अविकिरन डिसी
  • सोलिडारिटीकप जितेका खेलाडीलाई सरकारले ३ लाखका दरले पुरस्कार दिएको सुन्दा खुसी लाग्यो । ढिलै भएपनि सरकारले राम्रै काम गरेको छ । खेलाडीको सफलतामा हौसिएर पुरस्कार घोषणा गर्ने तर नदिने प्रथाको अन्त्य हुनुपर्छ ।

    ​देवेन किशोर अन्जान
  • दयाहाङ राई र सौगात मल्ल उत्कृष्ट नायक भएको खबर सुनेर लाग्यो, चिल्लो गाला र ठुलो पाखुरा देखाएर ठुलो स्वरमा चिच्याउँदैमा फिल्म चल्दैन। यदि अभिनय जान्दैन भने कसैको केही लाग्नेवाला छैन ।

    ​तिर्थ अधिकारी
सबै हेर्नुहोस

सोसल मिडिया