MENU

राजनीति

Ncell Axiata

मधेसी मोर्चाको सहमति बिना निर्वाचन असम्भव : राणा

भक्तपुर, पुस २८ – राष्ट्रिय प्रजातन्त्र पार्टीका राष्ट्रिय अध्यक्ष पशुपति शमशेर राणाले मधेसी मोर्चाको सहमतिविना कुनै पनि निर्वाचन सम्भव नभएको बताउनु भएको छ ।

रफत सञ्चार क्लबले बिहीबार सुर्यबिनायकमा आयोजना गरेको साक्षात्कार कार्यक्रममा उहाँले संविधान संशोधन गरी मधेसका जायज माग सम्बोधन गर्नुपर्ने बताउनुभयो । उहाँले संबिधान संशोधनमा अंगिकृत नागरिकलाई देशको नागरिकता त्याग्नासाथ नेपाली नागरिकता उपलब्ध गराउने प्रावधान गलत भएको बताउनु भयो । अध्यक्ष राणाले सिमांकनको बिषय नटुंगिएसम्म अरु प्रक्रिया अघि नबढ्ने बताउनु भयो ।

संविधानमा धर्म निरपेक्षता राख्नु गलत भएको भन्दै राणाले हिन्दु राष्ट्रका सवालमा जनमत संग्रह गरिनु पर्ने र सबै धर्म प्रति सद्भाव रहेको हिन्दु राष्ट्र कायम गरिनु पर्ने बताउनु भयो । उहाँले अब सरकारमा राप्रपा अध्यक्ष कमल थापा जाने बताउँदै तत्काल सरकार भने परिवर्तन नहुने बताउनु भयो ।

भूकम्पपीडितलाई उपलब्ध गराएको पचास हजार सबैले नपाएको र जगसमेत हाल्न नपुग्ने भन्दै उहाँले तत्काल सरकारले छानो छाउन सक्नेसम्मको बजेट उपलब्ध गराउनु पर्नेमा जोड दिनु भयो । 

 

 

प्रतिक्रिया दिनुहोस

सम्बन्धित सामग्रीहरु

  • जनप्रतिनिधिलाई नेपाली पोशाक अनिवार्य

    तेह्रथुम, साउन १३ – तेह्रथुमको छथर गाउँपालिकामा निर्वाचित सबै जनप्रतिनिधिले नेपाली पोशाक प्रयोग गर्ने निर्णय गरेका छन् । गाउँपालिकाका महिला जनप्रतिनिधिले गुन्यु, चोली र ढाकाको पछ्यौरा तथा पुरुष जनप्रतिनिधिले दौरा सुरुवाल, कोट र ढाकाको टोपी अनिवार्य रुपमा प्रयोग गर्ने निर्णय गरेका हुन् ।

  • एक एक मतको कदर हुनुपर्छ : प्रधानमन्त्री

    प्रधानमन्त्री शेरबहादुर देउवाले नागरिकको मत बदर नहुनेगरी मतदान प्रक्रियामा सुधार गरेर प्रतिनिधिसभा र प्रदेशसभाको निर्वाचनको तयारी थाल्न निर्वाचन आयोगका पदाधिकारीलाई आग्रह गर्नुभएको छ ।

  • मन्त्रीलाई बधाइ दिन जानेको भीडले सिंहदरबारमा कोलाहल

    मन्त्रीहरुलाई बधाइ तथा शुभकामना दिन जानेको भीडले बिहीबार दिनभर सिंहदरबार भरिभराउ भएको छ । प्रधानमन्त्री शेरबहादुर देउवाले बुधबार १९ जना मन्त्री थपेसँगै नवनियुक्त मन्त्रीहरुलाई बधाइ तथा शुभकामान दिन पुगेका पार्टीका कार्यकर्ता, शुभेच्छुकले सिंहदरबार भरिएको हो ।

  • आज पनि भएन भरतपुरको फैसला, हेर्दा हेर्दैमा राखियो

    काठमाडौं, साउन १२ – भरतपुर महानगरपालिकाको वडा नम्बर १९ मा पुनः मतदान गर्ने कि नगर्ने भन्नेबारेमा सर्वोच्च अदालतले बिहीबार पनि फैसला गर्न सकेन ।

  • डा. केसीको माग सम्बोधन गर्न समिति गठन

    काठमाडौं, साउन १२ – सरकारले अनसनरत डा. गोविन्द केसीका माग सम्बोधनका लागि शिक्षा सचिव शान्त बहादुर श्रेष्ठको संयोजकत्वमा तीन सदस्यीय वार्ता समिति गठन गरेको छ ।

सबै हेर्नुहोस
Job Vacancy
पछिल्ला समाचारहरु

सोसल मिडिया