MENU

राजनीति

Ncell Axiata

पृथ्वीनारायण शाहको प्रशंसा गर्दै प्रधानमन्त्रीले भने – इमान्दार नागरिकले गौरव गर्नुपर्छ

चितवन, पुस २६ – प्रधानमन्त्री पुष्पकमल दाहाल प्रचण्डले पृथ्वीनारायण शाहको भूमिकाको प्रशंसा गर्दै इमान्दार नागरिकले गौरव गर्न सक्नुपर्ने बताउनुभयो । भरतपुर उपमहानगरपालिकाको तेस्रो नगरपरिषदको उद्धघाटन कार्यक्रममा सम्वोधन गर्दै प्रधानमन्त्री दहालले पृथ्वीनारायण शाहको भुमिकालाई नदेख्नु भनेको इतिहासको भौतिकवादको ब्याख्या भन्दा बाहिर गएर र इतिहासको विकास क्रमलाई नमानेको ठहरीने बताउनुभयो । 

आफ्ना कार्यकर्ताले पृथ्वीनारायण शाहाको शालिक भत्काएको घटनाको स्मरण गर्दै दाहालले राजाको शालिक भत्काउनु पर्छ भन्ने उन्माद बोकेर हिँडेका आफ्ना पार्टीका कार्यकर्तालाई  नभत्काउन आफूले त्यसैवेला कडा निर्देशन दिएको बताउनुभयो । 

नेपाललाई एकिकृत र केन्द्रिकृत बनाउन शाहले खेलेको भूमिकालाई सकारात्मक रुपमा लिन सक्नुपर्ने बताउदै प्रधानमन्त्री दहालले देशको इतिहासप्रति इमान्दार नागरिकले गौरव गर्नुपर्ने बताउनुभयो । 

पुस २७ गते पर्ने पृथ्वीनारायण शाहको जन्म जयन्तीका दिन विदा घोषणा गर्ने बिषय बहसमै रहेको बताउँदै उहाँले मधेस र आदिवासी जनजातिका बिचमा शाहको भूमिकालाई कसरी हेर्ने भन्ने बहस रहेको जानकारी दिनुभयो । विदा दिने या नदिने बिषयमा मन्त्रिपरिषदमा दुई पटक छलफल भएको बताउँदै उहाँले सबै राजनीतिक दलका बिचमा छलफल गरेर निकास निकाल्न आफूले पहल गर्ने जानकारी दिनुभयो ।

प्रतिक्रिया दिनुहोस

सम्बन्धित सामग्रीहरु

  • नुवाकोटमा ५७ जनाको उम्मेदवारी

    नवदीप अजनबी/उज्यालो । नुवाकोट, कात्तिक ५ - मंसिर १० गते हुने प्रतिनिधिसभा तथा प्रदेशसभा चुनावको लागि नुवाकोटमा नेपाली कांग्रेस, नेकपा एमाले र नेकपा माओवादी केन्द्रसहित विभिन्न राजनीतिक दलबाट उम्मेदवारी दर्ता गरेका छन् ।

  • म्याग्दीमा लोकतान्त्रिक र बाम गठबन्धन दलद्वारा उम्मेदवारी दर्ता

    प्रताप बानियाँ/उज्यालो । म्याग्दी, कात्तिक ५ –म्याग्दीमा लोकतान्त्रिक र वाम गठबन्धन दलद्वारा उम्मेदवारी दर्ता भएको छ । प्रतिनिधिसभा चुनावमा लोकतान्त्रिक गठबन्धनबाट नेपाली कांग्रेसका खमबहादुर गर्बुजा र बाम गठबन्धनबाट नेकपा एमालेका भूपेन्द्र थापाले उम्मेदवारी दर्ता गर्नुभएको हो ।

  • कहाँ कसले गरे मनोनयन दर्ता ?

    प्रतिनिधिसभा र प्रदेशसभाको पहिलो चरणको चुनावका लागि उम्मेदवारको मनोनयन दर्ता भएको छ । हिमाली तथा उच्च पहाडी भेगका ३२ जिल्लाका प्रतिनिधिसभाका ३७ र प्रदेशसभाका ७४ वटा निर्वाचन क्षेत्रमा मनोनयन दर्ता भएको हो ।

  • प्रत्यक्षतर्फ छुट्टाछुट्टै मतपत्र छाप्ने विषयमा छलफल गर्न आयोगद्वारा समिति गठन

    काठमाडौं, कात्तिक ५ – निर्वाचन आयोगले प्रतिनिधिसभा र प्रतिनिधिसभा चुनावको प्रत्यक्षतर्फ छुट्टाछुट्टै मतपत्र छाप्ने विषयमा छलफल गर्न समिति गठन गरेको छ ।

  • दार्चुलामा उम्मेदवार को को ?

    दार्चुला, कात्तिक ५ – दार्चुलामा वाम गठबन्धन र नेपाली कांग्रेसले जुलुससहित उम्मेदवार मनोनयन गराएका हुन् । वाम गठबन्धनका तर्फबाट प्रतिनिधिसभाका लागि नेकपा एमालेका केन्द्रीय सदस्य एवं निर्वतमान सांसद गणेशसिंह ठगुन्नाले उम्मेदवारी मनोनयन दर्ता गराउनुभएको छ ।

सबै हेर्नुहोस
Joktantra
पछिल्ला समाचारहरु

सोसल मिडिया