MENU

बातावरण-कृषि

Ncell Axiata
chhaka panja

सन्तानका लागि सुनचाँदी होइन, सुन्तला

सिद्धराज राई/उज्यालाे ।

धनकुटा, पुस १७ – धेरैले भावि सन्ततीको लागि जग्गा जमिन जोड्छन् । कतिपयले सुनचाँदी पनि जोड्छन् । तर धनकुटाका एक किसानले भावि सन्ततीका लागि भन्दै सुन्तला बँगैचा जोडेका छन् । 

धनकुटाको मौनाबुधुकका किसान सुरेन्द्र चेमजोङले ५० रोपनी जमिनमा सुन्तला बँगैचा लगाउँदै सन्तानका लागि जोडेको बताउनुभयो । ‘सुन्तला बँगैचाको स्याहर  र मेहनत गर्न  सक्यो भने आफैं आम्दानी दिन्छ । त्यसैले सुनचाँदी भन्दा पनि छोरा नातीलाई मेहनती बनाउन सुन्तला बँगैचा लगाएको’ ६६ वर्षे किसान चेम्जोङले भन्नुभयो । 
 
२०२४ सालमा छिमेकीको बारीमा लटरम्म फलेको एउटा बुढो रुखकोे सुन्तला खरिद गरेर बिक्री गर्दा चेम्जोङले दोब्बर मुनाफा गर्नुभयो । यसरी सुन्तलाबाट नसोचेको आम्दानी भएपछि चेम्जोङलाई सुन्तला खेतीले लोभ्यायो । एउटा बोटले यती धेरै फाइदा दिँदो रहेछ भने एकसय बोट लगाउँदा मेरो नाती, पनातीसम्मलाई पुग्छ भन्ने चेमजोङको मनमा इच्छा जाग्यो ।  त्यसैले सुन्तला बँगैचा लगाउन थालेको उहाँले बताउनुभयो । 

चेम्जोङले सुन्तला बिक्री गरेरै जग्गा जोड्नु भएको छ । ती जग्गामा पनि सुन्तला बँगैचा छ । ती बँगैचामा फलेको सुन्तला बिक्रीबाट गएको वर्ष उहाँले १४ लाख रुपैयाँ आम्दानी गर्नुभयो । यो बर्ष १६ लाख रुपैयाँ भन्दा बढी आम्दानी हुने उहाँको आशा छ ।  
केही वर्ष अघिसम्म मौनावुधुक गाविसमा सुन्तला खेती गर्ने उहाँ एक्ला किसान हुनुहुन्थ्यो । उहाँबाट सुन्तलाको विरुवा खरिद गरेर अहिले अन्य किसानले पनि सुरु गरेका छन् । उहाँकै सिको गरेका मौनाबुधुकका एक सयजना भन्दा बढी किसानले सुन्तला खेतीबाट मनग्य आम्दानी गर्दै आएका छन् । 

चेम्जोङले कुनै जग्गा बाँझो राख्नु भएको छैन । सबै जग्गामा सुन्तलाको विरुवा लगाउनुभएको छ । अहिले पाकेको सुन्तलाले बगैचा पहेलपुर देखिएको छ । चेमजोङले सुन्तला खेतीबाट अग्रणी किसानको रुपमा २०५६ सालमा राष्ट्रिय पुरस्कार पाउनुभयो ।  जिल्ला कृषि विकास कार्यालय धनकुटाले यसै वर्ष चेम्जोङलाई राष्ट्रपति पुरस्कारबाट सम्मान गरेको छ ।  

प्रतिक्रिया दिनुहोस

सम्बन्धित सामग्रीहरु

  • मनसुनी गतिविधि र जलवाष्पयुक्त हावाको कमजोरीले गर्मी बढ्यो

    काठमाडौं, भदौ ३१ – मनसुनी गतिविधि कमजोर रहेको र जलवाष्पयुक्त हावाको विकास हुन नसक्दा केही दिनयता मुलुकको तापक्रम एक्कासि वृद्धि भएको छ ।

  • वातावरण संरक्षणमा काम गर्न स्थानीय तहलाई सरकारको निर्देशन

    काठमाडौं, भदौ ३१ – सरकारले सबै स्थानीय तहलाई वातावरणीय संरक्षणमा काम गर्न निर्देशन दिएको छ । संघीय मामिला तथा स्थानीय विकास मन्त्रालयले वातावरण संरक्षणका लागि तत्कालीन र दीर्घकालिन रुपमा गर्नुपर्ने काम एवम् प्रदूषण नियन्त्रणका लागि अन्य उपायसम्बन्धी दशबुँदे परिपत्र जारी गर्दै ७ सय ५३ वटै स्थानीय तहलाई पत्राचार गरेको हो ।

  • बाढीले गैँडाका धेरै बच्चा बगाएको अनुमान

    चितवन, भदौ ३० – साउन अन्तिम हप्ता आएको बाढीका कारण चितवन राष्ट्रिय निकुञ्जमा रहेका दुर्लभ वन्यजन्तु एकसिंगे गैँडाका धेरै बच्चा बगाएको अनुमान गरिएको छ । जसका कारण आउँदो वर्ष निकुञ्जमा गैँडा गणना गर्नुपर्ने प्रस्ताव निकुञ्ज कार्यालयले गरेको छ ।

  • ‘दुर्लभ पाटेबाघ हेर्न बर्दिया निकुञ्ज जाऔँ’ (तस्बिरसहित)

    दिउँसो २ बजे निकुञ्जबाट शुरु भएको जंगल सफारीको टोली अपराह्न ४ बजे झण्डै १० किलोमिटर उत्तर बाल्कुने नजिकै पुग्यो । सडक छेउमै १० मिटर पर आराम गर्दै थियो विश्वकै दुर्लभ पाटेबाघ ।

  • रारा रेडपाण्डाका लागि उत्कृष्ट बासस्थान बन्दै

    श्याम बिसी/उज्यालो । मुगु, भदौ २९ – आन्तरिक पर्यटकको उत्कृष्ट गन्तव्य बनेको रारा ताल रहेको रारा राष्ट्रिय निकुञ्ज लोपोन्मुख वन्यजन्तु रेडपाण्डाको पनि मुख्य बासस्थानको थलो बन्न थालेको छ । रारा राष्ट्रिय निकुञ्जले पछिल्ला वर्षमा रेडपाण्डाको संख्यामा पनि क्रमिक रुपले बढ्दै गएको जनाएको छ ।

सबै हेर्नुहोस
western union
nepali women
पछिल्ला समाचारहरु

सोसल मिडिया