MENU

विज्ञान प्रविधि

Ncell Axiata
USAID

एक कल फोन गरेको तीन सय रुपैयाँ !

म्याग्दी, मंसिर ६ – एक मिनेट फोन गरेको शुल्क कति लाग्ला दुई रुपैयाँ, पाँच रुपैयाँ, १० रुपैयाँ यस्तै । तर सुन्दा अचम्म लाग्न सक्छ, म्याग्दीकै एक ठाउँबाट अर्को ठाउँमा फोन गरेको प्रतिमिनेट तीन सय रुपैयाँ लाग्छ भन्दा । यो वास्तविकता हो । 

मुदी गाविसमा रहेको धौलागिरी आधार शिविरको भ्रमणमा जाने पदयात्री तथा पर्यटकले फोनमा कुराकानी गर्दा अहिले प्रतिमिनेट तीन सय रुपैयाँ तिर्दै आएका छन् । तैपनि पदमार्गअन्तर्गत इटाली बेसक्याम्पमा लामो समयदेखि होटल व्यवसाय गर्दै आएका हरिप्रसाद तिलिजाले स्याटलाइट फोन जडान गरेपछि मात्रै यो सेवा उपलब्ध भएको हो । त्यहाँ उहाँले फोनमा कुरा गर्ने विदेशीलाई प्रतिमिनेट तीन सय र नेपालीलाई दुई सय रुपैयाँ शुल्क लिने गर्नुभएको छ । 

स्याटलाइट टेलिफोनमार्फत देशभित्रका जुनसुकै ठाउँमा फोन गर्दा प्रतिमिनेट एक सय ५६ शुल्क काट्ने हुँदा आफूले प्रतिमिनेट तीन सय रुपैयाँसम्म शुल्क लिने गरेको तिलिजाले बताउनुभयो । तीन वर्षअगाडि एक लाख ४५ हजार रुपैयाँमा स्याटलाइट प्रविधिको फोन र  १२ हजार पाँच सय रुपैयाँमा विदेशी नम्बरको सिमकार्ड खरिद गरी इटाली बेसक्याम्पमा सञ्चारको पहुँच जोडेको तिलिजाले जानकारी दिनुभयो । 

‘यसअगाडि यस क्षेत्रमा कुनै पनि सञ्चार सुविधा थिएन, पदयात्राका क्रममा पर्यटक बिरामी भएमा र लडेर घाइते भएमा समेत सूचना आदानप्रदानमा निकै कठिन थियो, अहिले स्याटलाइट फोन जडान भएपछि महँगो भए पनि आकस्मिक सेवाका रुपमा पर्यटक र पदयात्रीले प्रयोग गर्ने गरेका छन्’ तिलिजाले भन्नुभयो । 

स्याटलाइट फोनबाट आकाश खुलेको समयमा धौलागिरी हिमालको आधार शिविर क्षेत्रबाट समेत फोन गर्न सकिन्छ । धौलागिरी पदयात्राअन्तर्गत मुदीको बगरसम्म स्काई र सिडिएमए प्रविधिको फोनको सामान्य पहुँच भए पनि त्यहाँदेखि माथि भने सञ्चार सम्पर्क विच्छेद हुने गर्छ । 

बगरदेखि एक दिनको पैदलयात्रामा पुगिने दोभानमा होटल व्यवसाय गर्दै आउनुभएका बोमबहादुर पुनले त्यहाँ सिडिएमए प्रविधिको फोन जडान गर्नुभए पनि त्यो भरपर्दो छैन । मौसममा आउने फेरबदलले उक्त प्रविधिको टेलिफोनमा बारम्बार समस्या आउने गरेको छ । 

धौलागिरी आधार शिविर जाने प्रमुख पदमार्ग क्षेत्रमा सञ्चारको पहुँच नहुँदा वर्षांै पहिलेदेखि पदमार्ग सञ्चालनमा आए पनि अहिलेसम्म पनि अपेक्षाकृत रुपमा पर्यटकको आगमन बढ्न नसकेको स्थानीय बासिन्दाको भनाइ छ । सञ्चारको पहुँच नहुँदा आधार शिविर पुगेर बिरामी परेका र पदयात्राका क्रममा हराएका कतिपय पर्यटकको उपचार र उद्धारमा समेत कठिनाइ हुँदै आएको छ । रासस

