MENU

साहित्य/ कला

Ncell Axiata

गायक संगीतकार मधुबाबु थापा रहेनन्

काठमाडौं, पुस ७ – लोकगायक तथा संगीतकार मधुबाबु थापाको निधन भएको छ । बिहान सामान्य रहेका थापाको स्वास्थ्यमा दिउँसो समस्या देखिएपछि काठमाडौं मोडल अस्पताल लगिएको थियो । 

सुगर र प्रेसरका बिमारी रहेका ६३ वर्षका थापाको अस्पतालमै निधन भएको परिवार स्रोतले जानकारी दिएको छ । 

गायक थापा २०१० साल वैशाख १० गते दाङ राजपुर सौरीयार गाउँमा जन्मिएका हुन् । २०३९ सालमा रेडियो नेपालमा पहिलो गीत ‘भैगो हजुर माया जाल नबुनौँ’ रेकर्ड गराएका उनको चौतारी, भालेपोथी, रामरस, १० भाका, कृष्ण लीला आदि एल्बम निस्किएका छन् ।

संगीत प्रभाकरको उपाधी पाएका गायक थापाको २०४४ सालमा निस्किएको ‘काठमाडौं दोहोरी’ एल्बम निकै चर्चित रह्यो । उनले २०५० सालमा लोकगीत संकलन पुरस्कार पाएका छन् । गायक थापा अहिले सानेपामा बस्थे । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया