MENU

जनसरोकार

ujyaalo forign call inside

तीन वर्षभित्र उत्पादन गर्ने गरी पट्रोलिय पदार्थको अध्ययन सुरु

काठमाडौं, जेठ ५– तीन वर्षभित्र व्यवसायिक रुपमा उत्पादन गर्ने उद्देश्यसहित उद्योग मन्त्रालयले चीनको सहयोगमा देशका विभिन्न भाग पेट्रोलिय पदार्थको अनुसन्धान सुरु गरेको छ ।

३५ वर्षअघि नै देशलाई १० भागमा विभाजन गरेर पेट्रोलिय पदार्थको अध्ययन थालिए पनि विभिन्न कारणले अघि बढ्न सकेको थिएन । प्रधानमन्त्री केपी शर्मा ओलीको चीन भ्रमणका क्रममा दुई देशबिच पेट्रोलिय पदार्थको अध्ययन अनुसन्धान गर्ने सम्झौतामा हस्ताक्षर भएपछि काम अघि बढेको हो ।

सरकारले पहिलो चरणमा तीन ठाउँमा अध्ययन पूरा गरेर उत्पादन गर्ने उद्देश्यसहित काम थालेको उद्योगमन्त्री सोमप्रसाद पाण्डेले जानकारी दिनुभयो । मोरङ, दैलेख र लुम्बिनीमा अध्ययन थालिएको छ । चिनियाँ टोलीले दैलेखको अध्ययन सकेर मंगलबारदेखि मोरङको बाहुनीमा पुगेको छ ।

बाहुनीबाट फर्केपछि मन्त्री पाण्डेले उज्यालोसँग भन्नुभयो, ‘देशकै ठूलो भण्डारण बाहुनीमा रहेको यसअघिका अध्ययनले पनि देखाएको थियो ।

पछिल्लो अध्ययनले पनि त्यस्तै संकेत गरेको प्राविधिक टोलीको भनाई छ । हामी उत्साहित छौं ।’ बाहुनीपछि टोलीले लुम्बिनीको अध्ययन गर्नेछ । 

Mitsubishi

प्रतिक्रिया दिनुहोस

Skill Training
पछिल्ला समाचारहरु

सोसल मिडिया