MENU

अन्तर्राष्ट्रिय

Ncell Axiata
sagun

अफगानिस्तानमा आइएसद्वारा रेडक्रसका ६ कर्मचारीको हत्या, २ जनाको अवस्था अज्ञात

काठमाडौं, माघ २६ – अफगानिस्तानको उत्तरी प्रदेशमा इस्लामिक स्टेट (आइएस) को एक हतियारधारी समूहले बुधबार अन्तर्राष्ट्रिय रेडक्रसका ६ जना कर्मचारीको हत्या गरेका छन् । 

हतियारधारीहरुले जौजाङ प्रान्तमा स्थानीय समयअनुसार बिहान १० बजेतिर आक्रमण गरेको अन्तर्राष्ट्रिय रेडक्रसका काबुलस्थित प्रवक्ता रमिन अयाज अहमदले जानकारी दिएको सिन्ह्वाले जनाएको छ । ‘दुर्भाग्यवस जौजाङ प्रान्तमा भएको अप्रिय घटनामा ६ जना हाम्रा कर्मचारीको ज्यान गएको छ’ उहाँले भन्नुभयो । 

आइएस समर्थित लडाकुहरुको समूहले आठ जना कर्मचारीलाई अपहरण गरेकोमा ६ जना को हत्या भएको अवस्थामा भेटिएका थिए । दुई जनाको अवस्था अज्ञात छ । घटनाका पीडित सबै जना अफगानिस्तान कै रहेका छन् । आक्रमणकारीहरुको खोजीका लागि प्रहरीले सुरक्षा कारबाही कडा र तिब्र बनाएको बताएको छ । घटनास्थल अफगानिस्तानको राजधानी काबुलदेखि ३ सय ९० किलोमिटर उत्तरतर्फ पर्दछ । 

आईएस सन् २०१५ देखि अफगानिस्तानमा सक्रिय भएको हो । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया