MENU

विज्ञान प्रविधि

Ncell Axiata
sagun

एनसेलले ल्यायो ‘एकमा दुई अफर’, अब २५ पैसामा एक मिनेट फोन गर्न पाइने

काठमाडौं, मंसिर ६ – मोवाइल सेवा प्रदायक कम्पनी एनसेलले भ्वाइस प्याकमा ‘एकमा दुई अफर’ ल्याएको छ । यस योजना अन्र्तगत एनसेलका प्रिपेड ग्राहकले अब करसहित २५ पैसा प्रति मिनेटमा एनसेलको नम्बरमा फोन गर्न सक्ने छन् । यो योजना सोमबारदेखि सुरु भएको छ ।

यस योजना अन्र्तगत अहिलेकै मूल्यमा दैनिक, साप्ताहिक वा मासिक भ्वाइस प्याक खरिद गर्दा दोब्बर मिनेट प्राप्त गर्नेछन् । यसको अर्थ ११ रुपैयाँमा ११ मिनेट टक टाइम भएको  दैनिक भ्वाइस प्याकको खरिदमा २२ मिनेट टक टाइम प्राप्त प्राप्त हुने र यो २४ घण्टाको लागि मान्य हुने एनसेलले जनाएको छ ।

साप्ताहिक भ्वाइस प्याकमा ६० रुपैयाँमा सात दिनको समयसिमा भएको १४० मिनेट टक टाइम पाउनेछन् । त्यसैगरी, मासिक भ्वाइस प्याकमा अब २०० रुपैयाँमा ४०० मिनेट नभई ८०० मिनेट प्राप्त  हुनेछ । 

यसरी अब मासिक भ्वाइस प्याक खरिद गर्दा २५ पैसा प्रति मिनेटसम्ममा कल गर्न सकिनेछ । युएसएसडी, आईभिआर, एसएमएस लगायतका माध्यमबाट भ्वाइस प्याक सुरु गरी  ‘एकमा दुई अफर’ लिन सकिनेछ ।

१७११८ डायल गरेर दैनिक भ्वाइस प्याकका लागि १, साप्ताहिक भ्वाइस प्याकका लागि २ र मासिक भ्वाइस प्याकका लागि ५  थिचेर यो सेवा सुरु गर्न सकिने एनसेलले जनाएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया