MENU

खेल

Ncell Axiata
USAID

बार्सिलोनाका ‘एमएसएन’ ले गरे ३०२ गोल : मेस्सी, स्वारेज र नेइमारमा को अघि ?

पुस २८ – ‘एमएसएन’ को रुपमा परिचित बार्सिलोनाका स्टार खेलाडी लियोनल मेस्सी, लुइस स्वारेज र नेइमारले समग्रमा रुपमा तीन सय भन्दा धेरै गोल गरेका छन् । स्पेनिस कोपा डेल रे अन्तर्गत बुधबार राति भएको अन्तिम १६ को दोस्रो लेगमा एथ्लेटिको बिल्बाओसँगको खेलमा गोल गरेका एमएसएनले अहिलेसम्म समग्रमा तीन सय दुई गोल गरेका छन् । बिल्बाओसँगको खेलमा ३५ औं मिनेटमा लुइस स्वारेजले गरेको गोल एमएसएनको तीन सयौं गोल थियो । त्यसपछि ४८ औं मिनेटमा पाएको पेनाल्टी अवसरमा नेइमारले गोल गर्दै एमएसएनको गोल संख्या तीन सय एक पुर्‍याए । ७८ औं मिनेटमा मेस्सीले गरेको गोल एमएसएनको ३०२ औं गोल बन्यो । सन् २०१४ देखि एमएसएनले बार्सिलोनाका लागि तीन सय दुई गोल गरेका हुन् । यसक्रममा मेस्सीले सबै भन्दा धेरै एक सय २५ गोल गरेका छन् । स्वारेजले एक सय तथा नेइमारले ७७ गोल गरेका छन् ।

स्वारेजले गरे गोलमा शतक

सन् २०१४ मा इंग्लिस क्लब लिभरपुलबाट बार्सिलोना गएका स्वारेजले बार्सिलोनाबाट एक सय गोल गरेका छन् । एथ्लेटिको बिल्बाओसँगको खेलमा ३५ औं मिनेटमा गरेको गोल बार्सिलोनाबाट स्वारेजको एक सयौं गोल हो । स्वारेजले सबै प्रतियोगितामा गरेर बार्सिलोनाका लागि एक सय २० खेलमा एक सय गोल गरेका हुन् । स्वारेजले मेस्सीले भन्दा थोरै खेलमा एक सय गोल गरेका छन् । बार्सिलोनाका सर्वकालिन सर्वाधिक गोलकर्ता मेस्सीले एक सय गोल गर्न एक सय ८८ खेल खेल्नु परेको थियो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Foreign Employment
पछिल्ला समाचारहरु

मेरो पनि भन्नु छ

  • नेताहरुको चाला हेर्दा स्थानिय तहको चुनाव गर्ने कुरा नाटक मात्रै हो कि जस्तो लागेको छ । हामी कहिलेसम्म जनप्रतिनिधी विहिन हुनुपर्ने हो कुन्नी ?

    ​अविकिरन डिसी
  • सोलिडारिटीकप जितेका खेलाडीलाई सरकारले ३ लाखका दरले पुरस्कार दिएको सुन्दा खुसी लाग्यो । ढिलै भएपनि सरकारले राम्रै काम गरेको छ । खेलाडीको सफलतामा हौसिएर पुरस्कार घोषणा गर्ने तर नदिने प्रथाको अन्त्य हुनुपर्छ ।

    ​देवेन किशोर अन्जान
  • दयाहाङ राई र सौगात मल्ल उत्कृष्ट नायक भएको खबर सुनेर लाग्यो, चिल्लो गाला र ठुलो पाखुरा देखाएर ठुलो स्वरमा चिच्याउँदैमा फिल्म चल्दैन। यदि अभिनय जान्दैन भने कसैको केही लाग्नेवाला छैन ।

    ​तिर्थ अधिकारी
सबै हेर्नुहोस

सोसल मिडिया