MENU

विचार/अनुभूति

Ncell Axiata

कसरी पत्याउनु प्रचण्डको सम्पत्ति ?

प्रधानमन्त्री पुष्पकमल दाहाल प्रचण्डसँग सम्पत्तिको नाममा तीनतोला सुन र एक कठ्ठा जमिन मात्र, त्यो पनि पैत्रिक रे ! भन्ने थाहा पाउँदा सबैलाई अचम्म लागेको छ । उहाँको सम्पत्ति विवरण सार्वजनिक भएलगत्तै धेरैले यो अस्वभाविक भन्दै शंका गरेका छन् । फेसबुक र ट्वीटरमा प्रधानमन्त्रीको सम्पत्तिलाई लिएर धेरैथरी टीकाटिप्पणी सार्वजनिक भैरहेका छन् । तैपनि प्रधानमन्त्रीको निजी सचिवालयले प्रधानमन्त्रीसँग यति मात्रै सम्पत्ति भएको र कसैलाई थाहा छ भने देखाउन चुनौति दिएको छ । 

तर प्रधानमन्त्रीसँग तीनतोला सुन र एक कठ्ठा जमिन मात्रै भएको कुरा चाहिँ सजिलै पत्याउन मुश्किल छ । किनकी प्रधानमन्त्रीले झारा टार्ने हिसाबले मात्र सम्पत्ति विवरण फारम भरेको देखिन्छ । फारममा भएका अरु धेरै विवरणमा उहाँले केही उल्लेख गर्नुभएको छैन । अरु मन्त्रीहरुले आफूसँग भएको मोबाइल, ल्यापटप, कम्प्युटरको विवरण समेत सार्वजनिक गरेका छन् । तर प्रधानमन्त्रीले झारा टार्ने हिसाबले मात्र फारम भर्नुभएको छ ।

एकछिनलाई मानौं, उहाँको घर पनि छैन, गाडी पनि छैन, जग्गाजमिन पनि छैन । तर गोजीमा मोबाइल त बोकेर हिँड्नुहुन्छ । हातमा महंगो घडी देखिन्छ । लाजिम्पाटको भव्य महलमा बस्नुहुन्छ । उहाँले अपत्यारोले ढंगले सम्पत्ति आर्जन गरेको भनेर माओवादीकै नेताहरुले आलोचना गर्दै आएका छन् । 

उहाँले सम्पत्ति विवरणमा आफूसँग भएको मोबाइल खै देखाएको ? सबैभन्दा गरिब भनिएका पूर्व प्रधानमन्त्री सुशील कोइरालाले त आफूसँग भएको मोबाइल समेत सार्वजनिक गर्नुभएको थियो । के प्रधानमन्त्री प्रचण्डले बोकेर हिँड्ने मोबाइल उहाँको होइन ? अनि उहाँसित ल्यापटप र कम्प्युटर पनि छैन ?

पहिलो संविधानसभादेखि अहिलेसम्म उहाँ सभासद र सांसद मात्र होइन, दुईपटक त प्रधानमन्त्री भैसक्नुभएको मान्छे । मासिक रुपमा पारिश्रमिक एवं तलब भत्ताबाट आर्जन हुने सम्पत्ति कहाँ गयो ? सबै पार्टीमा बुझाउनुभएको त होइन होला नि ? 

प्रधानमन्त्री र उहाँको परिवारलाई बाहिरबाट झट्ट हेर्दा सम्पत्तिको नाममा तीनतोला सुन र एक कट्ठा जग्गा मात्रै भएको गरीब मान्छे भनेर कसैगरी पनि देखिंदैन । सामाजिक सञ्जालमा आएका प्रतिक्रिया हेरेरै थाहा हुन्छ, उहाँ यतिधेरै गरीब हुनुहुन्छ भनेर कसैले पनि पत्याएको छैन । र उहाँ यति थोरै मात्र सम्पत्ति भएको नेता हुँदै होइन ।

प्रधानमन्त्री प्रचण्डको सम्पत्ति विवरण  

 

Mitsubishi

प्रतिक्रिया दिनुहोस

सम्बन्धित सामग्रीहरु

  • प्रचण्डलाई सजिलै मिल्ला र एकीकृत पार्टीको अध्यक्ष पद !

    माओवादीमा ४७ सालपछि आएका नेता कार्यकर्ता धेरै छन् भने एमालेमा प्रचण्ड भन्दा पनि पाका, धेरै योगदान गरेका पुराना नेता कार्यकर्ताको संख्या ठूलो छ । प्रचण्डले उनीहरुको योगदानको मूल्यांकन गर्नेछन् भन्ने आधार के हुन्छ भन्ने निश्चित नभै एमालेको ठूूलो पंक्तिले प्रचण्डलाई सहज हिसावले स्वीकार्न कठिन छ ।

  • बन्दी चेतनाको ‘जाँच प्रयोग’

    “यहाँ अहिले हामी ६ सय ६८ जना छौं” – एक परिचित युवा बन्दीले सुस्तरी कानमा भने । राणाकालमा बनेको दुईतले एउटा भवन नजिकै ठाउँ–ठाउँमा चिराचिरा परेर कमजोर हालतमा उभिएको थियो । त्यसकै कापमा एउटा सानो गल्ली जस्तोमा चिया पाकिरहेको थियो शायद, बन्दीहरु त्यतैबाट तातो चियाका गिलास लिँदै निस्किरहेका थिए ।

  • नेपालमा चीनको स्वार्थ

    कैयौँ पटक ‘नेपालको सार्वभौमसत्ता रक्षाका लागि’ चीनले सहयोग गर्ने भन्ने गरिएको छ बेइजिङ्गबाट । कूटनीतिक दृष्टिले यो अत्यन्तै गम्भीर अभिव्यक्ति हो । यसको अर्थ नेपालको सर्वभौमसत्ता गुम्ने र नेपालको अस्तित्व नै नरहने खतरा छ भनेर चीनले विश्लेषण गरेको हो भनेर बुझ्नु पर्ने हुन्छ ।

  • आँखाको क्यान्सर कति खतरनाक ?

    एक दशक अगाडि अलि कम र अहिलेको दशकमा एकदम धेरै सुनेको रोग क्यान्सर हो । शरीरको विभिन्न अंगहरु फोक्सो, आन्द्रा, कलेजो, पाठेघर, स्तनलगायतमा क्यान्सर भए जस्तै आँखामा पनि क्यान्सर हुन्छ । अरु क्यान्सरमा भन्दा यो क्यान्सर हुने जोखिमयुक्त कारक तत्वहरु फरक छन् ।

  • ओलीका अघिल्तिर कति धेरै अवसर ?

    बोले अनुसार काम थाल्ने हो भने वाम गठबन्धनको सरकारका सामु चुनौती थोरै र अवसरहरु कता हो कता धेरै छन् । अब बन्ने सरकारका लागि सबैभन्दा ठूलो अवसर विकासलाई तल्लो तहसम्म पुर्यासउने संरचना तयार छ । स्थानीय तहको चुनावपछि विकासलाई नागरिकको घर दैलोसम्म पुर्याउने जनप्रतिनिधिहरु चुनिएर अहिले काममा छन, तर देखाउने काम नपाएर कामका अवसरको खोजीमा छन ।

सबै हेर्नुहोस
Skill Training
पछिल्ला समाचारहरु

सोसल मिडिया