MENU

खेल

Ncell Axiata
USAID

‘देश फर्किए मेरो ज्यान खतरामा’ भन्ने धावकलाई कसले देला शरण ?

भदौ ७ – रियो ओलम्पिकमा म्याराथनमा रजत पदक जितेका इथियोपियाका धावक फेयिसा लिलेसालाई शरण खोज्न सहयोग गर्न भन्दै सहयोग अभियान सुरु भएको छ । सहयोग अभियानले अहिलेसम्म ४० हजार अमेरिकी डलर (४३ लाख रुपैयाँ) संकलन भइरसेको छ । लिलेसाले म्याराथन दौड पूरा गरेपछि आफ्नो देशको सरकार विरुद्ध प्रदर्शन गरेका थिए । आइतबार बेलुका म्याराथन दौड पूरा गरेपछि लिसेसाले आफ्नो हातलाई विशेष मुद्रामा मोडेर इथियोपिया सरकारप्रति आफ्नो विरोध जनाए । उनले आफ्नो हात उसै गरी मोडे, जसरी ओरोमो समुदायका मानिस सरकारको विरोध जनाउँदा मोड्छन् । लिलेसा पनि ओरोमो समुदायका हुन् । ओरोमो समुदायले इथियोपियामा प्रहरीको बर्बरताको सामना गरेका थिए । लिलेसाले धेरै पटक विरोध जनाए । म्याराथनपछि उनले पत्रकारसँग आफू देश फर्किए ज्यानको खतरा रहेको बताएका छन् । उनले भनेका थिए ‘इथियोपिया सरकार ओरोमो समुदायका मानिसको हत्या गरिरहेको छ, उनीहरुको जग्गा कब्जा गरेको छ । त्यसैले ओरोमो समुदायका मानिसले विरोध प्रर्दशन गरिरहेका छन् । म उनीहरुको समर्थन गर्छु, किनकी म पनि ओरोमो हुँ ।’ यो भनाईपछि लिलेसालाई शरण दिलाउन सहयोग संकलन अभियान सुरु भएको हो । ओलम्पिक चार्टरको नियम ५० अनुसार कुनै पनि किसिमको राजनीतिक प्रदर्शन वा विरोध प्रतिबन्ध गरिएको छ । अन्तर्राष्ट्रिय ओलम्पिक कमिटि आइओसीले लिलेसाको घटनाका बारेमा सूचना संकलनको काम भइरहेको जनाएको छ ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया