MENU

समाज

Ncell Axiata
USAID

​भक्तपुर तलेजुको सुवाल घरमा आगलागी

भक्तपुर, पुस २७  – विश्व सम्पदा सूचिमा रहेको भक्तपुर तलेजु मन्दिर परिसरमा बुधबार आगलागी भएको छ । मन्दिरको जहुँ चोक र जिस्वँचोक स्थित सुवाल घरमा आगलागी हुँदा दाउरा, दलिन, काठको र्याक र भाँडाहरु जलेको सुवाल घरका नाइके पुण्यराम सुवालले जानकारी दिनुभयो । तलेजु परिसरको सुरक्षार्थ खटिएका नेपाली सेनाको टोलीले आगलागी भए लगत्तै प्रवेश गरेर ढोका फुटाएर आगो नियन्त्रणमा लिने प्रयास गरेका थिए । तलेजुलाई बिहान भोग चढाउन प्रसाद पकाउनका लागि प्रयोग हुने दुई तले सुवाल घरमा विद्युत सर्ट भएर आगलागी भएको हुनसक्ने अनुमान गरिएको छ ।

मन्दिरको दक्षिणतर्फ रहेको सुवाल घरमा दिउँसो आगलागी भएपछि नेपाली सेनाको टोली, नेपाल प्रहरी र जुद्ध वारुण यन्त्र भक्तपुरको टोलीले आगो नियन्त्रणमा लिएको महानगरीय प्रहरी परिसर भक्तपुरका प्रहरी निरीक्षक दिलबहादुर सुवेदीले जानकारी दिनुभयो । आगलागीमा झण्डै सात लाख रुपैयाँको क्षति भएको प्रारम्भिक अनुमान गरिएको प्रहरीले जानकारी दिएको छ । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया