MENU

राजनीति

USAID

संसदमा आज के हुन्छ ?

काठमाडौं, पुस २४ – व्यवस्थापिका संसदको आइतबार बस्ने बैठकमा सरकारले संविधान संशोधन विधेयक पेस गर्ने तयारी गरेको छ । तर संशोधनको बिरोध गर्दै आएका एमाले सहित विपक्षी दलले विधेयक अघि बढाउन नदिने अडान दोहोर्‍याएका छन् । 

सर्वाेच्च अदालतको आदेशपछि एमालेकै आग्रहमा सभामुख ओनसरी घर्तीले आजसम्मको लागि संसद बैठक स्थगित गर्नुभएको थियो ।

यसअघि प्रधानमन्त्री पुष्पकमल दाहालले पनि संशोधन पेश गर्नुअघि प्रमुख प्रतिपक्षी एमालेसँग छलफल गर्ने बताउनुभएको थिया । तर यसबिचमा उहाँले संवादको लागि पहल समेत गर्नुभएन । आइतबार संसद बैठकअघि एमालेसँग छलफल गर्ने माओवादी नेताहरुले बताएका छन् ।

संशोधन प्रस्तावाका बारेमा प्रमुख दलहरूबिच सहमति कायम गर्न सभामुख ओनसरी घर्ती मगरले पनि नेताहरूसँग छलफलको तयारी गर्नुभएको छ । संशोधन प्रस्तावको बिरोधमा रहेका विपक्षी दलको बैठक पनि बस्दैछ । एमालेले राष्ट्रको हित विपरीत नहुने प्रकारका प्रस्ताव आएमा तथा चुनाव र अन्य प्रक्रियाबारे सरकारको स्पष्ट दृष्टिकोण आएमा संसद्को जारी गतिरोध अन्त्य गर्ने जनाएको छ ।

संविधान संशोधन विधेयकका सम्बन्धमा सर्वाेच्च अदालतको फैसलाको सम्मान गर्न सरकारले त्यसलाई फिर्ता लिनुपर्ने अडान एमालेको छ ।  एमालेका प्रमुख सचेतक भानुभक्त ढकालले सत्तापक्षबाट वार्ता र संवादका लागि आवश्यक पहल नहुँदा समस्या समाधान हुन नसकेको बताउनुभयो ।

संविधानका केही अन्तरवस्तुप्रति असहमति जनाउँदै आन्दोलनमा रहेका मधेस केन्द्रित दलका मुद्दालाई सम्बोधन गर्ने क्रममा कांग्रेस र माओवादी केन्द्रले अघि सारेको संविधान संशोधन प्रस्तावलाई प्रमुख प्रतिपक्ष एमाले लगायत दलले अस्वीकार गर्दै आएका छन् ।

विधेयकमा प्रदेशको सीमाङ्कन, भाषा, नागरिकता र राष्ट्रियसभामा प्रतिनिधित्वजस्ता विषय समेटिएका छन् । माओवादी केन्द्रका सचेतक टेकबहादुर बस्नेतले दलहरूबिच औपचारिक/अनौपचारिक ढङ्गबाट वार्ता र छलफलमार्फत सहमतिका लागि पहल भइरहेको जानकारी दिनुभयो । 

संविधान संशोधनको बारेमा परेको रिटमा अदालतले प्रदेशको सीमा हेरफेर गर्न सक्ने संवैधानिक व्यवस्थाका बारेमा ध्यानाकर्षण गराउँदै विधेयकको छिनोफानो गर्ने संसद्को अधिकार भएको स्पष्ट गरेको छ ।

विधेयकले आन्दोलनरत पक्षको माग पूरा गर्ने र संविधानको स्वीकार्यतालाई बढाउने सत्तारुढ काँग्रेस र माओवादी केन्द्रको दाबी छ भने प्रमुख प्रतिपक्षले भने राष्ट्रको हित विपरित भएकाले यसलाई मान्न नसकिने अडान राख्दै आएको छ ।

