MENU

साहित्य/ कला

Ncell Axiata
USAID

भूपिको ८१ औँ जन्मजयन्ती मनाईंदै

काठमाडौं, पुस १० – साहित्यकार भूपि शेरचनको ८१ औँ जन्मजयन्ती आइतबार विविध कार्यक्रम गरी मनाइँदैछ । विसं १९९२ मा मुस्ताङको दुप्चेमा जन्मनु भएका साहित्यकार शेरचन थोरै तर कालजयी रचनाका कारण लोकप्रिय हुनुहुन्छ ।

उहाँका कृतिमध्ये ‘घुम्ने मेचमाथि अन्धो मान्छे’ चर्चित छ । शेरचनले गद्य कविता मात्र नभई गीत पनि लेख्नुभएको छ । ‘यो नेपाली शिर उचाली संसारमा लम्कन्छ’ बोलको गीत उहाँको निकै चर्चित गीत हो । नेपाली गद्य कवितालार्य सरल, सहज र सबैले बुझ्ने भावको बनाउनुमा उहाँको ठूलो योगदान छ ।

भूपि जयन्तीका अवसरमा पोखरा, काठमाडौंसहितका ठाउँमा विशेष कार्यक्रम हुँदैछ । भूपि स्मृति प्रतिष्ठानले यो वर्षको भूपि स्मृति पुरस्कार गीतकार रत्नशमशेर थापालाई प्रदान गर्दैछ । आइतबार दिउँसो पोखरामा हुने विशेष कार्यक्रममा गीतकार थापालाई पुरस्कार प्रदान गरिने प्रतिष्ठानले जनाएको छ ।

प्रगतिवादी धारमा कविता लेख्ने भूपिको विसं २०४६ जेठ १ गते कवि निधन भएको थियो । उहाँका घुम्ने मेचमाथि अन्धो मान्छेका अलावा परिवर्तन नाटक संग्रह, फुटकर गीत, कवितालगायत रचना प्रकाशित छन् । उहाँको निधनपछि साझा प्रकाशनले उहाँका फुटकर कविताको सङ्ग्रह प्रकाशनमा ल्याएको थियो ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया