MENU

बातावरण-कृषि

Ncell Axiata
USAID

दाउरा जस्ता तरुल, कति छ यसवर्ष भाउ ?

मुना श्रेष्ठ/उज्यालो । 

काठमाडौं, पुस २८ – माघे संक्रान्ति आउनै लाग्दा कालिमाटीको तरकारी बजारमा तरुलको कारोबार बढेको छ । दाउरा जस्ता तरुल दाउराकै हार जसरी चाङ बनाएर राखिएको छ । कसैलाई तरुल गाडीबाट झार्नको हतार, कसैलाई चाङमा राख्नको हतार । 

‘अहिले तरुलको सिजन हो भन्दा हुन्छ, तरुल माघे संक्रान्तिमा खाईने हुँदा यही आसपासमा तरुलको विक्री बढी हुन्छ’ सर्लाहीका आशीष खड्काले भन्नुभयो । उहाँका अनुसार तरुलको व्यापार मंसिरको ठूलो एकादशीदेखि फागुनसम्म हुने गर्छ । माटो अनुसार तरुलको प्रकार पनि फरक हुने उहाँले बताउनुभयो । ‘हामी तरुलको सिजनमा मात्र व्यापार गर्छौं, त्यो पनि तरुलको मात्र’ उहाँले भन्नुभयो । बजारमा आउने सबै प्रकारका तरुल बेच्ने गरेको उहाँले जानकारी दिनुभयो । उहाँले तरुलको व्यपार गर्न थालेको ५ वर्ष भएको छ ।

माघे संक्रान्तिमा घ्यू चाकूसँगै तरुल पनि खाने चलन छ । यससँगै तरुलको व्यापार पनि बढेको हो । तर यस वर्ष अघिल्लो वर्षको तुलनामा तरुल कम भित्रिएको कालिमाटी फलफूल तथा तरकारी बजार विकास समितिले जनाएको छ । 

आठ वर्षदेखि सिजनमा तरुलको व्यापार गर्दै आउनुभएका सर्लाहीका विनबहादुर लामा तरुलको भाउ आए मात्र फाईदा हुने बताउनुहुन्छ । गएको एक महिनादेखि तरुलको व्यपारका लागि काठमाडौं बस्नु भएका लामाले दिनमा दुई गाडीसम्म तरुल झार्ने गर्नु भएको छ । उहाँले एक महिनाको अवधीमा १० टिप तरुल बेचिसक्नु भएको छ । ‘अहिलेसम्म दश टिप तरुल बेचिसकें, तीन टनदेखि दश टनसम्मका गाडीबाट तरुल झार्ने गरेको छु’ उहाँले भन्नुभयो ।

उहाँका अनुसार सर्लक्क परेका चिल्लो र देख्दा राम्रो तरुल मात्र बढी बिक्ने गरेको छ । तरुलको आकार प्रकार हेरी मूल्य निर्धारण गर्ने गरेको पनि उहाँले जानकारी दिनुभयो । ‘एकै जस्तो देखिए पनि मूल्य फरक फरक छ’ उहाँले भन्नुभयो ‘आकाशे तरुल र पातले तरुल हेर्दा एउटै देखिए पनि यसको मूल्य फरक छ ।’

सर्लाहीकै अर्का तरुल व्यापारी तोरन थापा आफूले बेच्ने सबै तरुल स्थानीय भएको बताउनु हुन्छ । उहाँले सर्लाहीबाट आफैंले किसानको बारीबाट खनेर तरुल ल्याउने बताउनुभयो । ‘तरुलकै व्यपार गर्नका लागि काठमाडौं आएका हौं, वर्षमा एक समयमा मात्र यहाँ आएर व्यपार गर्ने गरेका छौं’ उहाँले चाङबाट तरुल झिक्दै भन्नुभयो । 

काठमाडौंको बजारमा धेरै तरुल सर्लाहीबाट आउँछ । उहाँका अनुसार तराईका राजघाट तथा कर्मैयाबाट तरुल आउने गरेको छ । स्थानीय किसानको बारीबाट नै तरुलको खरिद बिक्री हुने गरेको उहाँले बताउनुभयो ।

