MENU

मनोरञ्जन

Ncell Axiata
chhaka panja

नेपालीमा कमजोर छन् ‘दर्पण छायाँ २’ नायिका

काठमाडौं, पुस २५ – झण्डै डेढ दशक पहिले बनेको चलचित्र ‘दर्पण छायाँ’को सिक्वेल अहिले चर्चामा छ । ‘दर्पण छायाँ’ नै थियो सिंगल थियटरमा एक सय दिन मनाउने पहिलो नेपाली चलचित्र । डेढ दशकपछि त्यही चलचित्रका निर्देशक तुलसी घिमिरेकै निर्देशनमा ‘दर्पण छायाँ २’ निर्माण भएको छ । चलचित्रको रिलिज मिति नजिँकै गर्दा चलचित्र निर्माण टिम अहिले प्रचार प्रसारमा लागेको छ । दर्पण छायाँमा मुख्य नायिकाको भूमिकामा निरुता सिंह थिइन् भने नायकको भूमिकामा दिलिप रायमाझी थिए ।  सिक्वेलमा भने सबै नयाँ अनुहारहरुलाई देख्न पाइनेछ ।  नयाँ अनुहार मध्ये चलचित्रकी मुख्य नायिका साहारा कार्की चलचित्र रिलिज पूर्वनै चर्चामा छिन् । १२ बर्षदेखि अमेरिकामा बस्दै आएकी उनी आफ्नो सुन्दरताका कारण सबैको ध्यान तान्न सफल छिन् ।

साहारालाई सानैदेखि अमेरिकामा बसेर होला आफ्नो नेपाली भाषानै राम्रोसँग उच्चारण गर्न आउँदैन  । चलचित्र प्रमोशनकै क्रममा उनले  आफूलाई नेपाली भाषा बोल्नका लागि सारै गाह्रो हुने बताएकी छिन् । नेपाली बोल्न गाह्रो लाग्ने त्यसमा पनि चलचित्रमा त झनै सही र शुद्ध उच्चारण गर्नुपर्ने हुँदा साहारालाई आफ्नो भाषा आफैलाई चुनौतिपूर्ण भएको बुझिन्छ ।

नेपाली समाजलाई चलचित्रमार्फत केही नयाँ कुरा सिकाउने नायिकालाई नै मातृभाषा उच्चारणमा समस्या हुँदा दर्शकले के सिक्ने भन्ने कुरा पनि अगाडि आउँछ । त्यो सबै कुराको बारेमा जानकारी भने चलचित्र रिलिज भएपछि हुनेछ । साथै उनले चलचित्र यात्राको सुरुवातमै तुलसी घिमिरे जस्ता सफल निर्देशकको साथ पाएकी छिन् । 

तुलसी घिमिरेसँग काम गर्न पाएकोमा खुसी व्यक्त गर्दै साहाराले निकट भविष्यमा आफू चलचित्र नायिका होइन कलाकार भएर काम गर्ने सोच बनाएकी छिन् । उनले अबको समयमा जस्तो पनि चलचित्रमा काम गर्न तयार रहने बताएकी छिन् ।

‘दर्पण छायाँ २’ फागुन २७ गते रिलिज हुँदैछ । तुलसी घिमिरेको निर्देशनमा बनेको यो सिनेमालाई साबु गदाल कार्की र रवि कार्कीले निर्माण गरेका हुन् ।

दुईपटक शुट भयो क्लाईमेक्स

जय गिरीले सिनेमामा क्लाईमेक्सको १५ मिनेटको दृश्यलाई भिएफएक्सबाटै आकर्षक बनाउने जिम्मा लिएका थिए । तर भिएफएक्सबाट सोचेजस्तो क्लाईमेक्स नभएपछि निर्देशक तुलसी घिमिरले क्लाईमेक्स फेरि खिच्ने योजना बनाए र कलाकारलाई लिएर दार्जिलिङको  सभा हलमा पुगे । 

दार्जिलिङको सभा हलमा क्लाइमेक्समा भएको नृत्य खिचियो । क्लाईमेक्स फेरि खिचेपछि निर्देशक तुलसी घिमिरे निकै खुसी भएका छन् । सिनेमाको क्लाईमेक्समा भएको नृत्यलाई मिङमा दोर्जी लेप्चाले  कोरियोग्राफ गरेका छन् ।

उज्यालो र forseenetwork काे सहकार्य ।  

प्रतिक्रिया दिनुहोस

सम्बन्धित सामग्रीहरु

  • को बन्ला पहिलो नेपाल अाइडल ?

    काठमाडौं, असोज ६ – शुक्रबार नेपाली संगीत पारखाीहरुले प्रथम नेपाल आइडल पाउने भएका छन् । लोकप्रिय रियालिटी टेलिभिजन शो नेपाल आइडलको ग्रान्ड फिनालेमा पुगेका तीन प्रतिस्पर्धीमध्येबाट शुक्रबार एक जना नेपाल आइडल बन्नेछन् ।

  • फ्राइडे रिलिज : हलमा ‘यती’ मात्रै

    काठमाडौं, असोज ६ – यो हप्ता नेपाली सिनेमा घरमा एउटा मात्रै चलचित्र लागेको छ ।

  • ‘आयो दसैँ आयो, चारैतिर खुशीयाली ल्यायो’ (भिडियोसहित)

    काठमाडौं, असोज ४ – गीतकार अम्बिका गुरुङको यसपालीको दसैँ गीत ‘आयो दसैँ आयो, चारै तीर खुशीयाली ल्यायो’ को म्युजिक भिडियो सार्वजनिक गरिएको छ । गीतकार गुरुङ पछिल्लो समय अमेरिकामा रहेर नेपाली गीतसंगीतमा अहोरात्र लागि पर्नु भएको छ ।

  • गायिका मिलन अमात्यले गरिन् डिभोर्स

    काठमाडौं, असोज २ – गायिका मिलन अमात्यले श्रीमानसँग औपचारिक रुपमा सम्बन्ध बिच्छेद गरेकी छिन् । केही समय अघि मिलन अमात्यले सम्बन्ध बिच्छेदका लागि निबेदन दिए पनि यो कुरालाई बाहिर ल्याउन चाहेकि थिइनन् ।

  • ​आमिर खानले रिजेक्ट गरेका यी कलाकार बने सुपरस्टार

    असोज १ – उनले आमिर खानको चलचित्र ‘धोबी घाट’ तथा अन्य केही टेलिश्रृङ्खलाका लागि अडिसन दिएका थिए । तर उनलाई लिइएन ।

सबै हेर्नुहोस
western union
nepali women
पछिल्ला समाचारहरु

सोसल मिडिया