MENU

बातावरण-कृषि

Ncell Axiata
sagun

एक करोडको लगानीमा गाउँमै बाख्रापालन व्यवसाय

श्यामशितल परियार/उज्यालो ।    

लमजुङ, पुस २३ – लमजुङको मध्यनेपाल नगरपालिका–२ देउरालीमा तीन युवाले बाख्रापालन व्यवसाय सुरु गरेका छन् । संयुक्त लगानीमा उनीहरुले चिनारी कृषि फर्म सञ्चालनमा ल्याएका छन् । देउरालीकै रमेश पौडेल, काठमाडौंमा रहेका भरत पोख्रेल र बैंकिङ क्षेत्रमा कार्यरत तनहुँ कालीमाटीका रामबहादुर पाण्डे आपसमा मिलेर देउरालीमा बाख्रापालन व्यवसाय सुरु गरेका हुन् ।     

उनीहरुको फार्ममा अहिले साना ठूला गरी एक सय ३० भन्दा बढी बाख्रा छन् । फार्ममा लोकल खरी, जमुनापारी, बारबारी जातका बाख्रा छन् । २० रोपनी जग्गामा बकाइनो, किम्बु र मण्डेला जातका घाँस लगाइएको छ । १५ लाख बढीको लगानीमा आधुनिक बाख्राको खोर निर्माण गरिएको छ । फर्ममा पाँच जनाले रोजगारी पाएका छन् । कामदारका लागि दुई वटा आवास घर पनि बनाइएको छ । २०७१ सालबाट सुरु गरिएको उनीहरुको बाख्रा फार्म सञ्चालनमा एक करोड रुपैयाँ भन्दा बढी लगानी भइसकेको सञ्चालक मध्येका एक पौडेलले बताउनुभयो ।

‘बाख्रापालन व्यवसाय सञ्चालनमा एक करोड भन्दा बढी लगानी भइसकेको छ, उत्पादन हुन थालेपछि कम्तिमा पनि मासिक तीन लाख आम्दानी हुने अनुमान छ’, उहाँले भन्नुभयो । धमाधम गाउँ छोडेर शहर पस्नेको संख्या बढिरहेको बेला उहाँ भने पाखापखेरीमै पैसा फलाउन सकिने सम्भावना देखेर गाउँमै बस्नुभएको छ । ‘गाउँमै केही गरुँ भनेर यहीँ बसी बाख्रापालन व्यवसाय शुरु गरेका हौँ’, १७ महिना कतार बसेर आएका पौडेलले सुनाउनुभयो । 

उहाँको प्रायः समय बाख्राको हेरचाहमै बित्ने गर्छ । अरु दुई जना लगानीकर्ता पनि बेलाबेलामा फर्म आउँछन् र बाख्राको स्याहारसुसारमा जुट्छन् । कृषिमा तत्कालै नाफा नहुने उनीहरुको भनाई छ । सिञ्चाईंको समस्या नरहेको बताउँदै रमेशले बाख्रापालनसँगै अब व्यवसायिक माछापालन र तरकारी खेती गर्ने योजना रहेको सुनाउनुभयो । 

समयमा प्राविधिक सेवा नपाइनु नै बाख्रापालक किसानको साझा समस्या रहेको उनीहरुको बुझाई छ । उत्पादित मासुको बिक्रीका लागि बजारको कुनै समस्या नरहेको पनि पौडेलले बताउनुभयो । बाख्रा पालन व्यवसायमा जिल्ला पशु सेवा कार्यालयले सक्दो सहयोग गर्ने जिल्ला पशु सेवा कार्यालय लमजुङका प्रमुख डा. लक्ष्मण ढकालले आश्वसन दिनुभएको छ । डा. ढकालले लमजुङमा बाख्रापालन व्यवसायको सम्भावना उच्च रहेको र यस व्यवसायमा पछिल्लो समय किसान आकर्षित हुँदै गएको बताउनुभयो ।  

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया