MENU

खेल

Ncell Axiata
chhaka panja

​हारेपछि निराश फ्रान्सका समर्थकलाई सम्झाउँदै पोर्चुगलका बालक, मनछुने एउटा दृश्य

असार २९ – युरो कप फुटबल खेलको रौनक सोमबार नै सकिएपनि त्यसको प्रभाव अझैसम्म छ । खेलप्रेमिहरु युरो कपकै कुराकानीमा रमाइरहेका छन् । पेरिसको स्टेड डी फ्रान्समा घरेलु टोलीलाई अतिरिक्त समयमा १–० गोल अन्तरले हराउँदै पोर्चुगलले पहिलो पटक उपाधि उचाल्यो । विजेता टिमको पोर्चुगलमा भव्य स्वागत भयो । आइतबार रातिको खेल सकिएपछि फ्रान्सको सडकमा देखिएको एउटा दृश्यले सबैको मन छोयो । आफ्नो देश पराजित भएको पीडा सहन नसकेर बाटोमा रुँदै गरेका फ्रान्सका एक युवा समर्थकलाई जितको खुसी मनाइरहेको पोर्चुगलका एक बालकले सान्त्वना दिएको भिडियो सार्वजनिक भएको छ । बाटोमा रुँदै गरेका फ्रान्सका समर्थक ति युवाको हात पोर्चुगलको जर्सी लगाएका बालकले समाते, युवा झस्किए, बालकले हात मिलाएर सान्त्वना दिएको भिडियोमा देख्न सकिन्छ । त्यसपछि ती युवा अघि बढे, बालक पनि उनलाई केही भन्दै सँगै अघि गए, युवाले बालकलाई रुँदै अँगालो हाले । भिडियोमा देखिएको यो दृश्यले धेरैलाई भावुक बनाएको छ । 

– एजेन्सीको सहयोगमा 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
western union
nepali women
पछिल्ला समाचारहरु

सोसल मिडिया