MENU

विज्ञान प्रविधि

Ncell Axiata
sagun

​एनसेलले ल्यायो ‘साप्ताहिक रोमिङ् डेटा प्याक’ र ‘ट्रान्जिट पास’ सेवा


काठमाडौंं, पुस १ – मोबाइल सेवा प्रदायक कम्पनी एनसेलले ‘साप्ताहिक रोमिङ् डेटा प्याक’ र ‘रोमिङ ट्रान्जिट पास’ सेवा ल्याएको छ । विदेश भ्रमणमा जाने ग्राहकलाई लक्षित गरी यी सेवा लयाएको एनसेलले जनाएको छ । 

साप्ताहिक रोमिङ् डेटा प्याकअन्तर्गत एनसेलका ग्राहकले अब विदेश भ्रमणमा रहेका बेलामा पनि ५ रुपैयाँ प्रति एमबि सम्मको शुल्कमा डेटा लिन सक्नेछन् । 

ट्रान्जिट पासले ग्राहकलाई प्रमुख ट्रान्जिट गन्तव्यमा रहेका समयमा डेटा सेवा प्रदान गर्ने एनसेलले जनाएको छ । 
यी दुबै सेवा पुस १ गते शुक्रबारदेखि लागु हुनेछन् । ‘साप्ताहिक रोमिङ् डेटा प्याक’अन्तर्गत ग्राहकले १५ सय रुपैयाँमा २५० एमबि डेटा र पाँच हजारमा एक जिबि डेटा खरिद गर्न सक्नेछन् । 

त्यस्तै रोमिङ ट्रान्जिट पास लिने ग्राहकले पाँच सय रुपैयाँको ट्रान्जिट डाटा प्रयोग गर्न सक्नेछन् । साप्ताहिक रोमिङ् डेटा प्याक ५० भन्दा बढि देशमा लागु हुनेछ भने रोमिङ ट्रान्जिट पास १० वटा देशमा लागु हने एनसेलले जनाएको छ । 

एनसेलका प्रिपेड तथा पोस्टपेड ग्राहकले एस्ट्रिक्स १७१२९ ह्याज डायल गरी प्राप्त निर्देशनअनुसार ‘साप्ताहिक रोमिङ् डेटा प्याक’ सञ्चालन गर्न सक्नेछन् । रोमिङ सेवा सञ्चालन गर्न एनसेलका प्रिपेड ग्राहकले अंग्रेजीमा ‘ए’ टाइप गरी ९००२२८ मा एसएमएस गर्नुपर्छ । पोष्टपेड ग्राहकले भने एनसेल सेन्टरमा गई  वा आफ्नो अकाउन्ट म्यानेजरलाई सम्पर्क गरी रोमिङ सेवा सञ्चालन गर्न सक्नेछन् । 

ट्रान्जिट सेवा सञ्चालन गर्न ग्राहकले एस्ट्रिक्स १२१२७ ह्याज डायल गरी रोमिङ सेवा सञ्चालन गरी पुनः एस्ट्रिक्स १७१२९ ह्याज डायल गरी निर्देशनअनुसार ट्रान्जिट पास सेवा सञ्चालन गर्न सक्नेछन् । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया