MENU

यो पनि समाचार

लसुन खाएर विश्व रेकर्ड बनाउँदै भरत, एक मिनेटमा ४२ पोटी खाए

काठमाडौं, पुस १७ – कैलाली स्थायी घर भएका भरत बिष्टले एक मिनेटमा लसुनको ४२ वटा पोटी खाएर विश्व रेकर्ड तोडेको दावी गरेका छन् । 

उनले यसभन्दा पहिले अमेरिकन नागरिक प्याट्रिक बेलट्रोलेट्रिको नाममा रहेको कीर्तिमान आफूले तोडेको दाबी गरेका हुन् । सन् २०१२ को जनवरी १४ मा प्याट्रिकले एक मिनेटमा ३६ वटा पोटी खाएका थिए ।  

आइतबार रिपोर्टर्स क्लबमा पत्रकार सम्मेलन गरेर उनले पहिलो प्रयासमा एक मिनेटमा ३१ वटा पोटी खाएका थिए भने पछिल्लो प्रयासमा एक मिनेटको समयमा ४२ वटा पोटा खाएका हुन् । तथापि उनले एक मिनेटमा ४२ वटा लसुनका पोटी खाएपनि गिनिजबुकले आधिकारिक रुपमा उनले लसुन खाएको भिडियो हेरेर मात्र रेकर्डलाई मान्यता दिने जनाए।

बिष्टले हात र खुट्टाको जुनसुकै औंलाले कलम समातेर उत्तिकै छिटो लेख्न सक्ने बताउँदै खाना खाँदा लसुन खाइरहने भएको कारण आफूले यो रेकर्ड तोड्न सक्ने विश्वासका साथ रेकर्डको लागि आफू तयार रहेको बताए । 

‘मानिसले तीन केजिसम्म लसुन खान सक्छ, त्यसैले मलाई पनि केही हुँदैन, बानि नपरेकालाई एक दुईवटा पोटाले नै घुमाउँछ, मैले कैलाली रहँदा ४९ र ४२ पोटा पनि एकै मिनेटमा खाएको थिएँ, मेरो प्रतिभाले यो देशलाई चिनाउन सहयोग गर्न सक्छ भने म किन तयार नहुने ? मैले अघिबाट र पछाडिबाट उहि समयको रफ्तारमा पढ्न पनि सक्छु ।’ उनले भने।

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया