MENU

समाज

USAID

​अस्ताए मणिराज : समाज दैनिक र उहाँको योगदान अविस्मरणीय

काठमाडौं, पुस २८ – अग्रज पत्रकार मणिराज उपाध्यायको निधन भएको छ । बुधबार बेलुका निधन भएका पत्रकार उपाध्यायको बिहीबार बिहान पशुपति आर्यघाटमा अन्त्येष्टि गरिएको छ ।

अन्त्येष्टिमा मन्त्री, नेता एवं पत्रकारहरुको ठूलो उपस्थिति थियो । अन्त्येष्टि अघिको श्रद्धाञ्जली कार्यक्रममा सूचना तथा सञ्चारमन्त्री सुरेन्द्रकुमार कार्कीले पत्रकार उपध्यायले जनजीविका र राष्ट्रियताको सवालमा महत्वपूर्ण योगदान गरेको बताउनुभयो । यस्तै राप्रपाका अध्यक्ष कमल थापाले नेपाली पत्रकारितालाई जनमुखी बनाउन उपध्यायले पु¥याउनुभएको योगदानको स्मरण गर्नुभयो । 

नेपाल पत्रकार महासंघ बन्नुअघि संघ नै हुँदाका अध्यक्ष समेत रहेका ९४ वर्षिय पत्रकार उपाध्यायको बुधबार बेलुका शहीद गंगालाल हृदयरोग अस्पतालमा निधन भएको हो । केही वर्षअघिदेखि पत्रकारिताकाबाट टाढिएर उहाँ चितवनको देवघाटमा अवकाशपूर्ण जीवन बिताइरहनुभएको थियो । नेपालका पहिलो पुस्ताका पत्रकारमा पर्नुहुने उपाध्यायले विक्रम संवत २०११ सालदेखि दैनिक समाज पत्रिकामा काम गर्नुभयो । उहाँको एक्लो प्रयासमा यो पत्रिका २०५२ सालसम्म प्रकाशित भएको थियो ।

पूर्व प्रधानमन्त्री गिरिजाप्रसाद कोइरालाले भारत भ्रमणका क्रममा गरेर आउनुभएको टनकपुर सन्धि सम्बन्धी मुद्दाको सर्वोच्च अदालतमा भएको बहस र सुनुवाईको समाचारलाई दैनिक रुपमा यथार्थपरक रुपमा प्रकाशित गरेर समाज दैनिक त्यसताका चर्चित भएको थियो ।

समाज दैनिक बन्द भएपछि उहाँ धर्मग्रन्थको अनुसन्धान र लेखनमा व्यस्त हुनुभयो । उहाँले तत्कालीन पत्रकार संघमा २०४३ देखि २०४६ सालसम्म सभापतिको हैसियतमा नेतृत्व गर्नुभएको थियो । उहाँकै नेतृत्वमा नेपाल पत्रकार संघले तत्कालीन समयमा विद्यमान विवादहरुलाई पन्छाएर छाता संस्था प्रदान गरेको अगुवा पत्रकारहरुले मान्ने गरेका छन् ।

उपाध्यायले पहिलेका कठिन दिनमा नेपाली समाजको परिवर्तनमा व्यवसायिक पत्रकारिताको माध्यमबाट महत्वपूर्ण योगदान पुर्याउनुभएको थियो ।

उहाँका विषयमा नेपाली पत्रकारिताका विद्यार्थीहरुलाई एउटा किंवदन्ती सुनाउने गरिन्छ, उहाँ सिंहदरवार प्रवेश गर्दा काम नगरी घाम तापिरहेका कर्मचारीहरु पनि ‘मणिबाबु सिंहदरवार छिरे है’ भन्दै आ–आफ्ना कुर्सीमा बस्न जाने गर्थे रे । पञ्चायतकालमा कयौंपटक विभिन्न मुद्दामा फसाइएर उहाँ जेल समेत पर्नुभएको थियो ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया