MENU

अर्थ

Ncell Axiata
sagun

सुन तस्करीको घटनाबारे अर्थ समितिमा छलफल

काठमाडौं, पुस २७ – त्रिभुवन अन्तर्राष्ट्रिय विमानस्थलबाट भन्सार छलेर ३३ किलो सुन बाहिरएको घटनाको सम्बन्धमा व्यवस्थापिका–संसद, अर्थ समितिले सुरक्षा निकाय र भन्सार विभागसँग छलफल गरेको छ ।

गएको बिहीबार भन्सार छलेर पिङ्गलास्थान पुर्‍याइएकोसुन केन्द्रीय अनुसन्धान ब्युरोको प्रहरी टोलीले बरामद गरेपछि विमानस्थलबाट भइरहेको सुन तस्करीबारे छलफल गर्न मंगलबार अर्थ समितिले बैठक बोलाएको थियो ।

बैठकमा सहभागी सुरक्षा निकायका प्रतिनिधिले आफूहरुलाई भन्सारको सुरक्षा जाँचमा सहभागी नगराइने गरेकाले सोको जिम्मा भन्सारले लिनुपर्ने बताए । प्रहरी महानिरीक्षक उपेन्द्रकान्त अर्यालले विमानस्थलको भन्सारमा समेत आफूहरुलाई चेकजाँच गर्ने अधिकार दिइनुपर्नेमा जोड दिनुभयो । 

भन्सार विभागका महानिर्देशक शिशिरकुमार ढुङ्गानाले सुन तस्करी काण्डमा विभागका कर्मचारीको संलग्नता रहे कारबाही गरिने बताउँदै सो बारे छानबिन समिति गठन गरिएको जानकारी गराउनुभयो । 

अर्थ मन्त्रालय, राजस्व विभागका सचिव राजन खनालले सुन तस्कारको जालो ठूलो रहेको भन्दै सोही कारण केही व्यवसायीले नेपाल राष्ट्र बैंकमार्फत सुन नकिनी तस्करसँग किन्ने गरेको बताउनुभयो ।

छलफलमा अनुसन्धान ब्युरोका प्रमुख, प्रहरी नायब महानिरीक्षक नवराज सिलवालले सुन तस्करीको घटनाको छानबिन गरेर सत्यतथ्य पत्ता लगाउने प्रतिबद्धता व्यक्त गर्नुभयो । समितिका सदस्य हरिलाल ज्ञवालीले सुन तस्करीबारे मंगलबार प्रारम्भिक छलफल भएको र भोलि पुनः यही विषयमा बैठक बसी निर्णय लिइने जानकारी दिनुभयो । रासस

 

प्रतिक्रिया दिनुहोस

सम्बन्धित सामग्रीहरु

  • आज उद्योग दिवस, चुनावले ओझेमा पर्‍यो

    काठमाडौं, मंसिर ९ – हरेक वर्ष मंसिर ९ गते उद्योग दिवस मनाइन्छ । शनिबार तेस्रो उद्योग दिवस हो तर आइतबार हुने चुनावका कारण दिवस ओझेलमा परेको छ । चुनावका लागि उद्योगमन्त्री सुनिलबहादुर थापा गृहजिल्ला धनकुटामा रहेका तथा अरु कर्मचारी चुनावको लागि खटिएकाले दिवस ओझेलमा परेको हो ।

  • एनसेलले ल्यायो नयाँ भ्वाइस प्याक, भ्वाइस सेवा अब अझै सुलभ

    काठमाडौं, मंसिर ८ – टेलिफोन सेवा प्रदायक कम्पनी एनसेल प्रालिले आफ्ना प्रिपेड ग्राहकका लागि चार नयाँ भ्वाइस प्याकहरु ल्याएको छ ।

  • चुनावले जन जनको हातमा पैसा

    प्रदेशसभा र प्रतिनिधिसभाको पहिलो चरणको चुनाव आउन तीन दिन मात्र बाँकी रहँदा गाउँगाउँमा चहलपहल बढेको छ । काठमाडौंलगायत विभिन्न शहरमा बस्दै आएकाहरु समेत आफूनिकट दल र उम्मेदवारलाई सघाउन गाउँ फर्किएका छन् ।

  • ​रियाल, दिर्हाम, रिंगिटको मूल्य कमजोर

    काठमाडौं, मंसिर ८ – नेपाल राष्ट्र बैंकले आज तोकेको विनिमय दर अनुसार एक साउदी रियालको खरिददर २७ रुपैयाँ ४७ पैसा र विक्रिदर २७ रुपैयाँ ६३ पैसा रहेको छ ।

  • सुनचाँदीको भाउ बढ्यो

    काठमाडौं, मंसिर ७ – सुनको भाउ बिहीबार तोलामा ४ सय रुपैयाँ बढेको छ । सुनको तोलाको ५६ हजार २ सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।

सबै हेर्नुहोस
Joktantra
पछिल्ला समाचारहरु

सोसल मिडिया