MENU

खेल

Ncell Axiata
chhaka panja

​फुटबलर बने धावक : ओलम्पिक च्याम्पियन जन्मिन्छन् वा बनाइन्छन् ?

भदौ ७ – बेलायतका धावक मो फराह सफल एथ्लेट हुन् । उनले रियो ओलम्पिकमा ५ हजार र १० हजार मिटर स्पर्धामा स्वर्ण पदक जिते । त्यसअघि सन् २०१२ को लण्डन ओलम्पिकमा पनि फराहले दुवै स्पर्धामा स्वर्ण पदक जितेका थिए । 
ओलम्पिकका सफल धावक फराह भने फुटबलर बन्न चाहन्थे । स्कुलमा हुँदा आफू फुटबल खेल्ने गरेको र भविष्यमा प्रिमियर लिग क्लब आर्सनलबाट खेल्ने सपना बनाएको फराहले बताए । स्कुलमा फुटबल खेल्ने क्रममा दौडिएको देखेर खेलकुद शिक्षकले आफूलाई फुटबल होइन, एथ्लेटिक्समा ध्यान दिन सुझाव दिएको फराहले सुनाए । त्यसपछि नै आफू धावक बन्न लागेको उनको भनाई छ । १३ वर्षको उमेरदेखि उनले दौड सुरु गरेका हुन् । उनले सन् २००१ मा पाँच हजार मिटरमा युरोपियन जुनियर उपाधि जिते । दौडलाई आफूले पेशानै बनाए पनि डबल ओलम्पिक च्याम्पियन बन्छु भन्ने नलागेको उनको भनाई छ । 

उनले भने ‘मेरा लागि लण्डन ओलम्पिक र रियो ओलम्पिक दुवै सपना विपनामा परिणत भए जस्तै भयो ।’ लगनशिलता र जित्छु भन्ने अठोटकै कारण आफू स्वर्ण पदक जित्न सफल भएको उनले बताएका छन् । उनले भने ‘मैले जितका लागि सपना देखिन, त्यसका लागि प्रशिक्षित भएँ ।’ उनले थपे ‘रियो जानु भन्दा अघि म हप्ताको एक सय २० माइल दौडिन्थे, म लगभग रोबोट जस्तै भएको थिएँ–खायो, सुत्यो, प्रशिक्षण लियो फेरि त्यसलाई दोहोर्‍यायो । जितका लागि त्याग आवश्यक छ । शरीरले भयो अब नदौडी भनेर रुँदा पनि दौडिन छोडिन । प्रशिक्षण क्याम्पमै रहेका कारण बच्चाको जन्मदिन मिस पनि गरेँ ।’ जितका लागि तयारी सबै भन्दा महत्वपूर्ण । 

– स्रोत : बिबिसी

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
western union
nepali women
पछिल्ला समाचारहरु

सोसल मिडिया