MENU

साहित्य/ कला

Ncell Axiata
USAID

प्राध्यापक डा. श्रेष्ठलाई ‘इतिहास रत्न’ उपाधिद्वारा सम्मान

भक्तपुर, पुस १५ – इतिहासविद् प्राध्यापक डा. पुरुषोत्तमलोचन श्रेष्ठलाई ‘इतिहास रत्न’ उपाधिले सम्मान गरिएको छ । शुक्रबार धालाँखुसि ल्वहँहिति सुधार समिति भक्तपुरले आयोजना गरेको पुस्तक विमोचन एवं सम्मान कार्यक्रममा जोशी रिसर्च इन्ष्टिच्यूट ललितपुरले उहाँलाई सम्मान गरेको हो । 

कार्यक्रममा नेपाल मजदूर किसान पार्टीका अध्यक्ष एवं सांसद नारायणमान बिजुक्छेले प्रा. डा. श्रेष्ठलाई दोसल्ला ओढाएर ताम्रपत्र प्रदान गरी ‘इतिहास रत्न’ उपाधिले सम्मान गर्नुभएको हो ।

कार्यक्रममा बिजुक्छेले प्रा. डा. पुरुषोत्तमलोचन श्रेष्ठद्वारा लिखित ‘गुहा, गुहालेख, गुहाचित्र एवं अन्य सम्पदा’ र ‘धालाँखुसि र फलेहिति’ नामक दुई ग्रन्थको लोकार्पणसमेत गर्नुभयो । 

त्यसअवसरमा बिजुक्छेले इतिहासको अध्ययन गर्ने विद्यार्थीसमेत नभइरहेको अबस्थामा इतिहास र सम्पदालाई जोगाउन यस्ता पुस्तकले ठूलो टेवा पुर्याउने चर्चा गर्नुभयो । 

पुस्तकका लेखक प्रा. डा. श्रेष्ठ, पुस्तक प्रकाशक विनोदराज शर्मा, समिक्षक प्रकाश दर्नाल, विश्वमोहन जोशी, सुधादेवी श्रेष्ठ, डा. सरिता थापा, कृष्णप्रसाद दुमरु लगायतले प्रकाशित कृति इतिहासको दस्तावेज भएको चर्चा गर्नुभयो । 

 

प्रतिक्रिया दिनुहोस

Nepal Life Insurance
Job Vacancy
पछिल्ला समाचारहरु

सोसल मिडिया