बजारमा अहिले हात्तिपाइले, वन तरुल, आकाशे तरुल, पाताले तरुल, रातो तरुल लगायतका तरुल पाइन्छन् । तरुलको प्रकार अनुसार भाउ पनि फरकफरक रहेको कालिमाटी फफूल तथा तरकारी बजार विकास समितिले जनाएको छ । समितिका अनुसार तरुल किलोको १२० देखि १३० रुपैयाँ, हात्तिपाइले तरुल ९० देखि एकसय रुपैयाँ, रातो तरुल ३२ देखि ३५, रुपैयाँ थोक मूल्य छ । 

 

प्रतिक्रिया दिनुहोस

सम्बन्धित सामग्रीहरु

  • शिवरात्रीमा पानी नपर्ने

    काठमाडौं, फागुन १२ – अबको केही दिन पानी पर्ने सम्भावना नरहेको मौसमविदले बताएका छन् । धेरैले शिवरात्रीको बेला पानी पर्छ भन्ने गर्छन् । तर मौसमविद वरुण पौडेलका अनुसार शुक्रबार र शनिबारसम्म पनि पानी पर्ने सम्भावना छैन ।

  • वर्षात र हिमपातले हुम्लामा जनजीवन कष्टकर

    आइतबार रातिदेखि हुम्लाको उच्च भागमा हिमपात र बेंसीमा वर्षासहित हावाहुरी चल्दा जनजीवन कष्टकर बनेको छ । सदरमुकाम सिमकोट लगायतका उत्तरी क्षेत्रहरुमा हिमपातसहित हावाहुरी चल्दा चिसो बढेको हो । चिसोका कारण सदरमुकाम सिमकोटमा रहेका सरकारी कार्यलयहरुमा सेवाग्राही कमै आएका छन् ।

  • ​आज पहाडी क्षेत्रमा पानी पर्न सक्ने

    काठमाडौं, फागुन १० – मंगलबार पनि पहाडी क्षेत्रका केही ठाउँमा हल्का पानी पर्ने मौसमविद्ले बताएका छन् । पश्चिमी वायुको प्रभावले विशेषगरी पश्चिमी क्षेत्रका केही ठाउँमा पानी पर्ने अनुमान गरिएको मौसमविद् समीर श्रेष्ठले बताउनुभयो ।

  • फागुन २८ मा वाग्मती सफाइको विशेष कार्यक्रम हुँदै

    काठमाडौं, फागुन ७ - शनिबार उपत्यकाका प्रमुख नदी सफाइ गरी १७ मेट्रिक टन फोहर व्यवस्थापन गरिएको छ ।

  • अतिक्रमित वन खाली गराइयो

    भीमदत्तनगर, फागुन ७ - कञ्चनपुरको कृष्णपुर नगरपालिकास्थित नवदुर्गा सामुदायिक वनको अतिक्रमित २५ हेक्रट जग्गा शनिबार खाली गराइएको छ ।

सबै हेर्नुहोस
Foreign Employment
पछिल्ला समाचारहरु

मेरो पनि भन्नु छ

  • नेताहरुको चाला हेर्दा स्थानिय तहको चुनाव गर्ने कुरा नाटक मात्रै हो कि जस्तो लागेको छ । हामी कहिलेसम्म जनप्रतिनिधी विहिन हुनुपर्ने हो कुन्नी ?

    ​अविकिरन डिसी
  • सोलिडारिटीकप जितेका खेलाडीलाई सरकारले ३ लाखका दरले पुरस्कार दिएको सुन्दा खुसी लाग्यो । ढिलै भएपनि सरकारले राम्रै काम गरेको छ । खेलाडीको सफलतामा हौसिएर पुरस्कार घोषणा गर्ने तर नदिने प्रथाको अन्त्य हुनुपर्छ ।

    ​देवेन किशोर अन्जान
  • दयाहाङ राई र सौगात मल्ल उत्कृष्ट नायक भएको खबर सुनेर लाग्यो, चिल्लो गाला र ठुलो पाखुरा देखाएर ठुलो स्वरमा चिच्याउँदैमा फिल्म चल्दैन। यदि अभिनय जान्दैन भने कसैको केही लाग्नेवाला छैन ।

    ​तिर्थ अधिकारी
सबै हेर्नुहोस

सोसल मिडिया