MENU

विज्ञान प्रविधि

Ncell Axiata
sagun

चार अर्ब मानिस इन्टरनेटको पहुँचबाट बाहिर

मंसिर २२ – विश्वका चार अर्ब मानिस अझै पनि इन्टरनेटको पहुँचमा नरहेको संयुक्त राष्ट्रसंघले जनाएको छ । विकाशील देशका ६६ प्रतिशत घरधुरी इन्टरनेटको पहुँच भन्दा बाहिर रहेको संयुक्त राष्ट्रसंघीय इन्टरनेट गभर्नेन्स फोरम आइजिएफले उल्लेख गरेको छ । इन्टरनेटको पहुँचमा रहेका मानिसको प्रयोग तथा सेवालाई प्रभावकारी बनाउनु तथा पहुँचमा नरहेकासम्म इन्टरनेट सेवासम्म पुर्‍याउनु अहिलेको चुनौती रहेको आइजिएफले जनाएको छ । इन्टरनेटले सामूहिक स्वार्थपूर्तिका लागि सहयोग गर्ने भएपनि विकासशील देशका अधिकांश मानिस इन्टरनेट सेवाबाट बाहिर हुँदा समस्या भएको छ ।

इन्टरनेटको पहुँचका कारण सामाजिक सेवा तथा विकासमा सहयोग पुग्ने भएपनि सही प्रयोग हुन नसक्दा सामाजिक अपराध बढ्ने खतरा पनि रहेको राष्ट्रसंघको भनाई छ । इन्टरनेटको प्रयोग नयाँ अवसरको खोजी तथा सामाजिक हितका लागि गराउन यससँग सरोकार राख्ने सबै सजग हुनु पर्नेमा जोड दिइएको छ ।

इन्टरनेटका कारण पनि समाजमा विभाजन आउन सक्ने देखिएकाले त्यसको व्यवस्थापनका लागि सबैसम्म यसको पहुँच पुर्‍याउने र प्रयोगलाई व्यवस्थित गर्नु पर्ने आइजिएफले जनाएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया