MENU

खेल

Ncell Axiata
chhaka panja

पोर्चुगलका प्रशिक्षक भन्छन्–पहिले फ्रान्स, त्यसपछि पोर्चुगलको सम्भावना

असार २६ – पोर्चुगलले युरोकपको फाइनलमा आइतबार राति आयोजक फ्रान्ससँग खेल्दैछ । यो युरोकपमा अहिलेसम्म एक खेल पनि नहारेको पोर्चुगलले अहिलेसम्म ९० मिनेट भित्र जितेको खेल भनेको सेमिफाइनलमा मात्रै हो । अरु खेलमा कि बराबरीमा रोकिएको छ कि त अतिरिक्त समय वा पेनाल्टी सुटआउट भएको छ । पोर्चुगलका प्रशिक्षक फार्नान्डो सान्टोसले आफूहरुकोएक मात्र उद्देश्य फाइनल जित्नु रहेको बताएका छन् । प्रशिक्षक सान्टोसले भने ‘मैले पहिले नै भनेको थिएँ कि हाम्रो उद्देश्य भनेको फाइनल खेल्नु र जित्नु हो । पोर्चुगिज नागरिकलाई खुसी बनाउनु छ, त्यसैले हामीमा जित्छौं भन्ने ठूलो विश्वास छ ।’

पोर्चुगिज नागरिकलाई उत्साह मनाउने अवसर दिन चाहेको उनको भनाई छ । फ्रान्स उत्कृष्ट टिम रहेको उनले बताए । उनले भने ‘फ्रान्सको टिम कस्तो भनेर कुरा गर्नु पर्ने अवस्था नै देख्दिन । उ विश्वको उत्कृष्ट टिम मध्ये एक हो । मैले प्रतियोगिताको सुरुवात देखिनै भन्दै आएको थिएँ कि यो युरोकप जित्ने सम्भवना भएका टिम भनेका फ्रान्स, स्पेन र जर्मनी हुन् । त्यसमा अरु टिम पनि छन्, पोर्चुगलसहित । फ्रान्सको टिममा रहेका सबै खेलाडी उत्कृष्ट रहेको र उनीहरु सबै हाम्रा लागि चिन्ताको विषय हुन् ।’

फ्रान्स उत्कृष्ट खेलाडीले भरिएको विश्वको ठूलो टिम रहेको उनले बताए । तर पोर्चुगल पनि बलियो टिम रहेको र आफ्नो टिममा एक्लैले खेल जिताउने सामथ्र्य राख्ने खेलाडी रहेको प्रशिक्षक सान्टोसले बताए । समर्थकको साथ महत्वपूर्ण रहेको र उनीहरुको साथले खेल जिताउन आफूहरुलाई बल प्रदान गर्ने प्रशिक्षकको भनाई छ । 

– स्रोत : युइएफए

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
western union
nepali women
पछिल्ला समाचारहरु

सोसल मिडिया