MENU

समाज

Ncell Axiata

हिउँ परेपछिको रारा (फोटोफिचर)

श्याम बिसी/उज्यालो 

मुगु, पुस २६ – पर्यटकीय गन्तव्य मुगुको राराताल हिउँले सेताम्य भएको छ । रारामा झण्डै एक फिटसम्म हिउँ जमेको छ । हिमपातका कारण राराको सुन्दरतामा हिउँदेपन थपिएको छ । रारामा हिमपात भएको समयमा पनि रारा ताल हेर्न पुग्ने आन्तरिक तथा बाह्य पर्यटक भने कम छैनन् । रारामा हिमपातसँगै पर्यटक आउनेक्रम बढ्ने रारा राष्ट्रिय निकुञ्जको अनुमान छ । गएको शनिबार रातिबाट छिटफुट वर्षा भएपछि आइतबार मुगुसहितका कर्णालीका सबै जिल्लाका उच्च स्थानमा हिमपात भएको थियो । रारा तथा रारा राष्ट्रिय निकुञ्ज वरपर रहेका रूखहरु कपासजस्तै सेतै देखिएका छन् । नीलो र कञ्चन तालको पानीमा हिउँको सेतो छाया भरिभराउ छ । सूर्यको पारिलो घामले राराको हिउँ चाँदीझैं टल्किएको छ । यो समयमा रारामा आउने पर्यटकले मात्र राराको यस्तो सुन्दरतासँग नजिक हुन पाउछन् । सेताम्य राराको सुन्दरता हेर्नका लागि जिल्लाको जिमा गाविसबाट रारा पुगेका पदम बहादुर शाहीले आफू परिवारसहित आएको बताउनुभयो । ‘उसै रारा सुन्दर छ, हिउँले झनै राम्रो देखिएको छ’ उहाँले भन्नुभयो । पश्चिम मानसरोवर, साइबेरिया तथा भारतको नैनी ताललगायतका स्थानबाट कर्याङकुरुङ, जलेवा, सेता हाँस जस्ता चरा रारामा भरिभराउ छन् । हिमपात सुरु भएपछि उच्च क्षेत्रहरुको जनजीवन प्रभावित भएको छ । रारा पर्यटन विकास समितिका अध्यक्ष देविकृष्ण रोकायाकाअनुसार रारामा हिमपात भएपनि आगन्तुकका लागि भने भने कुनै समस्या छैन् । ‘हिमपात धेरै भएपछि मुलुकका केही पर्यटकीय क्षेत्रमा पर्यटकलाई समस्या हुने गरे जस्तै रारामा पनि दुःख पाईन्छ भन्ने नबुझ्न पर्यटकलाई हाम्रो आग्रह हो’ उहाँले भन्नुभयो । समुद्री सतहदेखि २९ सय ९० मिटर उचाइको रारा हिउँदमा हिउँले सेताम्य र असार साउनमा सप्तरंगी फूलले सिँगारिन्छ । बिहान, मध्याह्न र साँझतिर दिनमा तीनपटक राराको रूप फेरिने गदर्छ । हरेक वसन्त ऋतुका साथै राराले रूप फेरिरहन्छ । चैत वैशाखमा लालीगुराँस ढकमक्कै फुलेर बेहुलीजस्तै देखिन्छ भने गर्मी चढेपछि तालमा असला माछा, आहारा खोज्दै किनारतिर आउँछन् । डाँफे, कालिज, लाटोकोसेरो, ढुकुर, चिल, हाँसलगायत ३ सय प्रजातिका चरा र कस्तुरी, रेडपाण्डा, मृग, घोरल, रतुवा, जस्ता वन्यजन्तु र गुच्ची च्याउ, पाँचऔंले, जटामासीलगायतका १८ किसिमका जडिबुटी रारा क्षेत्रमा पाइन्छ ।

 

हिउँ परेपछिको रारा (फोटोफिचर)

हिउँ परेपछिको रारा (फोटोफिचर)

हिउँ परेपछिको रारा (फोटोफिचर)

हिउँ परेपछिको रारा (फोटोफिचर)

हिउँ परेपछिको रारा (फोटोफिचर)

प्रतिक्रिया दिनुहोस

सम्बन्धित सामग्रीहरु

  • बूढीगण्डकीबारेको समझदारीपत्र सच्याउन माग

    काठमाडौं, भदौ ३ – राष्ट्रिय गौरवको आयोजनाको रुपमा रहेको बूढीगण्डकी जलविद्युत् परियोजनाको सम्बन्धमा चिनियाँ कम्पनीसँग गरिएको समझदारीमा रहेका अस्पष्टता हटाउन आग्रह गरिएको छ ।

  • संशोधन भएको वैदेशिक रोजगार ऐनमा के सुधार भयो ?

    सरकारले वैदेशिक रोजगार ऐन, २०६४ तेश्रो पटक संशोधन गरेको छ । तेश्रो संशोधित नियमावली, २०७४ साउन १६ गते देखि कार्यन्वयनमा आएको छ ।

  • दाहसंस्कार गरेको ३ दिनपछि भेटियो माइखोलामा हराएका युवाको शव

    इलाम भदौ ३ – इलाम नगरपालिका स्थित माइखोलाबाट वेपत्ता भएका इलाम नगरपालिका-७ का रोहन आचार्यको शव माइखोलाको शिवालय मन्दिर नजिकै भेटिएको जिल्ला प्रहरी कार्यलय इलामले जनाएको छ ।

  • युएईमा ८० दिन कोमामा बसेकी देवीको फेरि पनि मृत्युसँग संघर्ष

    संसारसँग हार गुहार गरेर बचाएकी श्रीमतीको फेरि उस्तै हालतमा पुगेपछि लोकेन्द्र गएको शक्रबार युएईबाट काठमाडौं आउनुभएको छ । बोल्न सक्ने बनाएर नेपाल ल्याएकी श्रीमती अहिले भने जीवनको अन्तिम सास लिइरहेकी छिन् । त्यसैले त अबले उहाँले पनि श्रीमती बाँच्ने आशा मारिसक्नुभएको छ । भेन्टिलेटरमा राख्दा पनि देवीलाई अब तीन दिनपछि मुखबाट पाइप लगाउन नमिल्ने डाक्टरले बताएका छन् ।

  • बाढी प्रभावित क्षेत्रमा सरसफाइ

    विराटनगर, भदौ ३ – विराटनगर माहानगरपालिकाको बाढी प्रभावित हाटखोला क्षेत्रमा शनिबार सरसफाइ गरिएको छ । विराटनगर महानगरपालिकाको आह्वानमा विभिन्न युवा समूहको आयोजनामा सरसफाइ कार्यक्रम आयोजना गरिएको हो ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया