MENU

साहित्य/ कला

‘छिँडीभरिको आकाश’ विराटनगरमा

सुमन तिमल्सिना/उज्यालो ।

विराटनगर, पुस २ – विराटनगरमा दर्शक छिँडीभरिको आकाशमा खिचिएका छन् । दुःख, सुख, हाँसो, रोदन अनि त्यही भित्रको चिच्याहटमा रुमल्लिएको नाटक छिँडीभरिको  आकाशले धेरैलाई एकाग्र बनाएको छ ।

विराटनगरस्थित आरोहण गुरुकुलको सुशीला कोइराला घरमा वरिष्ठ आख्यानकार परशु प्रधानले लेखेको  छिँडीभरिको आकाश कथालाई आधार बनाएर विद्यार्थीले नाटक मञ्चन गरेका छन् । विश्वविद्यालयको पाठ्यक्रममा पढाइ हुने छिँडीभरिको आकाश कथालाई विद्यार्थीले नै नाट्य रुपान्तरण गरेका हुन् । 

कक्षा ९ देखि १२ सम्म अध्ययन गर्दै गरेका विद्यार्थीको अभिनय रहेको नाटक हेर्न आउनेको भिड छ । विराटनगरका क्याम्पस  र विद्यालयले अग्रिम बुकिङ गरेर विद्यार्थीलाई नाटक हेराइरहेका छन् । 

नाटक हेर्न विद्यार्थी बस रिजर्भ गरेर आएका छन् । हलमा नअटेर भुइँमा समेत बसेर विद्यार्थी र अन्य दर्शकले नाटक हेरेका छन् । यसअघि असोज १३, १४ र १५ गते पनि यो नाटक मञ्चन भएको थियो । कथाको नाट्य रुपान्तरण युवा साहित्यकार कट्वाल दीपकले गरेका हुन् । कलाकार सुदीप कार्की र सञ्जय मुडियारीले निर्देशन गरेको नाटक हरेक दिन दिउँसो १ र ३ बजे गरी दुई पटक मञ्चन भइरहेको छ । 

नाटक शनिबारसम्म मञ्चन हुनेछ । २ सय २५ जना क्षमताको नाटकघरमा हरेक शो ‘हाउसफुल’ हुने गरेको आयोजक विराट आदर्श साहित्यिक मञ्चले जनाएको छ । नाटकमा आलोक लुइँटेल, सुरेश विद्रोही, सविना भट्टराई, सुरेन्द्र थापा, सरोज श्रेष्ठ, नगेन्द्र खड्का, अञ्जली श्रेष्ठ, नर्वदा निरौला, जिना राई, विमला कार्की, लकेश राई, सन्देश बाह्रकोटी, वसन्त कार्की, अञ्जु साह लगायत कलाकारले अभिनय गरेका छन् ।

विभिन्न ठाउँबाट आग्रह आएकाले नाटक फेरि मञ्चन गरिएको आयोजक समितिका कट्वाल दीपकले जानकारी दिनुभयो । नाटकलाई यो स्तरमा ल्याउनको लागि धेरै मेहनत परेको विद्यार्थी तथा नाटकका निर्देशक सुदीप कार्कीले बताए । सबै विद्यार्थी भएकोले आलोकाँचालाई निखार्न समय लागेको कार्कीको भनाई छ ।

‘नाटक हेर्न दर्शकको उपस्थिति देखेर हामी निकै उत्साहित भएका छौं’ कार्कीले भने ‘यसबाट हामीलाई थप हौसला प्राप्त भएको छ ।’ नाटकमा अभिनय गर्ने अधिकांश कलाकार विराटनगरकै विभिन्न क्याम्पस र विद्यालयमा अध्ययनरत विद्यार्थी हुन् । कलाकारको जीवन्त अभिनयले नाटकलाई थप सशक्त बनाएको छ । 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • उपन्यास अंश : एक सर्को माया

    जसरी मेरी छोरी सकुन्तला खेलिरहेकी छे, त्यसरी नै खेल्न पाउने अधिकार तेरो पेटको बच्चाले पनि पाउनुपर्च । दुइटी स्वास्नी त बाहुनहरूले पनि ल्याएका छन् नि ! फरक यत्ति न हो, तँ बाहुनी हैनस् ।

  • ​साहित्य यात्रा सगरमाथा सँगसँगै : सगरमाथा हेर्दै रचना वाचन

    ओखलढुंगा, चैत २९– नयाँ वर्षको पूर्व सन्ध्यामा नयाँ वर्ष मनाउनेहरुका विभिन्न कार्यक्रमका सूची तयारी भैसके । घुमफिर, भेटघाट, वनभोज, सांस्कृतिक कार्यक्रमको आयोजनाजस्ता कार्यक्रममा नेपालीहरु व्यस्त हुन्छन् ।

  • प्याकुरेलको कथा सङ्ग्रह ‘झुल्या कागत’ विमोचन

    काठमाडौं चैत २५ – कथाकार प्रमोद प्याकुरेलको पहिलो कथा सङ्ग्रह ‘झुल्याकागत’ विमोचन भएको छ ।

  • राजा सिद्धीनरसिंह मल्लले लेखेका गीतको एल्बम सार्वजनिक

    काठमाडौं, चैत २४ – राजा सिद्धीनरसिंह मल्लले लेखेका ३६ वटा गीत संग्रहित गीति एल्बमको शनिबार लोकार्पण गरिएको छ ।

  • कुहिराे

    मैले लगाएको चोट खप्न नसकेर आमा मैलो मजेत्रोले अाँसु पुछ्नुहुन्थ्यो । क्षयरोग सर्ने डरले व्यथा किटान भएदेखि नै आमाका लुगाहरूसम्म कसैले धुने आँट गरेनन् । सानै उमेरदेखि मेरो स्वभाव एकलकाटे थियो । साथीहरू कोहीसँग पनि घनिष्ट सम्बन्ध बनाउन सकिनँ मैले । मैले भनेको कुरामा साथीहरू असहमत हुँदा पटक पटक सिँगौरी खेलेको छु मैले ।

सबै हेर्नुहोस
Skill Training
पछिल्ला समाचारहरु

सोसल मिडिया