MENU

समाज

Ncell Axiata

विस्थापित भएको २५ वर्षपछि माझी परिवारलाई घर

बागलुङ, पुस २७ – राजमार्ग बिस्तारका क्रममा विस्थापित भएका बागलुङका माझी परिवारको एक बर्षभित्र घर निर्माण गरिने भएको छ । पोखरा–बागलुङ राजमार्ग निर्माणका क्रममा २०४८ सालमा खनियाबासबाट विस्थापित

भएका १४ माझी परिवारलाई अबको एक बर्षभित्र नयाँ घर पाउने गरी बागलुङ नगरपालिकाले बुधबार निर्माण कम्पनीसँग सम्झौता गरेको । 

सम्झौता पत्रमा कार्यालयको तर्फबाट बागलुङ नगरपालिकाका कार्यकारी अधिकृत युवराज अधिकारी र निर्माण कम्पनीका तर्फबाट नारायण जिसीले हस्ताक्षर गर्नुभएको छ ।

नगर विकास कोषको ८० प्रतिशत अनुदान, १० प्रतिशत ऋण र १० प्र्रतिशत बागलुङ नगरपालिकाको सहयोगमा मुक्तिनाथ निर्माण सेवाले ८२ लाख ३० हजार रुपैयाँमा निर्माणको जिम्मा लिएको छ । बाङ्गेचौर र मालढुंगामा बस्दै आएका माझी परिवारको घर निर्माणका लागि बागलुङ नगरपलिका–१ खनियाबासमा नगरपालिकाले ४२ आना जग्गा खरिद गरेको छ । त्यस जग्गामा प्रति परिवार ट्वाइलेट, एटेच बाथरुम, किचन सहित ३ वटा कोठा बनाइने माझी बस्ती व्यवस्थापन समितिका अध्यक्ष केबी राना मगरले बताउनुभयो ।

यसरी निमार्ण सम्मपन्न गरेपछि अबको एक बर्षमा माझी परिवारलाई लालपूर्जासहित घर हस्तान्तरण गरिने
बागलुङ नगरपालिकाका कार्यकारी अधिकृत युवराज अधिकारीले बताउनुभयो ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया