MENU

अन्तर्राष्ट्रिय

Ncell Axiata
USAID

बाथरुमबाट निस्केर पाँच जनाको ज्यान लिए

पुस २३ – अमेरिकाको फ्लोरिडाको विमानस्थलमा अन्धाधुन्ध गोली चलाउने व्यक्तिसँग फ्लोरिडा प्रहरीले सोधपुछ गरिरहेको छ । फ्लोरिडाको फोर्ट लाउडरडेल विमानस्थलको टर्मिनल टूमा अन्धाधुन्ध गोली चलाउँदा पाँच जनाको ज्यान गएको थियो भने ८ जना घाइते भएका छन् । २६ वर्षका स्टेबान सान्टियागो नाम गरेका व्यक्तिले आक्रमण गरेको प्रहरीले जनाएको छ । उनी सन् २००७ मा राष्ट्रिय सुरक्षा गार्डमा भर्ति भएको र २०१० मा १० महिनाका लागि इराक गएको उल्लेख गरिएको छ ।

आक्रमणको उद्देश्य आतंककारी भने नरहेको सरकारी अधिकारीले बताएका छन् । सान्टियागो मानसिक रुपमा विचलित रहेको हुन सक्ने अमेरिकी सञ्चारमाध्यमले जनाएका छन् । उनले सरकारले आफ्नो दिमागमा नियन्त्रण कायम गरेको र आफूलाई आतंककारी भिडियो हेर्न बाध्य बनाएको बताएको उल्लेख गरिएको छ ।

सान्टियागोले स्टार वार्सको टि–सर्ट लगाएको र गोली चलाउने बेला उनी केही नबोलेको प्रत्यक्षदर्शीले बताएका छन् । गोली सकिएपछि उनले प्रहरी समक्ष आत्मसमर्पण गरेको प्रत्यक्षदर्शीको भनाई छ । अमेरिकामा खाली तथा लोड भएको बन्दुक लिएर विमान चढ्नु गैरकानुनी होइन । 

सान्टियागोले आफ्नो झोलामा रहेको सेमी–अटोमेटिक बन्दुक बाथरुममा गएर लोड गरेर त्यहाँबाट फर्किएपछि अन्धाधुन्ध गोली चलाएका हुन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Foreign Employment
पछिल्ला समाचारहरु

मेरो पनि भन्नु छ

  • नेताहरुको चाला हेर्दा स्थानिय तहको चुनाव गर्ने कुरा नाटक मात्रै हो कि जस्तो लागेको छ । हामी कहिलेसम्म जनप्रतिनिधी विहिन हुनुपर्ने हो कुन्नी ?

    ​अविकिरन डिसी
  • सोलिडारिटीकप जितेका खेलाडीलाई सरकारले ३ लाखका दरले पुरस्कार दिएको सुन्दा खुसी लाग्यो । ढिलै भएपनि सरकारले राम्रै काम गरेको छ । खेलाडीको सफलतामा हौसिएर पुरस्कार घोषणा गर्ने तर नदिने प्रथाको अन्त्य हुनुपर्छ ।

    ​देवेन किशोर अन्जान
  • दयाहाङ राई र सौगात मल्ल उत्कृष्ट नायक भएको खबर सुनेर लाग्यो, चिल्लो गाला र ठुलो पाखुरा देखाएर ठुलो स्वरमा चिच्याउँदैमा फिल्म चल्दैन। यदि अभिनय जान्दैन भने कसैको केही लाग्नेवाला छैन ।

    ​तिर्थ अधिकारी
सबै हेर्नुहोस

सोसल मिडिया