MENU

अन्तर्राष्ट्रिय

Ncell Axiata
USAID

उत्तर कोरियाले गर्‍यो मिसाइल परीक्षण

फागुन १ – उत्तर कोरियाले ब्यालेस्टिक मिसाइल परीक्षण गरेको छ । उत्तर कोरियाले परीक्षण गरेको ब्यालेस्टिक मिसाइलका बारेमा विस्तृत विवरण प्राप्त नभएको दक्षिण कोरियाको समाचार संस्था योनहापले जनाएको छ । उत्तर कोरियाले सन् २०१७ मा गरेको यो पहिलो मिसाइल परीक्षण हो । उत्तर कोरियाले गएको वर्ष धेरै आणविक परीक्षण गरेको थियो । गएको जनवरीमा उत्तर कोरियाका नेता किम जोन–उनले आफ्नो देश आणविक हतियारसहितको लामो दूरीमा मार हान्न सक्ने मिसाइल परीक्षणको तयारीमा रहेको बताउनुभएको थियो ।

उत्तर कोरियाले लगातार गरिरहेको मिसाइल तथा आणविक परीक्षणका कारण कोरिया प्रायद्विपमा तनाव बढ्दै गएको छ । गएको हप्ता दक्षिण कोरिया भ्रमणको क्रममा अमेरिकी रक्षा मन्त्री जेम्स म्याट्टिसले उत्तर कोरियाले आणविक हतियार प्रयोग गरेमा त्यसको गतिलो जवाफ दिइने बताउनुभएको थियो ।

उहाँले अर्को वर्ष दक्षिण कोरियाले मिसाइल सुरक्षा प्रणाली राख्ने अमेरिकाको योजना रहेको पनि बताउनुभएको थियो । उत्तर कोरियाले गएको वर्ष पाँचौं आणविक परीक्षण गर्दै आफू अमेरिकासम्म मार हान्न सक्षम रहेको दाबी गरेको थियो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Foreign Employment
पछिल्ला समाचारहरु

मेरो पनि भन्नु छ

  • हामीले सीमापारीबाट केहि सामान ल्यायौं भने झोला खोतलेर हैरान बनाउँछन तर शिवरात्रीमा आउने साधु बाबाले अवैध मानिएको गाजा लिएर आउँदा पनि कसैले केहि भन्दैनन् ? यो कस्तो कानुन ?

    पुर्णचन्द्र लिम्बु
  • असफल कुलमान घिसिङको लोड्सेडिङ मुक्त बनाउने अभियान सुन्दा खुसी लागो । यदि यसरी नै आफ्नो होइन देशको लागि सबैले सोच्ने हो भने नेपाली रोजगारीका लागि विदेशिनु पर्दैन ।

    ​उत्तम ढकाल
  • नेताहरुको चाला हेर्दा स्थानिय तहको चुनाव गर्ने कुरा नाटक मात्रै हो कि जस्तो लागेको छ । हामी कहिलेसम्म जनप्रतिनिधी विहिन हुनुपर्ने हो कुन्नी ?

    ​अविकिरन डिसी
सबै हेर्नुहोस

सोसल मिडिया