MENU

राजनीति

Ncell Axiata
sagun

माओवादीले अहिले कुकुरको मासु बेचेको छ : एमाले सचिव भट्टराई

दाङ, पुस २७ – नेकपा एमालेका सचिव योगेश भट्टराईले माओवादीले खसीको टाउको देखाएर कुकुरको मासु बेचेको आरोप लगाउनुभएको छ । प्रेस चौतारी नेपाल दाङले बुधबार तुल्सीपुरमा गरेको पत्रकार सम्मेलनमा बोल्दै उहाँले भन्नुभयो ‘युद्धमा रहँदा खसीको टाउको देखाएर कुकुरको मासु बेच्ने संसद मान्दैनौ भन्ने माओवादी आफैंले अहिले कुकुरको मासु बेचेको छ ।’ 

सचिव भट्टाराईले निर्वाचनको प्रकृया अघि बढाउन सरकारलाई आग्रह गर्नुभएको छ । उहाँले संविधानले तोकेका बाहेकका अन्य विषयमा संसद्मा छलफल गरेर निर्वाचनमा जानुपर्ने बताउनुभयो । संविधान संशोधन प्रस्तावले जनताको बलबाट हाँसिल गरेको उपलब्धी खोसिने खतरा बढिरहेको जिकिर गर्दै उहाँले समयमै सोचिएन भने देशमा ठूलै दुर्घटना  हुने दाबी गर्नुभयो ।

त्यस्तै प्रधानमन्त्री प्रचण्ड अधिनायकबादी बन्दै गएको भन्दै सचिव भट्टराईले प्रचण्डपथ अधिनायकबादी पथ भएकोले उहाँले कानुन, नीति नियम सबै मिचेर अगाडि बढ्न खोजेको आरोप लगाउनुभयो ।

हिन्दी भाषा नेपालको राष्ट्रिय भाषा हुन नसक्ने दाबी गर्दै उहाँले भन्नुभयो ‘एमाले भन्ने पार्टी रहँदासम्म भोजपुरी, मैथली, अवधी, राई, थारु, लिम्बु, मगर, किराँतलगायतका अन्य भाषाहरु सरकारी कामकाजको भाषा हुनसक्छन् । तर, हिन्दी भाषा राष्ट्रिय भाषा हुन सक्दैन ।’ 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया