MENU

मनोरञ्जन

Ncell Axiata
chhaka panja

टेरिया ‘झलक दिखला जा’को उपाधि नजिक

भवानीप्रसाद पाण्डे/उज्यालो । 

रुपन्देही, पुस २७ – रुपन्देही रुद्रपुरकी टेरीया फौजामगर भारतीय टेलिभिजन कलर्सको चर्चित ‘रियालिटी सो–झलक दिखला जा’ को उपाधि नजिक पुगेकी छन् । यसअघि उनले सन् २०१४ मा ‘डान्स इण्डिया डान्स लिटिल मास्टर’को उपाधि जितेकी थिइन ।

१४ वर्षकी टेरियाले ‘झलक दिखला जा’ को उपाधि जितेमा पुरस्कार स्वरुप ३० लाख भारतीय रुपैयाँ र एउटा कार प्राप्त गर्ने छिन । टेरियाले भारतीय डान्सर एवं ‘झलक दिखला जा’  का पूर्व विजेता सलमान युसुफ खान र वर्ल्र्ड हिपहपका विजेता सानतनु महेश्वरीसँग उपाधिको लागि प्रतिस्पर्धा गर्दैछिन् ।

गएको जुलाईमा सुरु भएको ‘झलक दिखला जा’ मा टेरिया वाइल्ड कार्डमार्फत प्रवेश गरेकी हुन् । उनले डिआइडी लिटिल मास्टरको उपाधि विजेता भएकाले च्यालेन्जरको रुपमा प्रवेश पाएकी हुन । प्रतियोगिताको उपाधिका लागि जनवरी १४ देखि २१ सम्म एसएमएस र अनलाइन भोटिङ हुँदैछ । 

टेरिया फौजा मगर फाउण्डेसनका अध्यक्ष एवं टेरियाका हजुरबुवा कृष्ण फौजा मगरले आफ्नो प्रतिभाका कारण उपाधि नजिक पुगेकी टेरियालाई ‘झलक दिखला जा’को उपाधि दिलाउनका लागि एसएमएस र अनलाइन भोटिङ गर्न आग्रह गर्नुभएको छ । हरेक शनिबार नेपाली समय अनुसार राति सवा दश बजे कलर्स टेलिभिजनमा यो कार्यक्रम प्रशारण हुने गर्दछ ।

४० हजार प्रतिस्पर्धीलाई पछि पारेर डिआइडी लिटिल मास्टर बनेकी टेरियाले अर्को चर्चित उपाधि जित्नेमा हुजुरबुवा कृष्ण ढुक्क हुनुहुन्छ । प्रतिभावान आफ्नी नातिनी टेरियालाई देशकै नामका लागि पनि सबैको सहयोग आवश्यक रहेको उहाँको भनाई छ । 

टेरीयाले सुरुमा नृत्य प्रशिक्षण लिएको बागेश्वरी संगीतालय बुटवलका प्रमुख सुरेश सेञ्चुरीले टेरीया कला क्षेत्रको शान भएकाले उनलाई अर्को उपाधिका लागि सहयोग गर्न आग्रह गर्नुभएको छ । टेरीयालाई उपाधि दिलाउन सहयोग पुराउने उदेश्यले विभिन्न अभियानहरु समेत सुरु भएका छन् । उपाधि विजेताको घोषणा जनवरी २१ मा हुनेछ । 

 

 

प्रतिक्रिया दिनुहोस

सम्बन्धित सामग्रीहरु

  • को बन्ला पहिलो नेपाल अाइडल ?

    काठमाडौं, असोज ६ – शुक्रबार नेपाली संगीत पारखाीहरुले प्रथम नेपाल आइडल पाउने भएका छन् । लोकप्रिय रियालिटी टेलिभिजन शो नेपाल आइडलको ग्रान्ड फिनालेमा पुगेका तीन प्रतिस्पर्धीमध्येबाट शुक्रबार एक जना नेपाल आइडल बन्नेछन् ।

  • फ्राइडे रिलिज : हलमा ‘यती’ मात्रै

    काठमाडौं, असोज ६ – यो हप्ता नेपाली सिनेमा घरमा एउटा मात्रै चलचित्र लागेको छ ।

  • ‘आयो दसैँ आयो, चारैतिर खुशीयाली ल्यायो’ (भिडियोसहित)

    काठमाडौं, असोज ४ – गीतकार अम्बिका गुरुङको यसपालीको दसैँ गीत ‘आयो दसैँ आयो, चारै तीर खुशीयाली ल्यायो’ को म्युजिक भिडियो सार्वजनिक गरिएको छ । गीतकार गुरुङ पछिल्लो समय अमेरिकामा रहेर नेपाली गीतसंगीतमा अहोरात्र लागि पर्नु भएको छ ।

  • गायिका मिलन अमात्यले गरिन् डिभोर्स

    काठमाडौं, असोज २ – गायिका मिलन अमात्यले श्रीमानसँग औपचारिक रुपमा सम्बन्ध बिच्छेद गरेकी छिन् । केही समय अघि मिलन अमात्यले सम्बन्ध बिच्छेदका लागि निबेदन दिए पनि यो कुरालाई बाहिर ल्याउन चाहेकि थिइनन् ।

  • ​आमिर खानले रिजेक्ट गरेका यी कलाकार बने सुपरस्टार

    असोज १ – उनले आमिर खानको चलचित्र ‘धोबी घाट’ तथा अन्य केही टेलिश्रृङ्खलाका लागि अडिसन दिएका थिए । तर उनलाई लिइएन ।

सबै हेर्नुहोस
western union
nepali women
पछिल्ला समाचारहरु

सोसल मिडिया