संविधान संशोधनको विधेयकका बारेमा प्रमुख दलबिच सहमति हुन नसक्दा अख्तियार दुरुपयोग अनुसन्धान आयोगका प्रमुख आयुक्त लोकमानसिह कार्कीविरुद्धको महाभियोग प्रस्ताव र निर्वाचनसँग सम्बन्धित विधेयकमाथिको छलफल एक महिनादेखि ठप्प भएको छ । 

 

प्रतिक्रिया दिनुहोस

सम्बन्धित सामग्रीहरु

  • महाभियोग सिफारिस समितिले लोकमानले गरेका काम कारबाहीको छानबिन गर्ने

    प्रकाश ढकाल/उज्यालो ।काठमाडौं, माघ ५ – व्यवस्थापिका–संसद्को महाभियोग सिफारिस समितिले लोकमान सिंह कार्कीले अख्तियार दुरुपयोग अनुसन्धान आयोगको प्रमुख आयुक्त रहँदा गरेका काम कारवाहीको छाबिन गर्ने भएको छ ।

  • उच्च अदालतमा नियुक्त भएका ८० जना न्यायाधीशले आज शपथ लिँदै

    काठमाडौं, माघ ५ – उच्च अदालतमा नियुक्त भएका ८० जना न्यायाधीशले बुधबार शपथ लिँदैछन् । सर्वोच्च अदालतमा दिउँसो हुने समारोहमा प्रधानन्यायाधीश सुशीला कार्कीले उनीहरुलाई शपथ गराउने कार्यक्रम छ ।

  • मधेसी : करदाता र मतदाता मात्र होइनन्

    समानता, समन्याय, सम्मान, पहिचान र अधिकारका लागि मधेसीहरू पटक–पटक आन्दोलित हुँदै आएका छन् । साझा र सम्पन्न नेपाल निर्माणका लागि मुलुकका आधाभन्दा बढी जनसंख्या ओगटेका मधेसीहरूलाई विभेदमा पारेर सम्भव छैन ।

  • चुनावको मिति घोषणा गर्ने तयारीमा छौँ : प्रधानमन्त्री

    प्रधानमन्त्री पुष्पकमल दाहाल प्रचण्डले राजनीतिक दलको सहमतिमा छिट्टै चुनावको मिति घोषणा गरिने बताउनुभएको छ । संयुक्त अरब इमिरेटस युएइको चार दिने भ्रमण सकेर स्वदेश फर्केपछि त्रिभुवन विमानस्थलमा प्रधानमन्त्री दाहालले चुनावको मिति घोषणा गर्ने तयारीमा सरकार रहेको बताउनुभएको हो ।

  • कानुन नपढेकालाई पनि उच्च अदालतमा भर्ती गरियो : ओली

    सुमन तिमल्सिना/उज्यालो । विराटनगर, माघ ४ – पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले न्याय परिषदले उच्च अदालतमा गरेको सिफारिसको कडा आलोचना गर्नु भएको छ ।

सबै हेर्नुहोस
पछिल्ला समाचारहरु

मेरो पनि भन्नु छ

  • सबै दलका नेताले पृथ्वी नारायण शाहले नेपाल एकिकरण गरे भन्दै प्रशंसा गर्ने तर राष्ट्रिय एकता दिवस मनाउन चाँहि किन आनाकानी गरेका हुन् कुन्नि ?

    यज्ञ सापकोटा
  • बेरोजगार नागरिकले जम्मा गरेको करबाट तलव भत्ता खाने तर नागरिककै विषयमा छलफल गर्ने थलोमा हाजिर गरेर टाप कस्ने, यस्ता सांसदबाट हामीले के आशा राख्ने ?

    सुनिल कुमार
  • सबै भुकम्प प्रभावितले कहिले राहत पाउलान् सरकार ? जाडोमा कठ्याङ्ग्रिएर मर्ने अनि वर्षामा रातदिन रुझेर बिताउनुपर्ने बाध्यता कहिले सम्म भोग्नुपर्ने हो ?

    ​दुर्गाप्रसाद घिमिरे
सबै हेर्नुहोस

सोसल मिडिया