MENU

बातावरण-कृषि

Ncell Axiata

द्वन्द्व पीडित किसानलाई अनुदान

रोल्पा, पुस २१ – सरकारले व्यवस्था गरेको द्वन्द्व पीडितका लागि तरकारी खेतीमा दिइने अनुदान रोल्पाका द्वन्द्व पीडितले पनि पाउने भएका छन् । जिल्ला कृषि विकास कार्यालय रोल्पाले अनुदानका लागि निवेदन आह्वान गरेको छ ।

निवेदन आह्वान गरेको दुई हप्तामा ६० भन्दा बढी द्वन्द्व पीडितहरुले निवेदन दिएको जिल्ला कृषि विकास कार्यालय रोल्पाका वरिष्ठ कृषि विकास अधिकृत लालकुमार श्रेष्ठले जानकारी दिनुभयो । पुस २३ गतेसम्म अन्तिम म्याद भएकाले त्यतिबेलासम्म कार्यालयमा निवेदन दिन सक्ने छन् ।

जिल्ला कृषि विकास कार्यालयमा मात्रै नभई जिल्लाका विभिन्न ठाउँमा रहेका कृषि सेवा केन्द्रबाट समेत निवेदन दिन सक्ने व्यवस्था छ ।

जिल्लाका २२ जनालाई ४० हजारका दरले अनुदान दिइने कार्यालयले जनाएको छ । आवश्यक संख्या भन्दा धेरै निवेदन परेकाले जिल्ला कृषि विकास समितिले निश्चित मापदण्डमा रहेर अनुदानका लागि २२ जनालाई छनौट गर्ने बताएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया