MENU

बातावरण-कृषि

USAID

हिउँ चितुवा पाइने देशको मन्त्रिस्तरीय बैठक नेपालमा हुने

काठमाडौं, पुस २८ – ‘सङ्कटापन्न हिउँ चितुवा संरक्षणमा विश्वव्यापी प्रयास : प्रगति र आगामी कदम’ बारेमा हिउँ चितुवा पाइने देशको मन्त्रिस्तरीय बैठक आगामी माघ ४ देखि ७ गतेसम्म नेपालमा हुने भएको छ ।

‘हिउँ चितुवा र परिस्थितिकीय प्रणाली संरक्षण कार्यक्रमको व्यवस्थापन योजना (जिएसएलइपी) तथा सर्वेक्षण कार्यशाला’ र त्यससम्बन्धी दोस्रो उच्चस्तरीय सञ्चालन समितिको बैठक हुने वन तथा भू–संरक्षण मन्त्रालयले जनाएको छ । 

विश्वमा हिउँ चितुवा नेपालका साथै अफगानिस्तान, भुटान, चीन, काजकिस्तान, किर्गिजिस्तान, भारत, मङ्गोलिया, रसिया, पाकिस्तान, ताजकिस्तान र उज्वेकिस्तानमा पाइन्छ । 

सम्मेलनबारे जानकारी दिन मन्त्रालयद्वारा बुधबार आयोजित पत्रकार सम्मेलनमा सहसचिव डा. महेश्वर ढकालले सबै देशबाट मन्त्री र उच्चस्तरीय प्रतिनिधिको सहभागिता रहने निश्चित भएको जानकारी दिनुभयो । 

उहाँले बैठकमा आगामी योजनाको लागि स्रोत परिचालन रणनीतिको पहिचान गर्ने, हिउँ चितुवाको अवैध चोरी सिकार तथा व्यापारविरुद्ध जुध्न साझा विचार विकास गर्ने र हिउँ चितुवासम्बन्धी अध्ययन अनुसन्धानमा पहलकदमी लिनेलगायत मुख्य विषयमा छलफल हुने बताउनुभयो ।

सहसचिव ढकालले सम्मेलनले जैविक विविधता संरक्षण, नेपालको पर्या–पर्यटनमा टेवा, निजी क्षेत्रलाई पनि सहयोग पुग्ने विश्वास व्यक्त गर्नुभयो । जिएसएलइपी हिउँ चितुवा पाइने १२ वटा देशका नागरिक समाज, अन्तर्राष्ट्रिय तथा निजी सङ्घ संस्थाको संयुक्त प्रयास हो । यसको प्रमुख उद्देश्य हिउँ चितुवालाई आफ्नो प्राकृतिक बासस्थानमा जोगाइ राख्नु हो ।

कयसको सुरुवात किर्गिजिस्तानका राष्ट्रपति अल्माज्बेक अताम्बाएभको नेतृत्वमा सन् २०१३ माभएको हिउँ चितुवा संरक्षणसम्बन्धी अन्तर्राष्ट्रिय सम्मेलनमा जारी भएको ‘विश्केक घोषणा पत्र’ भएपश्चात भएको हो ।

वन मन्त्री शङ्कर भण्डारीले यस्तो महत्वपूर्ण बैठक नेपालमा आयोजना गर्ने अवसर मिल्नु र उच्चस्तरीय सहभागी प्रतिनिधिलाई स्वागत गर्न पाउनु खुसीको मौका भएको बताउनुभयो । उहाँले बैठक हिउँ चितुवा र तिनीहरुको अमूल्य उच्च हिमाली परिस्थितिकीय प्रणाली संरक्षण गर्न र त्यहाँ बसोबास गर्ने मानिसको जीवनस्तर उकास्नका लागि कार्यदिशा पहिल्याउन उपयोगी हुने विश्वास व्यक्त गर्नुभयो । 

जिएसएलइपी उच्चस्तरीय सञ्चालन समितिको नेतृत्वदायी भूमिकामा सन् २०२० सम्ममा हिउँ चितुवाको सुरक्षित बासस्थान सुनिश्चित गर्ने उद्देश्यले हिउँ चितुवा पाईने देशहरुले २३ वटा भू–दृश्यको पहिचान गरेका छन् । 

बैठकमा समिति सदस्यले यस्ता भू–दृश्य सुरक्षित गर्न के–कति सफलता मिल्यो भनी पुनरावलोकन गर्नुका साथै आगामी कदम र प्राथमिकताको पहिचान गर्नेछन् । 

समितिले सन् २०१७ को मध्यतिर किर्गिजिस्तानका राष्ट्रपति अल्माज्बेक अताम्बाएभको नेतृत्वमा हुने हिउँ चितुवासम्बन्धी शिखर सम्मेलन र हरित लगानी मञ्चका लागि एजेण्डा तयार पार्नेछ । 

‘ग्लोबल टाइगर इनिसेटिभ काउन्सिल’का सदस्य समेत रहनुभएका आपूर्ति मन्त्री दीपक बोहराले बाघ संरक्षणमा नेपालले विश्व मै नेतृत्वदायी सफलता हासिल गरेको बताउँदै लोपोन्मुख प्रजातिको चोरी सिकार तथा बेचविखनलाई सबै मिलेर प्रभावकारी ढङ्गबाट नियन्त्रण गर्नुपर्नेमा जोड दिनुभयो । काठमाडौँमा हुने बैठक नेपालको मात्र नभई विश्वकै जैविक विविधता र वातावरण संरक्षणमा उपयोगी हुने उहाँको धारणा थियो । 

हिउँ चितुवा उच्च हिमाली क्षेत्रको स्वास्थ्य परिस्थितिकीय प्रणालीको महत्वपूर्ण हिस्सा हो । हिउँ चितुवा नेपालमा करिब ३०० देखि ५०० र विश्वमा करिब तीन हजार ५०० देखि सात हजारको सङ्ख्यामा रहेको अनुमान छ । बिरालो प्रजातिका हिउँ चितुवाले आफ्नो लामो पुच्छरले शरिरलाई सन्तुलन गर्छ । 

मन्त्रालयले हिउँ चितुवा संरक्षणमा बासस्थानको विनाश, मानव र जनावरबीच हुने द्वन्द्व, प्राकृतिक विपत्ति, जलवायु परिवर्तनलगायत चुनौती देखिएको जनाएको छ । मन्त्रालयले पछिल्लो चरणमा हिउँ चितुवा पाइने हिमाली क्षेत्रलाई तीन खण्डमा विभाजन गरी संरक्षणका कार्यक्रम अघि बढाएको छ । जसमध्ये पूर्वको कञ्चनजङ्घादेखि गणेश हिमालसम्म, मनास्लुदेखि धवलागिरी हिमालसम्म र कालीगण्डकी नदीदेखि अपीनपा संरक्षण क्षेत्रसम्मका भाग रहेका छन् ।

वन सचिव कृष्णचन्द्र पौडेलले जलवायु परिवर्तनका नकारात्मक असरले उच्च हिमाली क्षेत्रमा बढी असर पुर्‍याएको भन्दै हिउँ चितुवा संरक्षणले अन्ततः हिमाली पर्यावरणकै संरक्षणमा मद्दत पुग्ने धारणा व्यक्त गर्नुभयो । 

चार दिनसम्म चल्ने बैठकमा सबै देशबाट आउने उच्चस्तरीय सरकारी प्रतिनिधि, विज्ञ, अनुसन्धानकर्ताको बृहत छलफलपछि हिउँ चितुवा संरक्षणका प्रभावकारी कदमसहितको काठमाडौं घोषणापत्र जारी हुनेछ । रासस

 

प्रतिक्रिया दिनुहोस

सम्बन्धित सामग्रीहरु

  • प्रिमनसुनमा परेको पानीले मकैबालीलाई फाइदा

    काठमाडौं, चैत १२ – यसवर्ष प्रिमनसुनमा परेको पानीले जमिनमा चिस्यानको मात्रा बढाएकाले मकैबालीलाई फाइदा पुग्ने भएको छ ।

  • काठमाडौंसहित देशको पूर्वी क्षेत्रमा असिनासहित वर्षा

    काठमाडौं, चैत १२ – काठमाडौंलगायत देशको पूर्वी क्षेत्रको धेरै ठाउँमा असिनासहितको पानी परेको छ । काठमाडौंमा स्थानीय वायुको प्रभावले बनेको प्रणालीका कारण काठमाडौंलगायत पूर्वी भागको मौसम बदली भएर मेघ गर्जनसहित असिना पानी परेको हो ।

  • सल्लेरी वनको रुख कटान सुरु

    धनकुटा, चैत १० – धनकुटा सदरमुकाम नजिकै रहेको सल्लेरी वनको रुख काट्न सुरु गरिएको छ । १० वर्षे कार्ययोजना तयार गरेर सल्लेरी वनको सल्लाको रुखलाई काट्न सुरु गरेको जिल्ला वन कार्यालय धनकुटाका वन अधिकृत कृष्णप्रसाद वस्तीले बताउनुभयो ।

  • चुनावमा झण्डै ७ लाख माला आवश्यक : भारतबाट ल्याउने कि आफै फूल फुलाउने ?

    काठमाडौं, चैत १० – सामान्यतया वैशाख–जेठमा सयपत्री फुल्दैन । तिहारको लागि चाहिने फूल रोप्ने सिजन चाहिँ वैशाख जेठ ताका हो । तर यसवर्ष वैशाख जेठमै सयपत्रीको फूल चाहिने भएको छ । त्यो पनि थोरै होइन, कम्तीमा ७ लाख माला उन्न पुग्ने ।

  • मौसम सम्बन्धी सूचना लिन उच्च प्रविधि जडानको तयारी

    काठमाडौं, चैत १० – नेपालमा मौसम सम्बन्धी सूचना लिन उच्च प्रविधि जडान गर्ने तयारी भएको छ । मौसम पूर्वानुमानलाई थप प्रभावकारी बनाउन उच्च प्रविधि जडान गर्न लागिएको मौसमविद् वरुण पौडेलले जानकारी दिनुभयो ।

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
  • हामीले सीमापारीबाट केहि सामान ल्यायौं भने झोला खोतलेर हैरान बनाउँछन तर शिवरात्रीमा आउने साधु बाबाले अवैध मानिएको गाजा लिएर आउँदा पनि कसैले केहि भन्दैनन् ? यो कस्तो कानुन ?

    पुर्णचन्द्र लिम्बु
सबै हेर्नुहोस

सोसल मिडिया