प्रतिक्रिया दिनुहोस

सम्बन्धित सामग्रीहरु

  • सञ्चारको युग ! एक मिनेट फोन गर्न डेढ घण्टा हिँड्नु पर्छ

    देशभर सञ्चार सेवा विस्तार हुँदै गएपनि अझै आफन्तसँग बोल्नका लागि झण्डै डेढ घण्टा हिँड्नुपर्छ भन्दा पत्यार नलाग्न सक्छ । तर सोलुखुम्बुको गुदेल गाविसको योक्स्खा गाउँका बासिन्दा फोन गर्नकै लागि निम्चोला डाँडासम्म जानुपर्ने बाध्यता छ ।

  • मस्तिष्क दान गर्न वैज्ञानिकको अपिल

    फागुन ७ – वैज्ञानिकहरुले निधनपछि आफ्नो मस्तिष्क दान गर्न मानिससँग अपिल गरेका छन् । अनुसन्धानका लागि मष्तिस्कको अभाव भएकाले मस्तिष्क दान गर्ने बानी बढाउनु पर्नेमा वैज्ञानिकले जोड दिएका हुन् ।

  • युरोपबाट प्राविधिक ल्याएर जोडियो अत्याधुनिक अपरेशन मेसिन

    काठमाडौं, फागुन ६ – नेपालमै पहिलोपटक अत्याधुनिक अपरेशन मेसिन भित्रिएको छ । ६ करोडको लागतमा मानव अंग प्रत्यारोपण केन्द्र भक्तपुरमा अत्याधुनिक अपरेशन मेसिन ल्याइएको हो ।

  • भिटामिन ‘डी’ को पिल्सले जोगाउँछ रुघा र फ्लुबाट

    फागुन ५ – भिटामिन ‘डी’ को पिल्स खाएमा रुघा तथा फ्लुको संक्रमणकाट बच्च सकिने वैज्ञानिकले बताएका छन् । नयाँ अनुसन्धानले भिटामिन ‘डी’ को पिल्स खाएमा चिसोका कारण लाग्ने रुघा तथा फ्लुबाट बच्च सकिने देखिएको अनुसन्धानमा संलग्न वैज्ञानिकले बताएका छन् ।

  • डाइनोसर, गोही तथा चराले पनि बच्चा जन्माउँथे

    फागुन ४ – वैज्ञानिकले डाइनोसर, गोही तथा चराले सोझै बच्च नै जन्माउने गरेको गरेको पहिले प्रमाण फेला परेका छन् । पहिले अण्डा पारेर त्यसबाट बच्चा कोरल्ने प्रजातिका डाइनोसर, गोही तथा चराले सोझै बच्चा नै जन्माउने गरेको प्रमाण फेला पारेको अनुसन्धानकर्ताले बताएका छन् ।

सबै हेर्नुहोस
Foreign Employment
पछिल्ला समाचारहरु

मेरो पनि भन्नु छ

  • नेताहरुको चाला हेर्दा स्थानिय तहको चुनाव गर्ने कुरा नाटक मात्रै हो कि जस्तो लागेको छ । हामी कहिलेसम्म जनप्रतिनिधी विहिन हुनुपर्ने हो कुन्नी ?

    ​अविकिरन डिसी
  • सोलिडारिटीकप जितेका खेलाडीलाई सरकारले ३ लाखका दरले पुरस्कार दिएको सुन्दा खुसी लाग्यो । ढिलै भएपनि सरकारले राम्रै काम गरेको छ । खेलाडीको सफलतामा हौसिएर पुरस्कार घोषणा गर्ने तर नदिने प्रथाको अन्त्य हुनुपर्छ ।

    ​देवेन किशोर अन्जान
  • दयाहाङ राई र सौगात मल्ल उत्कृष्ट नायक भएको खबर सुनेर लाग्यो, चिल्लो गाला र ठुलो पाखुरा देखाएर ठुलो स्वरमा चिच्याउँदैमा फिल्म चल्दैन। यदि अभिनय जान्दैन भने कसैको केही लाग्नेवाला छैन ।

    ​तिर्थ अधिकारी
सबै हेर्नुहोस

सोसल मिडिया