MENU

बातावरण-कृषि

Ncell Axiata
NIC Asia

काठमाडौंमा आज यसवर्षकै धेरै चिसो

काठमाडौं, पुस १८ – जम्मु काश्मिर हुँदै भूमध्य सागरबाट आएको पश्चिमी वायूको प्रभावका कारण देशभर चिसो बढेको छ । सोमबार पनि पश्चिम र पूर्वी पहाडी जिल्लामा हल्का वर्षासँगै हिमपातको सम्भावना छ । 

शनिबार र आइतबारको हिमपातका कारण पहाड  र हिमालीक्षेत्रको जनजीवन प्रभावित भएको छ । उत्तरी धादिङको विभिन्न क्षेत्रमा असिना पानी परेको छ भने केही भागमा हिउँ परेको छ । दार्खा, झार्लाङ, सत्यदेबी, रि सेमजोङ गाविसमा असिनापानी परेका कारण जनजीवन प्रभावित भएको छ । 

जल तथा मौसम पूर्वानुमान महाशाखाका अनुसार पछिल्लो २४ घण्टामा जोमसोममा ९ मिलिमिटर पानी परेको छ । जिरी र काठमाडौंमा हल्का पानी परेको छ । मौसमविद् बरुण पौडेलले मंगलबारदेखि मध्य र पश्चिमी क्षेत्रमा मौसम खुल्ने अनुमान गरिएको जानकारी दिनुभयो ।  पूर्वमा भने पश्चिमी वायुको प्रभाव केहीदिन रहने उहाँले बताउनुभयो । यस्तै काठमाडौंमा आइतबार यसवर्षकै चिसो भएको छ ।

आज आइतबार काठमाडौंको तापक्रम ३ डिग्री सेल्सियसमा झरेको छ । यो यस वर्षकै सबैभन्दा कम तापक्रम भएको मौसमविद् वरुण पौडेलले बताउनुभयो । उहाँका अनुसार पुस सकिनै बाँकी रहेको र माघ महिना पनि आउनै बाँकी रहेकाले चिसो अझै बढ्नेछ । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया