MENU

बातावरण-कृषि

Ncell Axiata
NIC Asia

एक वर्षमा झण्डै ४७ करोडको खुर्सानी

प्रकाश धौलाकोटी/उज्यालो ।

तेह्रथुम, पुस २७ – तेह्रथुममा अकबरे खुर्सानीको व्यावसायिक खेती गर्ने क्रम बढेको छ । किसानले खाद्यान्न बालीको सट्टा व्यावसायिक रुपमै अकबरे खुसार्नीको खेती गर्न थालेका हुन् । अकबरेबाट आम्दानी पनि राम्रो हुने गरेको किसानको भनाई छ । 

जिल्ला कृषि विकास कार्यालयका अनुसार यसवर्ष  झण्डै ४७ करोड रुपैयाँ बराबरको अकबरे खुर्सानी उत्पादन भएको छ । जिल्लाका किसानले २० हेक्टर जमिनमा लगाएको अकबरे खेतीबाट यो वर्ष ३ सय १२ मेट्रिक टन अकबरे खुर्सानी उत्पादन भएको हो । अकबरे खुर्सानीको खुद्रा मूल्य अहिले किलोको १ सय ५० रुपैयाँ छ । यस हिसाबले जिल्लामा यो वर्ष ४६ करोड ८० लाख रुपैयाँ भन्दा बढीको खुर्सानी उत्पादन भएको हो । 

बजारमा अकबरे खुर्सानी न्युनतम एक सयदेखि चार सय रुपैयाँ सम्ममा किनबेच हुने गरेको छ । यो वर्ष अघिल्लो वर्ष भन्दा ६२ मेट्रिक टन बढी अकबरे उत्पादन भएको कार्यालयका बागवानी विकास अधिकृत दीपा देवले जानकारी दिनुभयो । ‘गाउँ–गाउँमा अकबरेको व्यावसायिक खेती सुरु भएपछि यो वर्ष उत्पादन बढेको हो’ उहाँले भन्नुभयो ।

जिल्लामा अलैँची र अदुवापछि  बढी खेती गरिने नगदेबाली अकबरे खोर्सानी हो ।  परम्परागत शैलीमा खेती गर्दै आएका किसानहरु भारतीय बजारबाट समेत अकबरेको माग आउन थालेपछि अझ उत्साहित बनेर व्यावसायिक खेतीमा लागेको कार्यालयका वरिष्ठ कृषि विकास अधिकृत रोहिणीराज घिमिरेले बताउनुभयो ।

उहाँका अनुसार जिल्लाको कुल उत्पादनको ४५ प्रतिशत पूर्वका विभिन्न बजार हुँदै भारततर्फ निकासी हुने गरेको छ । बाँकी उत्पादन जिल्लाका विभिन्न बजार र किसानको आफ्नो प्रयोजनमा खपत हुने गरेको उहाँले बताउनुभयो । 

सिँचाई समस्या हुने र अन्य खेतीमा बढी श्रम पर्ने भएकाले पनि किसानको ध्यान व्यावसायिक खुर्सानी खेती तर्फ गएकोे हो । किसानले अकबरेको अचार बनाएर समेत बेच्ने गरेका छन् । बजारको समस्या नरहेकाले पनि आफूहरु उत्साहित भएको किसानले बताएका छन् ।

‘बजारको समस्या छैन’ ओयाक्जुङकी किसान मालती जोगीले भन्नुभयो, ‘आत्म विश्वासका साथ व्यावसायिक रुपमा खेती गरे खुर्सानीबाट पनि राम्रो आम्दानी हुने रहेछ ।’ उहाँले ९ सय ५० वटा बिरुवा किनेर अकबरेको व्यावसायिक खेती सुरु गरेकोमा अहिले यो संख्या बढाएर १२ सय पु¥याउनुभएको छ । अहिले धान तथा मकै फल्ने खेतबारीमा किसानले अकबरेको खेती थालेका छन् । 

जिल्लाका सबै गाविसमा छिटपुट खेती भएपनि दुवै नगरपालिकासहित १० भन्दा बढी गाविसमा भने व्यावसायिक रुपमा अकवरे खुर्सानीको खेती गर्ने क्रम बढेकोे कृषि विकास कार्यालयले जनाएको छ । ओयाक्जुङ, फाक्चामारा, पञ्चकन्या, सुदाप, ओखे्र, छातेढुङ्गा, हमरजुङ, सिम्ले र खाम्लालुङ गाविसमा अकबरेको व्यावसायिक खेती भइरहेको छ ।  

 

प्रतिक्रिया दिनुहोस

सम्बन्धित सामग्रीहरु

  • काठमाडौं उपत्यकाका खुला ठाउँमा आगो बाल्न नपाइने

    काठमाडौं, माघ ७ – उपत्यकासहितका शहरमा खुला रुपमा आगो बाल्न नपाइने भएको छ ।

  • रेन्बो ट्राउट उत्पादन केन्द्र बनाइने

    खोटाङ, माघ ४ – खोटाङको रुपाकोट मझुवागढी नगरपालिकाले रेन्बो ट्राउट माछा उत्पादन केन्द्र बनाउने तयारी गरेको छ ।

  • हिउँदे वर्षा नहुँदा प्रदुषण बढ्यो

    काठमाडौं, माघ ४ – हिउँदे वर्षा नहुँदा काठमाडौंमा प्रदुषण बढेको छ । मंसिर १५ देखि अहिलेसम्म काठमाडौंमा जम्मा शून्य दशमलव १ मिलिमिटर मात्र पानी परेको परेको मौसम पूर्वानुमान महाशाखाले जनाएको छ । मौसमविद शान्ति कँडेलका अनुसार जनवरी महिनाभरिमा १० दशमलव ४ मिलिमिटर पानी पर्नुपर्ने हो ।

  • ​गुल्मीमा सुन्तला उत्पादन घट्याे

    गुल्मी, माघ २ – गुल्मीमा यो वर्ष सुन्तला उत्पादनमा कमी आएको छ । जिल्लामा यस वर्ष २ हजार २ सय ५ मेट्रिक टन सुन्तला उत्पादन भएको छ ।

  • मौसमविद् भन्छन् : अब चिसो हुँदैन

    काठमाडौं, माघ २ – पुसको अन्तिम साता ह्वात्तै बढेको चिसो माघ महिना लागेसँगै घटेको छ । अधिकतम र न्यूनतम तापक्रममा बृद्धि आएपछि उपत्यका तातो बन्दै गएको छ । उपत्यकामा पुसको अन्तिम साता न्युनतम तापक्रम शून्य डिग्रीमा झरेको थियो ।

सबै हेर्नुहोस
Skill Training
पछिल्ला समाचारहरु

सोसल मिडिया