MENU

विज्ञान प्रविधि

Ncell Axiata

फोन नलाग्दै पैसा काटिन्छ, टेलिकमलाई जानकारी छैन

बझाङ, फागुन २ – फोन नलाग्दै नेपाल टेलिकमको प्रिपेड र पोस्पेड सेवामा पैसा काटिने समस्या देखिएको छ । बझाङ टेलिकमका कर्मचारीहरुले भने यसबारेमा जानकारी नभएको बताएका छन् । 

‘मोवाइलमा १ सय ९३ रुपैयाँ व्यालेन्स थियो । एक जना आफन्तको मोवाइलमा फोन गर्न चार पाँच पटक प्रयास गरेँ तर फोन लागेन तर केही छिनमा व्यालेन्स चेक गर्दा ४३ रुपैयाँ मात्र बाँकी रहेछ’ एक सेवाग्राही रमानन्द जोशीले बताउनु भयो, ‘फेरी फोन गर्ने प्रयास गरेँ तर फोन लागेन । एक पटक प्रयास गर्दा फेरी पनि १२ रुपैयाँ काटियो । एक पटकको मात्र कतिबेला १२ रुपैयाँ कतिबेला १४ रुपैयाँका दरले काट्दो रहेछ ।’  

सोमबार बझाङमा नेपाल टेलिकमका ग्राहकहरु धेरैको यसरी पैसा काटिएको छ । ललित सिंहले भन्नुभयो, ‘एक सय व्यालेन्स हालेर ७÷८ पटक फोन गर्ने प्रयास गरँे फोन लागेन । व्यालेन्स हेर्दा त ३१ पैसा मात्र बाँकी रहेछ ।’

यसरी कुराकानीविनै टेलिकमले पैसा काट्न थालेपछि मानिसहरु फोन गर्न डराउन थालेका छन् । टेलिकमले काटेको पैसा फिर्ता हुने नहुनेमा स्वयं टेलिकमका कर्मचारी पनि अन्यौलमा छन् । 

नेपाल टेलिकम बझाङका निमित्त प्रमुख बमबहादुर सिंहले टेलिकमको केन्द्रिय सर्भरमा नै समस्या आएका कारण यस्तो भएको बताउनुभएको छ । ‘माथीकै समस्या हो सिंहले भन्नुभयो, ‘बनाउने प्रयास भैरहेको छ भन्ने जानकारी आएको छ ।’ 

कुराकानी नै नभइ काटिएको पैसा फिर्ता हुने नहुने बारे आफूलाई थाहा नभएको बताउँदै उहाँले भन्नुभयो, ‘यस विषयमा हामीलाई जानकारी हुँदैन ।’ नेटवर्क राम्रो नभएको बेला फोन नचलाउनु नै राम्रो हुने उहाँले सेवा ग्राहीहरुलाई सुझाव दिनु भयो ।

थ्रिजी सेवामा पनि समस्या 

सोमबार थ्रिजी सेवामा पनि समस्या भएको सेवा ग्राहीहरुले बताएका छन् । छोटो समयमा नै धेरै पैसा काट्न थालेपछि नेपाल टेलिकम शाखा कार्यलय बझाङमा फोन गर्ने सेवा ग्राहीहरु बढेको टेलिकमका एक कर्मचारीले बताए ।

नेपाल टेलिकमको थ्रिजी सेवा लिइरहेकाहरुले पनि इन्टरनेट राम्रोसँग नचल्ने तर छोटो समय चलाए पनि धेरै रकम काटिने गरेको गुनासो गरेका छन् । 

प्रतिक्रिया दिनुहोस

सम्बन्धित सामग्रीहरु

  • यतिले ल्यायो एटिआर विमान

    काठमाडौं, साउन ७ – निजी वायुसेवा कम्पनी यति एयरलाइन्सले पहिलोपटक एटिआर विमान भित्र्याएको छ । यति एयरलाइन्सले १ अर्ब रुपैयाँको लगानीमा ७२ सिट क्षमताको विमान खरिद गरेको हो ।

  • अब मोबाइलबाटै प्राथमिक उपचार

    काठमाडौं, साउन ५ – नेपाल रेडक्रस सोसाइटीद्वारा तयार पारिएको प्राथमिक उपचार मोवाइल एप्लिकेशन शुक्रबार वरिष्ठ हास्यकलाकार एवं समाजसेवी मदनकृष्ण श्रेष्ठ तथा हरिवंश आचार्यको प्रमुख आतिथ्यतामा सार्वजनिक गरिएको छ ।

  • पृथ्वी ‘प्लानेट प्लाष्टिक’ बन्दै

    पृथ्वी प्लाष्टिक ग्रह बन्दै गएको भन्दै वैज्ञानिकले चिन्ता व्यक्त गरेका छन् । अमेरिकी अनुसन्धानकर्ताकाले पृथ्वीमा ८ अर्ब ३० करोड टन प्लाष्टिक उत्पादन भएको बताएका छन् ।

  • फेसबुक, ट्वीटर धेरै चलाउनुहुन्छ ? डिप्रेसनको खतरा !

    साउन ४ – सामाजिक सञ्जालले युवा पुस्तामा चिन्ताको दर बढिरहेको एक अध्ययनले देखाएको छ । दुव्र्यवहार विरुद्धको संस्था डिच द लेबलले गरेको अध्ययनका अनुसार युवा पुस्तामा सामाजिक सञ्जालबाट आफूमाथि हिंसा हुनसक्ने चिन्ता तथा डर बढिरहेको पाइएको हो ।

  • चौथो राष्ट्रिय एस्ट्रोनोमी ओलम्पियाडमा छनौट भएकाको नाम सार्वजनिक

    काठमाडौं, साउन ३ – चौथो राष्ट्रिय एस्ट्रोनोमी ओलम्पियाडमा छनौट भएकाको नाम सार्वजनिक भएकोे छ । ओलम्पियाडमा ५ जना विद्यार्थी उत्कृष्टमा परेका छन् ।

सबै हेर्नुहोस
Job Vacancy
पछिल्ला समाचारहरु

सोसल मिडिया