MENU

बातावरण-कृषि

USAID

सर्लाहीको मौरी रोल्पामा, दुई महिना मौरी चराएर ३ लाख

रोल्पा, पुस १७ – कात्तिक र मंसिरमा चिउरीको फूलबाट उत्पादन हुने कात्तिके मह उत्पादन गरेर सर्लाही हरिपुरका किसान रबीकुमार कडरियाले तीन लाख रुपैयाँ आम्दानी गर्नुभएको छ ।  

गएको कात्तिक ३ गते रोल्पाको घोडागाउँ घोरखोलाको खेतमा मौरी चराएर उहाँले दुई महिनामा तीन लाख आम्दानी गर्नुभएको हो ।  

कात्तिके महको सिजन सकिएसँगै मौरीका घार पनि उहाँले अन्यत्र ठाउँमा स्थानान्तरण गर्नुभएको छ । रोल्पा जिल्लामा प्रशस्तै मात्रामा चिउरी पाइने भएकाले हरेक वर्षजसो अन्य जिल्लाहरुबाट मौरी व्यवसायीले मौरी चराउन ल्याउने गर्दछन् । 

यस वर्ष सर्लाहीको हरीपुरबाट रोल्पाको घोडागाउँमा मौरी चराउन ल्याएका मौरीपालक किसान कडरियाले कात्तिके महको सिजनमा मात्रै ५ सय किलो मह उत्पादन गर्नुभएको थियो । उहाँले उत्पादन गरेका मह काठमाडौंमा आयुर्वेदिक औषधि बनाउने ठाउँ तथा पूजा सामाग्रीको पसलमा बिक्री हुने गरेको छ । आफूहरुले गएको वर्ष प्यूठानको बिजुवारमा मौरी चराएको र अहिले त्यही ठाउँका कृषकहरुले पनि पाठ सिकेर मौरी पाल्न थालेको कडरियाको भनाई छ ।

मौरी व्यवसायीले स्थानीयको जग्गा दुई महिनाका लागि भाडामा लिएर मौरी चराउने गर्दै आएका छन् । उनीहरुले उक्त जग्गामा उत्पादन हुने अन्नबालीको हिसाव गरेर जग्गा भाडामा लिएर लाखौं आम्दानी गर्ने गरेका छन् ।

रोल्पा जिल्लाका अधिकांश ठाउँमा मह उत्पादनका लागि प्रशस्तै चिउरीका रुखहरु पाइने भएपनि जिल्लामा व्यावसायिक रुपमा मौरीपालन व्यवसाय भने फस्टाउन सकेका छैनन् । जिल्लाका कतिपय ठाउँमा परम्परागत रुपमा मह उत्पादन हुने गरेको भएपनि त्यसबाट थोरै मात्रै आम्दानी हुने गरेको छ । जिल्लाका मौरी पालक किसानहरुले यस सम्बन्धी थप ज्ञान र सीप नहुँदा प्रशस्त आम्दानी गर्न सकेका छैनन् ।

प्रतिक्रिया दिनुहोस

सम्बन्धित सामग्रीहरु

  • भैँसी बेचेर बाख्रा पालन

    चिटिक्क परेको सानो घर, घरवरिपरि सफासुग्गर वातावरण, आँगनको छेउमा खलानो र चाङ पनि । घर अगाडीको गोठमा खेलिरहेका बाख्राका पाठापाठी हेरेर बिना रमाउनुहुन्छ । घरको आँगनमा बसेर गोठका बाख्रा र पाठापाठी खेलिरहेको देख्दा बिना आफूलाई छुट्टै आनन्द भएको सुनाउनुहुन्छ ।

  • राउटे तरकारी खेतीतर्फ आकर्षित

    डडेल्धुरा, चैत १६ – परशुराम नगरपालिका आमपानीमा बस्दै आएका राउटे पछिल्लो समयमा व्यावसायिक तरकारीखेतीतर्फ आकर्षित हुँदै गएका छन् ।

  • काठमाडौं उपत्यकासहित धेरै ठाउँमा बिहानैदेखि वर्षा

    काठमाडौं, चैत १६ – काठमाडौं उपत्यकासहित धेरै ठाउँमा बुधबार बिहानैदेखि पानी परेको छ । पूर्वी र मध्य भेगका धेरै ठाउँमा पानी परेको मौसमविद् मिनकुमार अर्यालले बताउनुभयो ।

  • वयस्क भाले गैँडा मृत भेटियो

    चितवन, चैत १६ – चितवन राष्ट्रिय निकुञ्जको पश्चिम क्षेत्रमा एउटा गैँडा मृत भेटिएको छ । निकुञ्जका सूचना अधिकारी एवं सहायक संरक्षण अधिकृत नुरेन्द्र अर्यालका अनुसार अर्काे गैँडासँग जुधेर वयस्क भाले गैँडा मरेको हो ।

  • यसकारण बद्लियो मौसम

    काठमाडौं, चैत १४ – सामान्यतः मार्च (फागुन/चैत) महिना मेघ गर्जनसहित वर्षात् हुने मौसम हो तर, अघिल्ला वर्षको तुलनामा यो महिनामा बढी नै वर्षात् भएको छ । वर्षात् मात्र हैन, लामो समयसम्म बद्ली गराउने प्रणालीको विकाससमेत गराएको छ ।

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया