MENU

साहित्य/ कला

USAID

कविता-जीवन दर्शन

जीवन दर्शन

                                                                                      -महेश्वर चापागाईं

 

मलाई जानुछैन रामको झैँ 
चौध वर्षको वनबास
तर प्रमाणित गर्नुछ
सत्यको बाटो अटल हुन्छ ।

मलाई रच्नु छैन बेदव्यासले झैँ 
महाभारतको लामो कथा
तर भन्नु छ
कर्मको गीत मिठो हुन्छ ।

मलाई ल्याउनुछैन गंगालाई पृथ्वीमा
शंकरको जटाबाट तपको बलले
तर उदाहरण  देखाउनु छ
भागीरथ प्रयास खेर जान्न ।

मैल गर्न सक्दिन होला 
रबिन्सन क्रुसोको जस्तो
अनवरत जंगल र खोजको यात्रा
तर सुनाउन त सक्छु
धैर्य, साहस र सृजनशीलताको कथा ।

किताबमा पढे जस्तो, अभिभावकले सोचे जस्तो
संसार महान मानिसहरुले मात्रै बनेको छैन ।
संसार वीर र साहसीहरुले मात्र भरिएको छैन ।।

कति मान्छेहरू अझैपनि लिलिपुट झैँ
साना छन, होचा छन्
अष्टाबक्र झैँ बाङगिएका छन्
नित्से झैँ अनिश्वरवादी छन्
डेरिडा झैँ विनिर्माणवादी छन्
अझै कति धेरै त
गिन्सबर्ग झैँ सन्कि छन्, पागल छन्
देवकोटा झैँ भावुक छन्, बहकिन्छन् ।

संसारमा जन्मेका जति सबैले
कोलम्बसले झैँ 
भिन्दै टापु खोज्दै हिँडे भने
अलेक्जेण्डर महानले झैँ
संसारलाई जित्दै हिँडे भने
यो संसार संसार रहने छैन ।

धेरै पढेपछि, धेरै घुमेपछि, मैले के बुझे भने
मैले साहसीहरुको बखान गर्नुपर्दैन
साहसीहरुले  आफ्नो भाग्य आफै बदल्न सक्छन्
मैले ज्ञानीहरूको वर्णन गर्नुपर्दैन
ज्ञानीहरूले  आफ्नो कथा आफै लेख्न सक्छन् ।

मलाई के लाग्छ भने विशेषण बिना पनि संसार छ
महानता ,साहस र विध्दवता नहुनेहरुको पनि कथा छ
पृथ्वीको तीन भाग पानीले घेरेको झैँ
धर्तिको पच्चानब्बे प्रतिशत आममानिसहरूले भरिएको छ
जस्ले आफ्नो कथा आफै लेख्न सक्दैनन् ।

संसारमा अझै पनि वेद र ईतिहास नपढ्नेहरु छन्
विज्ञान र विद्वताहरु नबुझ्नेहरु छन् 
संसारको धेरै हिस्सा साधारण मानिसहरुले बनेको छ
जस्लाई ब्रम्हाण्डका रहस्य ,चमत्कारहरु
बिज्ञान र आबिष्कारहरुको सम्पूर्ण ज्ञान छैन ।

त्यहि कारणले हो मैले महानताको मात्र कुरा नलेखेको
त्यहि कारणले हो मैले दर्शनको गर्हुंगो भारी नबोकेको
जताततै विशेषण र बिम्बहरुको पगरी नगुथेको ।

के  आममानिसहरुको पछाडी नभएको भए 
महान मानिसहरुको अस्तित्व अहिलेसम्म रहन्थ्यो
के श्रमजीविहरुले  पसिना  नबगाएको भए 
दर्शनहरुको अस्तित्व अहिलेसम्म रहन्थ्यो
त्यहि भएर हो
मेरो अनन्त प्रयासहरु आम मानिसहरु प्रति लक्षित छ ।
मेरो बाँकी जीवन आम मानिसहरुको लागि समर्पित छ ।।

मेरो  जीवनको सफलता भन्नु नै 
आममानिसहरुले  सजिलै बुझ्ने गरी 
हरेक कुराको पुन परिभाषा गर्नु हो
मेरो जीवनको दर्शन भन्नु नै  
आममानिसहरुको जीवनलाई छुनसक्ने गरी
हरेक जटिल कुराहरुलाई सरलिकरण गर्नु हो ।

 

प्रतिक्रिया दिनुहोस

सम्बन्धित सामग्रीहरु

  • मान्छेको बिस्कुन

    बिहान सात बजे फुकेटबाट बस चढेका हामी भोलिपल्ट बिहान पाँच बजे मलेसियाको राजधानी क्वालालाम्पुरको बसपार्कमा पुग्यांै । माघको महिना आकाश कुहिरोले ढाकिएर डम्म परेको थियो । चौडा सडकको चोकैमा रहेको बसपार्क अगाडि बसले छोडिदियो ।

  • कविता-'साँझपखकी नर्तकी'

    इन्द्रेणिका रङ्गहरू मिसिएको रंगीन केश पालेकी, तारामण्डलका ताराहरु चम्केसरी चमक्क चम्किने भेष पहिरिएकी , मौशम खुल्दा मुसुक्क मुस्कुराउने हिमालझैं दन्तलहर खोलेर हाँसेकी

  • गजल

    चोट दिने खुकुरी खानदानी हुन्छ ।। तर सहने अचानोको बानी हुन्छ ।।

  • ​सुदूरपश्चिममा मिडियाको अवस्था सम्बन्धी पुस्तक सार्वजनिक

    काठमाडौं, चैत ९ – सुदूरपश्चिमाञ्चल विकास क्षेत्र (प्रदेश नं.७) मा मिडियाको अवस्था र पहुँच सम्बन्धी अनुसन्धानात्मक पुस्तक सार्वजनिक भएको छ । सेन्टर फर मिडिया रिसर्च नेपाल र एलायन्स फर सोसल डाइलगले अनुसन्धान रिपोर्ट प्रकाशित गरेका हुन् ।

  • कविता-भेदभाव आमा

    भोक लाग्यो पर्ख है भाइलाई नि पहिला ख्वाउँछु आमा स्कूल जान ढिलो हुन्छ​ पर्ख न पर्ख एकछिन आमा...!!.

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया