MENU

समाज

Ncell Axiata

पश्चिमका पहाडी जिल्लामा हिमपात

काठमाडौं, पुस २४ – जुम्ला, बैतडी, बझाङ, दार्चुला, डडेल्धुरासहितका पश्चिमका पहाडी जिल्लामा हिमपात भएको छ । हिमपातका कारण ति क्षेत्रको जनजीवन प्रभावित भएको छ । जुम्लामा अघिल्ला वर्षमा कात्तिक महिनामै हिमपात हुने गरेकोमा यो वर्ष पुसमा आएर हिमपात भएको हो । शनिबार रातिदेखि भएको हिमपातले जुम्लाका धेरैजसो क्षेत्र सेताम्य भएका छन् । हिमपातका कारण सदरमुकाम खलंगामा झण्डै पाँच ईन्चसम्म हिँउ जमेको छ । डिल्लीचौर, छुमचौर, पातारासी, गोठिचौर, बुम्रामाडिचौर, बोता मालिका, मालिकाठाटा, घोडेमहादेव र ताम्ती लगायतका गाविसमा पनि बाक्लो हिमपात भएको छ ।

यस्तै बैतडीमा पनि हिमपात भएको छ । हिउँदे बाली लगाएदेखि राम्रोसँग पानी नपरेको बैतडीमा हिउँ परेको हो । बैतडीसहित दार्चुला, डडेल्धुरा लगायतका उच्च पहाडी जिल्लामा शनिबार रातिदेखि हिउँ परेको हो । हिमपातले बैतडीबाट चल्ने लामोदूरीका सवारी साधन चल्न नसकेको जिल्ला प्रहरी कार्यलयले जनाएको छ । समयमा पानी नपर्दा खेतमा लगाएको गहुँ सुक्न थालेपछि चिन्तामा परेका  किसान भने हिउँ परेपछि खुशी भएका छन् ।

बझाङका धेरै ठाँउमा हिमपात

बझाङमा शनिबार बेलुका ८ बजेदेखि निरन्तर हिमपात भइरहेको छ । हिमपातले जिल्लाको जनजीवन प्रभावित भएको छ । जिल्लाको दहबगर, भैरवनाथ, पिपलकोट, ब्यासी, कफलसेरी, धमेना, कैलास काँडा, दौलीचौर, सुर्मा, लेकगाँउ, मौलाली, सैनपसेला, भामचौर, स्याँडी लगायतका गाविसमा बाक्लो हिमपात भएको छ । लामो समयसम्म वर्षा नहुँदा हिउँदे  बाली बिग्रने चिन्तामा परेका किसान हिमपातले खुशी भएका छन् । तर सोलार प्यालन चार्ज हुन नपाउँदा स्थानीय रेडियो बन्द भएका छन् । 

 

प्रतिक्रिया दिनुहोस

सम्बन्धित सामग्रीहरु

  • बूढीगण्डकीबारेको समझदारीपत्र सच्याउन माग

    काठमाडौं, भदौ ३ – राष्ट्रिय गौरवको आयोजनाको रुपमा रहेको बूढीगण्डकी जलविद्युत् परियोजनाको सम्बन्धमा चिनियाँ कम्पनीसँग गरिएको समझदारीमा रहेका अस्पष्टता हटाउन आग्रह गरिएको छ ।

  • संशोधन भएको वैदेशिक रोजगार ऐनमा के सुधार भयो ?

    सरकारले वैदेशिक रोजगार ऐन, २०६४ तेश्रो पटक संशोधन गरेको छ । तेश्रो संशोधित नियमावली, २०७४ साउन १६ गते देखि कार्यन्वयनमा आएको छ ।

  • दाहसंस्कार गरेको ३ दिनपछि भेटियो माइखोलामा हराएका युवाको शव

    इलाम भदौ ३ – इलाम नगरपालिका स्थित माइखोलाबाट वेपत्ता भएका इलाम नगरपालिका-७ का रोहन आचार्यको शव माइखोलाको शिवालय मन्दिर नजिकै भेटिएको जिल्ला प्रहरी कार्यलय इलामले जनाएको छ ।

  • युएईमा ८० दिन कोमामा बसेकी देवीको फेरि पनि मृत्युसँग संघर्ष

    संसारसँग हार गुहार गरेर बचाएकी श्रीमतीको फेरि उस्तै हालतमा पुगेपछि लोकेन्द्र गएको शक्रबार युएईबाट काठमाडौं आउनुभएको छ । बोल्न सक्ने बनाएर नेपाल ल्याएकी श्रीमती अहिले भने जीवनको अन्तिम सास लिइरहेकी छिन् । त्यसैले त अबले उहाँले पनि श्रीमती बाँच्ने आशा मारिसक्नुभएको छ । भेन्टिलेटरमा राख्दा पनि देवीलाई अब तीन दिनपछि मुखबाट पाइप लगाउन नमिल्ने डाक्टरले बताएका छन् ।

  • बाढी प्रभावित क्षेत्रमा सरसफाइ

    विराटनगर, भदौ ३ – विराटनगर माहानगरपालिकाको बाढी प्रभावित हाटखोला क्षेत्रमा शनिबार सरसफाइ गरिएको छ । विराटनगर महानगरपालिकाको आह्वानमा विभिन्न युवा समूहको आयोजनामा सरसफाइ कार्यक्रम आयोजना गरिएको हो ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया