MENU

विचार/अनुभूति

USAID

आठौं स्मृतिको अवसरमा सहिद पत्रकार उमा सिंहलाई सहकर्मीको चिट्ठी

प्यारी दिदी उमा,

दिदी तपार्इंले माया  मारेर जानु भएको आठ वर्ष भइसक्यो । थाहा छ मलाई तपार्इंले माया मार्नु भएन् पापीहरु, हत्याराहरुले तपाईंलाई हामीबाट टाढा बनाए । स्मरण छ मलाई त्यो कालो रात ।

याद छ मलाई त्यो साँझ तपाईंलाई ति मानव रुपमा आएका दानवले तड्पाएका थिए, रुवाएका थिए । ति चित्कारहरु मेरो कानमा अहिले पनि गुञ्जिरहेका छन् । तपाईंको बचाउ बचाउ शब्द मेरो मन मस्तिष्कमा अहिले पनि ताजै छ । 

दिउँसो ४ः३० बजे पुस २७ गत्ते २०६५ को त्यो दिन मेरो मानसपटलमा छ । दिदी हामी एक अर्कालाई अन्तिम अंगालो मारेका थियौं र सदा झंै तपाईंको सुझाव पाएकी थिएँ ।

तपाईंको तौललाई लिएर मैले तपाईंलाई कति जिस्काएको थिएँ याद छ मलाई । त्यसैदिन मलाई पनि अन्तर्वाता लिन सिकाइदिनु भनेर आग्रह गरेकी  थिएँ तपाईंलाई र तपाईले मेरो चिउँडो समातेर माया दर्शाउँदै ‘हस् हस् झाँसीकी रानी’ भन्नुभएको मैले बिर्सनै सकेकी छैन दिदी ।

मैले तपार्इंको त्यो हँसिलो अनुहारभित्रको वेदना अहिलेसम्म सबैसँग साझा गर्न सकेकी छैन । तपाईंको भाउजु ललितादेवीले तपाईंको आमालाई गाईघरमा थुनेर मारिदिन्छु धम्की दिएको तथा आमालाई गोठबाट निकाल्न कसरी तपाईं जनकपुरबाट आफ्नो गाउँ पुग्नु भो बन्दकोे समयमा, मैले आफ्नो आमालाई पनि सुनाउन सकिन दिदी । ममा आँट छैन दिदी तपाईंको सानो तर संघर्षपूर्ण जीवनयात्राको बखान गर्न सकुँ । मेरो हिम्मतले काम गर्दैन तपाईको सानै जीवनमा घटेका घटनालाई फेरि स्मरण गर्न सकुँ । ममा तपार्इं जत्तिको हिम्मत छैन दिदी ।

म तपाईंको त्यो ३० किलोको जिउ २२ ठाउँमा काटिएको बिर्सन सक्दिन । शायद निष्पक्ष र निडर पत्रकारको हत्या नै मुख्य कारण हो दिदी कि तपाईंपछि महिला पत्रकारहरुले सामाजिक कुरीतिका विषयमा खुलेर बोल्न वा लेख्न सकेका छैनन् । हो, दिदी तपाईंको विभत्स हत्याले अहिले पनि महिला पत्रकारहरुलाई निडर बन्न दिएको छैन । मैले एकजना निडर र क्रियाशील महिला पत्रकारलाई, ‘मेरो के गल्ति थियो ? मलाई किन मार्दै छौ ? बचाउ बचाउ भन्दै देह त्यागेको देखेकी छु ।

म एकजना कर्मठ पत्रकारलाई समाजको ऐना बनेको देखेकी छु । तर दानवहरुले त्यही ऐनालाई चकनाचुर गरेको साक्षी पनि मेरो यो दोषी आँखा नै हो । मैले हेरिमात्रै रहेँ, तपार्इंलाई बचाउन सकिन । मलाई त्यो कालो रातले अहिले पनि तर्साउँछ । अहिले पनि बेलुका भयो कि म तर्सिन्छु । 

मैले तपाईं बितेपछि नाइट क्लास नै छोडिदिएँ । तर पत्रकारिता छोडेको छैन दिदी । म पनि अब संचारकर्मीबाट पत्रकार बन्न खोजिरहेको छु । आखिर मलाई मेरो प्यारी दिदीको इच्छा पनि त पूरा गर्नुछ । दिदी जानकारी गराउँ कि हाम्रो जनकपुरका महिला संचारकर्मीहरु अब पत्रकार बन्न जोसिएका छन् ।

खुशी लाग्यो नि दिदी । हो, म पनि एकदमै खुशी छु । दिदी आशिर्वाद पाउँ, म तपाईको सपना  पूरा गर्न सकुँ । आखिर तपाईंको सपना पूरा गर्नु नै तपाईंप्रतिको सही अर्थमा श्रद्धाञ्जली व्यक्त गर्नु हो । अब हामी क्रियाशिल महिला पत्रकार हुँदैछौँ । अब तपाई जस्तै निडर, कर्मठ  पत्रकार बन्ने छाैं हामी । 

उही तपाईंकी बहिनी 
रिंकु मिश्र 

 

प्रतिक्रिया दिनुहोस

सम्बन्धित सामग्रीहरु

  • यसकारण हात्तीपाईले बिरुद्ध औषधि खानुपर्छ

    विश्व स्वस्थ संगठनका अनुसार नेपाल पनि हात्तीपाइले रोगको जोखिम देशमा पर्छ । नेपाल सरकारले अभियानकै रुपमा बर्षेनी हात्तीपाइले बिरुद्धको औषधि खुवाउने गर्छ ।

  • सबै क्षयरोग सर्दैनन्

    क्षयरोग भन्ने बित्तिकै फोक्सोमा लाग्ने रोग भन्ने बुझिन्छ तर शरीरको नङ र कपालमा बाहेक सबै अंगमा क्षयरोग लाग्छ । क्षयरोगका किटाणुले पहिला आक्रमण गर्ने ठाउँ भनेको फोक्सो हो । शरीरमा माइकोब्याक्टेरियम ट्युबरकुलोसिस नामको सुक्ष्म जीवाणुको संक्रमणले क्षयरोग लाग्छ ।

  • धुवाँ धुलोबाट आँखालाई यसरी जोगाउनुहोस्

    काठमाडौंमा अहिले जताततै धुवाँधुलो बढेको छ । यसले वातावरणलाई त असर गरेकै छ नै । मानिसको स्वास्थ्यलाई पनि जोखिम बढाएको छ । धुवाँधुलोले आँखालाई झन् बढि असर गरिरहेको छ । आँखाको परेलामा धुलो जम्ने र त्यसले इन्फेक्सन गराउने गर्दछ ।

  • विश्वकप छनौट खेल्ने सम्भावना सकिएको छैन

    आजको खेलमा खेलाडीहरुले एकदमै राम्रो खेलेका छन् । आजको खेलमा हामीले धेरै सुधार्छौ भनेर अस्तीको खेल पछि भनेका थियौं, आज भनेजस्तो नै भयो । ज्ञानु (ज्ञानेन्द्र मल्ल)ले धेरै राम्रो खेलेका छन् । धेरै लामो समयपछि उसले आफूलाई फेरि प्रमाणित गरेर देखाएको छ ।

  • सियाम रिपको मसाज र नोम पेन्हको फसाद

    सियाम रिप । कम्बोडियाको नामी पर्यटकिय शहर । सियाम रिपमा अवस्थित विश्व सम्पदा सूचिको एक प्रख्यात दर्शनीय स्थल हो-एङ्करवात । यो विश्वविख्यात पुरातात्विक मन्दिरमा पुगेका जो कोहीले पनि बयान गरेर नथाक्ने ।

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया