MENU

राजनीति

Ncell Axiata
chhaka panja

संशोधन पारित गर्न गठबन्धनको आह्वान

काठमाडौं, पुस २७ – संयुक्त लोेकतान्त्रिक मधेसी मोर्चा सम्मिलित संघीय गठबन्धनले परिमार्जनसहित संविधान संशोधन विधेयक पारित गर्न सबै राजनीतिक दललाई आह्वान गरेको छ । 

संघीय समाजवादी फोरम नेपालको केन्द्रीय पार्टी कार्यालय तीनकुनेमा बुधबार बसेको गठबन्धनको बैठकले संशोधन विधेयक पारित गराउन आवश्यक पर्ने दुई तिहाई मत पुर्‍याएर विधेयक पारित गर्ने दिशामा अघि बढ्न सरकारलाई आग्रह गरेको संयोजक उपेन्द्र यादवले जानकारी दिनुभयो । 

बैठकले गतिरोध अन्त्य र उत्पीडित समुदायको हक अधिकार समेटेर संविधानलाई सर्वस्वीकार्य बनाउन परिमार्जनसहित संशोधन विधेयक पारित गर्नुको विकल्प नरहेको निष्कर्ष निकालेको छ । 

त्यस्तै, गठबन्धनले संविधान संशोधनको माग गर्दै आगामी माघ १ गते काठमाडौँमा बृहत् अन्तरक्रिया गर्ने निर्णय गरेको छ । संविधान संशोधनका लागि दबाब दिन र भावी आन्दोलनका लागि जनमत निर्माण गर्न अन्तरक्रिया गर्न लागिएको संयोजक यादवले बताउनुभयो । 

केही दल संघीयता, गणतन्त्र, धर्म निरपेक्षता, समावेशी लोकतन्त्र जस्ता महत्वपूर्ण उपलब्धिलाई धरापमा पारी मुलुकलाई प्रतिगमनतर्फ धकेल्ने कार्यमा उद्यत रहेकाले त्यसतर्फ सचेत रहन गठबन्धनले सबैलाई आग्रह गरेको छ । – रासस

प्रतिक्रिया दिनुहोस

सम्बन्धित सामग्रीहरु

  • ​जलेश्वर नगरपालिकामा राजपा विजयी

    महोत्तरी, असोज ७ - महोत्तरीको जलेश्वर नगरपालिकाको मेयर र उपमेयर राष्टिय जनता पार्टी निर्वाचित भएको छ । राजपाका रामशंकर मिश्रले ५१८० मत ल्याएर जलेश्वरको मेयरमा विजयी हुनुभएको छ भने उपमेयरमा राजपाकै मुनसुनदेवी ४५६६ मतसहित विजयी हुनुभएको छ ।

  • प्रदेश नं २ : ९९ तहको नतिजा सार्वजनिक, कसले कहाँ जिते ?

    काठमाडौं, असोज ७ – प्रदेश नम्बर २ मा भएको स्थानीय तहको चुनावको मतगणना भइरहेको छ । अहिलेसम्म कांग्रेसको अग्रता छ । अहिलेसम्म राष्ट्रिय जनता पार्टी, नेपाली कांग्रेस, नेकपा एमाले, माओवादी केन्द्र, फोरम लोकतान्त्रिक, नेपाल संघीय समाजवादी र नयाँ शक्तिले प्रमुख पद जितेका छन् ।

  • रौतहटका दुई स्थानीय तहको नतिजा आउन बाँकी, यस्तो छ पछिल्लो नतिजा

    रौतहट, असोज ७ – रौतहटका १८ स्थानीय तहमध्ये १६ वटाको मतपरिणाम सार्वजनिक भैसकेको छ । कांग्रेसले ८, संघीय समाजवादी फोरमले ३, माओवादीले २, राजपाले २ तथा लोकतान्त्रिक फोरमले १ तहमा जित हासिल गरेका छन्

  • वीरगञ्ज महानगरको पछिल्लो परिणाम, कांग्रेसको अग्रता, माओवादीभन्दा एमाले अघि

    पर्सा, असोज ७ – प्रदेश नम्बर २ को एकमात्र महानगरपालिका वीरगञ्जमा नेपाली कांग्रेस अघि छ । ८४ हजार भन्दा बढी मत खसेकोमा ३२ हजार ९ सय ५४ मत गन्दा कांग्रेसले अग्रता कायम गरेको छ ।

  • प्रचण्डको चुनाव क्षेत्रमा माओवादीको जित

    सिरहा, असोज ७ – पूर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड निर्वाचित सिरहाको तत्कालिन क्षेत्र नं. ५ का सबै स्थानीय तहमा माओवादी केन्द्रले एकछत्र विजय हासिल गरेको छ ।

सबै हेर्नुहोस
western union
nepali women
पछिल्ला समाचारहरु

सोसल मिडिया