MENU

अन्तर्राष्ट्रिय

Ncell Axiata
USAID

युरोपमा झ्याउँकिरी तथा फट्याङ्ग्रा संकटमा

माघ २९ – युरोपमा झ्याउँकिरी तथा फट्याङ्ग्रा संकटमा पर्दै गएको एक अध्ययनले देखाएको छ । युरोपमा पाइने मध्ये फट्याङ्ग्राका २५ प्रतिशत प्रजाति लोप हुने अवस्थामा पुगेको अनुसन्धानकर्ताले बताएका छन् । युरोपभरि किरा समूहका प्रजाति अहिले निकै संकटमा रहेको प्रकृति संरक्षणका लागि अन्तर्राष्ट्रिय संगठन (आइयुसिएन) ले जनाएको छ । युरोपमा एक हजार भन्दा धेरै प्रजातिका किरा, फट्याङ्ग्रा पाइने गरेको छ । त्यसमध्ये २५ प्रतिशत प्रजाति लोप हुने अवस्थामा पुगेको आइयुसिएनले जनाएको छ । झ्याउँकिरी तथा फट्याङ्ग्रासहित सम्पूर्ण किरा प्रजातिको संरक्षणका लागि तत्काल प्रभावकारी कदम चाल्नु पर्नेमा आइयुसिएनले जोड दिएको छ । घाँसे मैदानमा पाइने किरा प्रजाति बढी संकटमा परेका छन् । घाँसेमैदानको कमी, डडेलो, सघन खेती प्रणाली तथा पर्यटन विकासका कारण किरा प्रजातिको बासस्थान घट्दै गएको आइयुसिएनले जनाएको छ ।

किरा तथा फट्याङ्ग्रा चरा र सरीसृप प्रजातिको मुख्य आहारा हुन् । यसले गर्दा किरा तथा फट्याङग्रा लोप हुँदा सम्पूर्ण पारिस्थितिक प्रणालीमा नै असर पर्ने भन्दै संरक्षणकर्मीले चिन्ता व्यक्त गरेका छन् । लोप हुने अवस्थामा पुगेका प्रजातिको संरक्षणका लागि बासस्थानको संरक्षणसहितका अरु विभिन्न कार्यक्रम गर्नु पर्नेमा आइयुसिएनको ग्लोबल स्पेसिस कार्यक्रमका उप निर्देशक ज्यान क्रिस्टोफे विइले बताउनुभयो । तत्काल संरक्षणको कार्यक्रम गर्न नसकिएमा युरोपबाट झ्याउँकिरीको आवाज हराउँदै जाने उहाँको भनाई छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Foreign Employment
Job Vacancy
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया